أضف سؤال أو موضوع جديد          

استفسار تركيب جنوط صيني نفس المقاس

up 0 down 0
استغفر_الله30 261
قبل 2 سنه و شهر



بسم الله الرحمن الرحيم 
السلام عليكم ورحمة الله وبركاته 
اخواني الله يسعد مساكم ب كل خير 
انا عندي كامري سياحي و حبيت اركب جنوط ولقيت جنوط حقت الفل كامل بس صينية 
وانا صراحة ما قد تعاملت مع الجنوط الصينية ف هل تنصحون فيها وهل تسبب أضرار للسيارة لا سمح الله 
علما انها نفس مقاس جنوط الحديد كلها ١٦ 
والله يعطيكم العافية 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

انا ركبت جنط واحد صيني على سيارتي واشترطت على البنشري انه يرصصه وما يكون فيه أي رجة

والحمد لله في سيارتي من 5 سنوات وسافرت عليه ولا في أي مشكلة

وعلى فكرة الاصلي من الوكالة تايلندي


up 1 down 0
أبو عبادة 4852
قبل 2 سنه و شهر



وعليكم السلام

يارجل توكل على الله وخذها جنوط سيارتي طقم صيني مقاس ١٦ ولها الان اكثر من ٤ سنين ماشاء الله ماشكيت منها


up 2 down 0
yahya alajlani 694
قبل 2 سنه و شهر



الجنط الصيني اللي مقاسه صغير يتحمل
لكن الجنوط الكبيره اللي تكون دعسة الكفر ٤٥ او ٤٠
يتاثر الجنط بسبب الحفر


up 1 down 1
ابوخالد1397 2889
قبل 2 سنه و شهر



اخوي الي يقولك الجنوط الصيني مايتحمل وينكسر بسرعه ومن هذا الكلام لاتصدقه اناماركب الى صيني كان معي اكسنت زمان وركبت لها جنوط 16 صيني واستخدمتها سنتين وبعتها بجنوطها وكان معي اوريون ركبت لها جنوط الفل القراندي مقاس 17 استخدمتها 3 سنوات وبعتها ومعي كابرس مركب له جنوط 18 صيني ماشاءالله ماشيه زي الحلاوه 


up 0 down 0
k 6 4 i 1179
قبل 2 سنه و شهر



اذكر كان عندي باترول وركبت له جنوط هلل صيني ب ٤٠٠ ريال
بينما جنوط الباجيرو تتجاوز ١٢٠٠ ريال

وحطيت صيني وفي بالي انه خلني كل سنه اغيرها بنفس القيمه ولا اخذ الاصليه تظغطني قيمتها
وفعلاً ركبتها وجالي خمس سنوات من دون معاناه ولله الحمد ولا غيرت كل سنه ولا شي صارت ممتازه جذا
وفوق ماتصورت


up 0 down 0



خليك على الجنوط الاصليه ، انا كنت مركب جنوط صينيه على فورد وكان فيه حفره بالطريق ، ودعست عليها وانشق الجنط ،،، 

بعدين فيه شي مهم جدا ، وزن الجنوط اذا كان اعلى من وزن جنوط الوكاله ، راح يأثر عليك بنسبه ولو قليله بصرفية البنزين

بالتوفيق 


up 0 down 0
abuabdulrahman1984 25
قبل 2 سنه و شهر



وانت ماشي بشكل طبيعي تخدمك الجنوط الصينية

الفكرة اذا بنشرت وانت مسرع هنا الكلام، الصيني ممكن يتكسر وانت مسرع واحتمال كبير تنقلب السيارة لانك تمشي على الهوب

الصيني يخوف وقت البنشر، غير كذا ناس كثير تركب صيني والامور ماشية معهم

حفظ الله الجميع من كل مكروه


up 0 down 0
نديم الطيف 268
قبل 2 سنه و شهر