افضل زيت ماكينة كورولا 2013

موتر كرافت 10-30 استخدمه لكرولا 13 ومرتاح معه وامشي لين 7الى 8 الاف كيلو

زيت تويوتا
استخدمته لكورلا 2005 من الوكالة وانا اغير
زيت تويوتا والحمد لله السيارة ماشيه 600 الف
بمكينه الوكالة امشي عليه الى 3000 او3500 واغيره

يعطيكم العافية جزاكم الله كل خير

أول شي ارجع لكاتالوج السيارة أو مايسمى بدليل المستخدم وشوف اللزوجات المقترحة

دليل المستخدم يقترح بالدرجة الأولى زيت بلزوجة 5W20 لكن مذكور أنه غير مناسب لأجواء الشرق الأوسط وللظروف الشاقة
فاقترح الدليل لزوجة بديلة مناسبة لمنطقتنا وهي لزوجة 5W30

والأفضل يكون الزيت باللزوجة هذي صناعي بالكامل (تخليقي) (Fully Synthetic)
وللعلم كل لزوجة زيت موجود منها تخليقي وعادي
ولكن غالباً الزيوت ذات اللزوجة الخفيفة متوفرة في السوق أما تخليقية أو نصف تخليقية (Synthetic Blend)

أو يجي مكتوب على العلبة (Synthetic Technology)

وعلى الرغم أنه فيه ناس لها تجارب جيدة مع الزيوت العادية إلا أن الزيوت التخليقية أفضل بكثير
معها توفر المال والجهد والوقود وراح تبان الفروقات بينهم أكثر على المدى الطويل

وحتى الزيوت التخليقية تتفاوت في الجودة بين شركة وأخرى وأحياناً بين منتجات الشركة نفسها
لأنه فيه شركات تصنع عدة أنواع تخليقية بنفس اللزوجة حتى

عن نفسي كنت استخدم زيت شل هيليكس الترا Shell Helix Ultra 5W30
وحالياً بعد بحث مطول استخدم زيت امزويل سقنتشر سيريس Amsoil Signature Series 5W30

لسيارة هوندا اكورد 2006 ومرتاح معاه واعتبر الزيت الأخير هذا أحد أفضل الزيوت في العالم إن لم يكن أفضلها على الإطلاق

موتر كرافت تخليقي بالكامل ممتاز جدا يمشي مع جميع السيارات بلا إستثناء

موتر كرفت ممتاز التخليقي بالكامل
لان في نص تخليقي هم ممتاز لكن الكامل افضل
وسعره رخيص الكرتون ٣٠٠ريال ١٢علبه
والنصف تخليقي ١٥٠ريال ١٢علبه يابلاش
لكن يافرحه ماتمت حاليا موتر كرفت مقطوع من السوق
من بعد ازمة كندا تحصل الزيت موجود لكن بكميات قليله
ولزوجات الي ماتمشي
اما بالحبه متوفر بكثره وبالوكاله الجزيره بس غالي
نصف تخليقي٢٢ريال تخليقي بالكامل ببحر ال٣٠ريال!!
بالنسبه لاخوي نادر زيتك ماتحصله باقل من٥٠٠رياال غالي مره
ماتسوا على سياره عاديه وفي بدائل بسعر رخيص
واتوقع الزيت الي تقول عنه هو اول من اخترعوا التخليقي
عشان كذا غالي

رايك أخوي دحوم على عيني وراسي وصحيح زيت امزويل سقنتشر سيريس نظرياً غالي ، اخذت الكرتون ب540 ريال
وانت تشوف سيارتي مجرد سيارة عادية وأنا اشوفها لكزس LS460 ، ماسمعت بالمثل اللي يقول القرد بعين أمه غزال :)
وخصوصاً أنه سيارتي موديلها قديم
لكن تضاهي بنظافتها سيارات بموديل 2015 - 2016 هنا بالمنتدى وأصحابها يشتكون من مصايب فيها

