أضف سؤال أو موضوع جديد          

لمبة الماكينة في الكامري 2009

up 1 down 0
كروكليوم 11
قبل 2 شهر



سلام عليكم 

سيارتي كامري SE 2009 لمبة الماكينة مولعة عندي و لها فترة .. طلعت لي بعد ما غيرت طرمبة البنزين 
فصلت البطارية و شبكتها باقي اللمبة موجودة حاولت فيها يمين يسار عيت تروح 
فحصت السيارة كمبيوتر عند أكثر من محل و يطلع لي السبب كرانك شافت سنسور 
غيرته و باقي اللمبة موجودة و سويت ريسيت بالكمبيوتر و للأسف باقية اللمبة 

وديت السيارة للوكالة و يقول لي مافيها شي و لا ندري وش سبب اللمبة 
لكن استخدم منظفات الماكينة عند تغيير الزيت 
و منظفات لنظام الوقود يمكن فيه وصخ 

استخدمته و لا فاد معي 

أحد صار معه مثل كذا ؟ و وش الحل ؟ 


و شكرآ مقدماََ







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 

مادام السيارة سليمة ولا تلاحظ فيها شي لاتدقق على كل حاجه ممكن اللمبة معلقة من حالها 


up 0 down 0



اللمبة لها يمكن ٦ شهور .. و لا يوجد أي شي بالسيارة و سليمة 
لكن خوفي أن يصير شي و تكون اللمبة صدقية اشلون اعرف ؟؟ بالأخير اللمبة تنبيهية 



up 1 down 0
كروكليوم 11
قبل 2 شهر



جرب تروح محلات البرمجه يسون لك برمجه ويمكن تروح


up 1 down 0
m7md 33 814
قبل 2 شهر



سويتها بالكمبيوتر ولا فاااااد 


up 1 down 0
كروكليوم 11
قبل 2 شهر



غريبه والله 

انا معي كامري ٢٠١٠ واحيان بعد تغيير الزيت تطلع او تغيير البطاريه 

ف افصل السالب ١٠ دقايق 
وبعد ما اشبكه افتح السلف لين تطلع لمبات الطبلون كلها واخليه ٥ ثواني بدون ماشغل وارجع اسكر السالف 
واكرر هالحركه ٣ مرات والرابعه اشغل وتروح اللمبه حقت المكينه 

ودي اقولك سوها بس تقول سويت بالكمبيوتر ولا ضبطت 


up 0 down 0
m7md 33 814
قبل 2 شهر



طيب تقول غيرت الطرنمبه حقت البنزين 
تذكرت قبل ٣ سنين تقريبا اول ماشريتها غيرت فلتر البنزين في ورشه ميكانيكي لان كنت مغير اكثر من شغله وقال عادي اغير لك اياه
عموما بعدها بيوم طفى الموتر علي بالهاي واي وكرهت الموتر ههههه توني شاريه ومسويله تصفي ونافضه من الى ويطفى وعلى هاي واي ومعي اهلي انقهرت والله 
المهم سطحه ورحت للكهربائي بحارتنا وقعد يحوس وقال خله وبكلمك ، 
رحت ودق علي عقب ساعه تقريبا ، صدمني وقال فيش الطرنمبه مفصول ،، 
وشبكه واشتغل الموتر وليومك اوك ،، الظاهر الميكانيكي ماركبه مزبوط 

ادري طولت السالفه (: 
الزبده رح لكهربائي يشيك لك افياش الطرنمبه واسلاكها وان شاء الله هذا الحل 

وعلى فكره الكامري هالموديل كمبيوتره ضعيف بقراءة المشاكل ، ماهو تمام واكثر من محل يقولي .. 

حتى ظهرت علي مشكله مررره والفحص مابينها وطلعت من بوجي مكسور ، 
وحاط موضوع لها هنا بالمنتدى .،

جرب تشيك عالطرنمبه وافياشها وعلمناا وش يصير معك 


up 1 down 0
m7md 33 814
قبل 2 شهر



السلام عليكم
اول شئ افحص عند محل كمبيوتر وطالما اللمبة نورت اكيد في كود هيظهر لك

ثاني شئ لو مافي كود موجود امامك حلين
1- تجاهل تحذير اللمبة
2- الكشف علي عداد او طبلون السيارة من الممكن الخلل منه


up 0 down 0
عمده33 1636
قبل شهر و 3 أسبوع