أضف سؤال أو موضوع جديد          

استفسار عن الاقساط يارس 19

up 1 down 1
استغفر_الله30 261
قبل 2 سنه و 2 شهر



بسم الله الرحمن الرحيم 
السلام عليكم ورحمة الله وبركاته 

اخواني انا معي ٣٢ الف و صراحة تعبت وانا ادور مستعمل نظيف ب سعر كويس 
وما لقيت شي يستاهل 
و طرت علي فكرة اني اطلع يارس ٢٠١٩ اقساط ب دفعة ٣٢ الف والباقي اقساط ف هل بيحسبونها علي ب سعر مبالغ فيه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحة اخ شوفلك احد يسلفك ال10الاف الباقيه او جمعية مع أصدقائك في العمل أو الاهل افضلك بدل ما تدفعها 25 الف زياده في الإيجار المنتهي بالتمليك والسيارة تكون بإسمك وأمن تأمين شامل افضلك
لو السياره تأجير منتهي بالتمليك وحصلها شي لاقدر الله بيبهدلوك عشان دفعتك الأولى وياعالم تستردها ولا يخصموا جزء منها غير الفوايد.. لا تقرب التأجير غير محدود عليه وقسط بسيط بدون دفعه وفلوسك اعمل بها أي مصلحه انا مطلع يارس تأجير طالعه علي ب٧٠ الف وهي اصل تمنها ٤٣ الف! لكني محدود عليه لاني مقيم وما جمعت كاش ويوم جمعت قولت اشتري فورد طلعتلي الرسوم ههههه الحمد لله والله لا يحدك عليه انحاش وانا اخوك الله ييسرلك امورك ولا تشتري مستعمل كله ملعوب فيه الا مارحم ربي


up 7 down 0
mr.teto 594
قبل 2 سنه و 2 شهر



بالفعل احذر من التقسيط
السيارة صغيرة و ما تستاهل و ينزل من سعرها كثير اذا بتبيععا بعدين
زود 3 الاف تحصل صني بالمعارض شامل الضريبه ب35
و هي نفس اليارس و كلهم ياباني نفس ححم المكينه


up 2 down 1
مثقف سيارات 1126
قبل 2 سنه و 2 شهر



طيب ي اخوان معروضة علي كورولا ٢٠١٥ فل بصمة بدون فتحة ب ٣٨ ماشية ٧٨ الف وفيها رفرف خلفي مرشوش 
رايكم ادبر المبلغ واخذها ولا ادبر مبلغ واخذ اليارس زيرو علما اني طالب جامعي وش تشورون علي


up 1 down 1
استغفر_الله30 261
قبل 2 سنه و 2 شهر



خذ لك كاش وجديد افضل لك وعلى الضمان وبعيد عن الشك..شف عندك الصني والريو والاكسنت من نفس الفئه بسعر افضل


up 2 down 1
.ابوظافر 51
قبل 2 سنه و 2 شهر



خذ صني مثل ما قال الاخ انت صاحي تاخذ اقساط زيادة فوق عشرين الف


up 2 down 0
mfh2009 363
قبل 2 سنه و 2 شهر



الكرولا الي تقول حلوه دام رش بس رفرف بس افحص مضبوط وحاول فيه بالسعر شوي 
تويوتا مستعمل مايضره ان شاء الله ،. بس افحص مضبوط
لاتزنق نفس بالاقساط ولا بالسلف ..
دام معك ٣٢ الف يا تاخذ مستعمل نظيف او تاخذ جديد بالقيمه
وجديد قليل تحصل ب ٣٢ الا موتر نتفه ويطفشً
فالكرولامستعمله خيار ممتاز جدا اهم شيء تاكد من الممشى حقيقي والبدي مافي ضربه قويه

وبالتوفيق 



up 0 down 1
m7md 33 1156
قبل 2 سنه و 2 شهر



المبلغ الي معك جيد وتقدر تاخذ مستخدم نظيف لكن المهم أنك تفحص بعناية ولا تستعجل

وإذا في أحد يسلفك مبلغ وتزيد وتاخذ جديد باسمك أفضل

لكن في كل الاحوال لا تاخذ تأجير ابداً


up 2 down 0
أبو عبادة 4852
قبل 2 سنه و 2 شهر



الله يسعدكم السلف مقدور عليه الحمدلله ومن شخص قريب جدا 
والله يكتب اللي فيه الخير


up 1 down 0
استغفر_الله30 261
قبل 2 سنه و 2 شهر



32 الف وتبي تحطها في مقدم يارس
والله هالمبلغ ماحطه في يارس حتى لو بدون اقساط
اقل شي تلاقي كامري مديل 2012 او 13 حتى لو تزودها الفين ثلاثه

والمستعمل يبي لها صبر وتدور برواقه ناس شهرين ثلاثه تدور

واذا مصمل ع حجم اليارس وماتبي غيرها الله يرزقك
لانه اعرف واحد مطلع مكينه صغيره حدود 72 الف اقساط
بدون مقدم


up 0 down 0
tttt35035 1050
قبل 2 سنه و 2 شهر



32 الف تجيب لك صني وكاله باسمك


up 0 down 1
ابوحاتم6 459
قبل 2 سنه و 2 شهر



زود ١٠ الف من احد والديك ولا احد يعزك اطلب منه وردها أقساط، وخذ لك سنترا أفضل لطالب جامعي


up 0 down 1
hossam 6724 388
قبل 2 سنه و 2 شهر



الله يمتعك بعقلك

32 الف

تجيب لك صني اصفار

مر المعارض والوكالات وبتلقى عروض

اما تحط بياريس كارثة مصيبة




up 1 down 0
aboahmed2014 1160
قبل 2 سنه و 2 شهر






up 0 down 0
استغفر_الله30 261
قبل 2 سنه و 2 شهر



هههههههههه يا اخوك هي مسالة ميول انت وكثير من الناس يحبون الصني وتعجبهم 
لكن فيه ناس ما تعجبهم ومستحيل يفكرون فيها على رغم سعرها المغري مقابل اليارس الا انه ما يرتاحون لها بعكس اليارس وهي بالاول والأخير مسالة ميول و راحة الشخص اللي بيشتري يعني ما ينفع يغصب نفسه على صني ٥ سنوات وهو رغبته باليارس ( على الرغم من انه كلها سيارات صغيرة واعتمادية ) الا انه مرتاح لليارس اكثر 


up 1 down 0
استغفر_الله30 261
قبل 2 سنه و 2 شهر



المبلغ الي معك يجيبلك كورلا ٢٠١٦ او ٢٠١٥ نظيف وفي شي ثاني تمر المعارض وتدور الي ياخذ سياره اقساط ويبي يبيع محتاج كاش راح تفرق معك اقل شي ٥الاف


up 0 down 0
عمر-1990 34
قبل 2 سنه و 2 شهر



الله يسعدك يا عمر والله فكرتك راحت عن بالي 
لكن وين ألقاهم ف الحراج يعني عند المحرجين ولا الصالات لاني والله اسبوعين حست ف المعارض أسعارهم مبالغة جدا 
اللي يحرجون عليها خرد والسيارات اللي موقفة مقابل الحراج كلهم شريطية و رافعين الأسعار ل اخر درجة كانه حالف ما يبيع بس يفرج الناس 


up 0 down 0
استغفر_الله30 261
قبل 2 سنه و 2 شهر