ثاني شي زيت امزويل سقنتشر هذا مو أي زيت تنتجه الشركة عندك نوع ثاني اسمه XL سعر الكرتون منه 430 ريال
ونوع ثالث اسمه OE سعر الكرتون 300 - 340 ريال وهذا أول زيت تخليقي في العالم

وطبعاً تختلف الكفاءة والجودة فيما بينهم والسقنتشر يتحمل حتى 40 الف كيلو ممشى بأجواء مثل أمريكا وأوروبا
لكن لأنه أجواءنا صعبة راح أمشي عليه 20 - 22 الف كيلو وإذا قسمت ال540 ريال على 12 علبة تطلع العلبة ب45 ريال

ودام الزيت يمشي دبل الزيوت التخليقية التقليدية على أقل تقدير
إذا قسمت ال45 ريال على 2 راح تطلع التكلفة 22,5 ريال للعلبة لكل 10 آلاف كيلو
يعني تقريباً نفس تكلفة الزيوت التخليقية التقليدية المتوفرة في السوق وعلى المدى البعيد راح تكتشف إنك وفرت مقابل اللي دفعته

هذا إذا تجاهلنا أنه أساساً هذا الزيت متفوق على كل الزيوت من نواحي عديدة منها ترك أقل رواسب ممكنة داخل المكينة
مااخترت الزيت هذا عبث ، ولكن بعد بحث طويل في المواقع الأجنبية

وفي شغلة مهمة إذا اخترت زيت يتحمل يمشي مسافة طويلة مثل ال20 الف كيلو الأفضل تغير معه فلتر زيت تخليقي أو رياضي
وكذلك فلتر هواء رياضي مثل فلاتر K&N

عموماً أنا نقلت تجربتي ومااحد مجبور يتبعها ،، كل واحد ينام على الجنب اللي يريحه
والزيت اللي ذكرته اخوي دحوم اللي هو موتركرافت ممتاز إذا كان بعده يصنع في أمريكا

لأنه الزيوت المُصنَّعة محلياً حتى التخليقية منها وضعها مايطمن

٥٠٠ ريال اخذ فيها موبيل ١

هههه اللي مايعرف الصقر يشويه
الزيت اللي جربته تجاوز بكفاءته الموبيل 1 بمراحل قلت لك في ردي الأخير مااخترت الزيت هذا عبث

والموبيل 1 مانفخه وكبره بعيون الناس غير الدعايات والامزويل سقنتشر ماتحتاج الشركة تسوي له دعاية
معاهد ومختبرات الزيوت تشهد له وكذلك المجربين

ابحث في المواقع الأجنبية وتأكد

موتر كرفت للان يصنع بامريكا
وفعلا الزيوت المحلية مواصفاتها ياكثرها مشكوك فيها
وبالاخير سعرها مثل الزيوت الامريكيه !!
وهي ماعليها جمرك ولا ارضيه بالجمارك ولاشحن بحري
العلبه مفروض تطلع ب10ريال ويبيعونها بسعرالزيوت المستورده
زيت موبيل ون يصنع بثلاث دول منها مصر
والظاهر الي يجينا مصري سيم سيم زيت محل او وطني
طيب اخوي نادر اشوف عندك خبره بالزيوت
خاصة ردك بموضوع اخونا هيثم
وش رايك بزيت برفا امريكي لزوجة 5W30 تخليقي بالكامل
كنت باشتريه من الوكيل بس قلت ببحث عنه بامزون
واي باي ماحصلته!!
لان بعد مانقطع موتر كرفت توهقت هههههه وحدي 300ريال للكرتون وسيارتي فورد

هلا أخوي دحوم ومشكور على الثقة لكني موخبير مخضرم في الزيوت لكن تقدر تقول خبير مبتديء ههه
وبخصوص زيت برافا مافيه معلومات كافية عنه في المواقع لكن دام أنه يصنع في أمريكا خذه وانت متطمن

