أضف سؤال أو موضوع جديد          

لأهل الخبرة في زيت الجيربوكس العادي .

up 2 down 0
wl.595 34
قبل شهر و 2 أسبوع



السلام عليكم
عندي كامري 2003
دوبي اشتريتها

قير عادي

ابغى اغير لها زيت الجيربوكس

وما اعرف ايش نوع الزيت الكويس اللي استخدمه
وابغى اعرف هل له فلتر ولا الكارتير ولا ايش بالضبط

وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بحكم الموديل وحكم الاستخدام السابق

لاتغيره ابدا ابدا ولكن تاكد ان كان ناقص زده ، حسب ماعرف بعض الشركات لاتنصح بتغيير زيت القير الا اذا خربت طرمبة القير (مضخة زيت القير)

والله يبارك لك فيها


up 1 down 5
انت اخر امالي 560
قبل شهر و 2 أسبوع



انصحك ماتغير زيت القير بتطلع لك ونه اذا زيت مبطي ماغيره اللي قبلك
تاكد منه اذا ناقص زوده 


up 0 down 1
ابو عبدالله العتيبي1111 9
قبل شهر و 2 أسبوع



ايه نعم يالغالي زيت القير يستبدل الزوجه المناسبه 75w90 عندك زيت بالبيد ممتاز تقريبا قير الكامري ياخذ ٣ لتر
اذا كان القير يعشق معك بسهوله ومافيه قره ولاصوت زوده وخله مايحتاج تغيره لى انه القير العادي زيته لزوجته عاليه ومايحترق بسرعه
بخصوص الي يقول طرمبه القير تخرب لمعلوميه القير العادي مافيه طرمبه الطرمبه تجي فى التماتيك


up 4 down 0
zl1.v8 9
قبل شهر و 2 أسبوع



ي طويل العمر جميع الزيوت تتغير مافي شي يبقى مدى الحياة لان القير لو لزوجة الزيت معدومه ممكن يسخن عليك وانت بطريق ولا يخمك وانت معك اهلك وتطيح بمشاكل انت بغنى عنها
الحل ي طويل العمر تروح تشتري لك جالون زيت حسب نوعيت الزيت الموصى فيها وتروح عند البنشر قل له يشفط لك لتر ونص وضيف لتر ونص وامش عليه فتره وكرر مره ثانيه وامش عليه فترة سايس القير وبعده غيره كامل وبيمشي معك زي القشطة ي قشطة بالعسل :)


up 3 down 0
هبووب الشمال 36
قبل شهر و 2 أسبوع



75w90 بالبيد اخضر . مافي فلتر و لا تفك الكارتير فقط غير الزيت


up 0 down 0
mh.saeed 170
قبل شهر و 2 أسبوع



اخوي رح غيره ومع التغير تخذ لك زيت الخاص ب القير وتخذ فلتر وقزقيات للكرتير
طبعآ اصلي جميع الاغراض
انا شاري كامري ٢٠١١ وماشيه ٣٠٠ ومغير لها زيت القير والحمدالله
مع فلتر وقزقيات وزيت القير اصلي والحمدالله الامور معي تمام ياربي له الحمد والمنه
اهم شي بعد التقير لا تشد ع السياره ع طول من ٣ الي اسبوع وبعده
تاكد من الامور وربي يوفقك


up 1 down 0
adli3030 28
قبل شهر و 2 أسبوع



غيره بزيت تويوتا اصلي للقير العادي

ومافيه طرمبه مثل ماقالوا الاخوان.. مجرد صره لتنزيل الزيت

وصره تعبيه.. الزيوت الثانيه ااي لزوجتها رقم واحد مثل

بالبيد بيسبب لك ثقل بالتعشيق ايام البرد وممكن يسبب لك ونه

من تجربه احد المعارف على كورولا.


up 3 down 0
abdullah.ags 390
قبل شهر و 2 أسبوع