وركز على فئة Diamantis هذي أعلى فئة زيت في الشركة وفيه أحد الخواص يتفوق فيها على موبيل 1
ولكن كعادة أغلب شركات الزيوت حتى في الخارج ماتذكر لك كافة تفصيل مواصفات الزيت
عشان كذا احترمت شركة امزويل تذكر تفاصيل مواصفات كل زيوتها وماقد شفت شركة مثلها تذكر كل التفاصيل تقريباً

ومن الزيوت اللي اقترحها عليك عندك زيت ايه سي ديلكو التخليقي بالكامل اذكر أنه كان متوفر في السوق ومصنوع في أمريكا

مع إني متعقد من شركة ايه سي ديلكو وقطعها الرديئة وقد جربت زيت منها بلزوجة 5W30 واسمه Select عادي
ونزلت موضوع عنه لكن اتوقع الزيت التخليقي بالكامل وضعه يختلف واذكر احد الجيران عنده يوكن 2013 ويغير منه ومرتاح معه

وعندك زيت Eni i-sint ms جربته ممتاز وصناعته إيطالية بس سمعت معلومة أنه صار يصنع هنا بس ماادري عن صحة المعلومة
وعندك زيت امزويل OE الكرتون منه تحصله ب320 - 340 ريال وكان عليه عرض نهاية 2018 ب299 ريال

وخذها قاعدة وأكررها أي زيت يُصنَّع في الخارج وخصوصاً أوروبا وأمريكا أفضل من الزيوت المُصنَّعة في الدول العربية
وكذلك تركيا منتجات شركاتها فيما يتعلق بلوازم السيارات ابعد عنها
هناك بأمريكا وأوروبا عندك معاهد ومختبرات تراقب الجودة بدقة وصرامة هذا غير أنه الناس مثقفة أصلاً

هنا ماعندك أحد
وسمعت معلومة من أكثر من شخص ثقة يقول الزيوت كلها اللي تصنع هنا يشترون الزيت الأساس من مصانع فوكس الحمراني
وكل وكيل زيت يضيف خلطته الكيميائية حسب مايملي عليه ضميره وتحصل نص المواد المضافة مسحوب عليها

وبالأخير يقولك زيت تخليقي بالكامل ههههه
أساساً من بينبش وراه الناس ماهمها أصلاً ، تحط أي شيء يمشي أمورها

عشان كذا كل مالها الزيوت اللي عندنا تدحدر
هذا غير أنه الشركات تتعمد سياسة تقليل التكاليف ولنا في شركات الألبان خير مثال مثلاً علبة اللبن 2 لتر وبعد فترة 1,750 لتر

وبعدين 1,5 لتر وعلى هالحال لا ويزيدون الأسعار فوقها

زيت ايسي ديلكو صناعة دبي ولا كان هو البديل
بس سألت الجميح عنه طلع دبي وتركته
وشكلي ابشتري اموزيل oe توني قريت عنه طلع ممتاز
وتخليقي بالكامل ويمشي١٠الاف وفي غيره تمشي اكثر
من نفس الشركه بس انا ١٠الاف مناسب لي
ودقيت على وكيله سعره٣٠٠ريال جداا
وزيت برافا ١٨٠للكرتون على كلام ابو هيثم يابلاش
الله يعطيك العافيه استفدت كثير من ردك على زيت oe

أجل ايسي ديلكو اشطبه من حسابك بس خبري فيه قبل كم سنة كان يصنع بأمريكا

وإذا زيت برافا النوع التخليقي بالكامل فئة Diamantis وصناعة أمريكية كرتونه 12 علبة ب180 ريال ؟ فعلاً سعره يابلاش
بس ماظنتي يطلع أحسن من امزويل OE لأنه شركة امزويل الجودة عندها مرتفعة بكل منتجاتها ويهمها سمعتها

مو مثل شركة توها ناشئة هذا بالإضافة أنه مكتوب بموقعهم كل تفاصيل مواصفات زيت OE
لكن اثنينتهم اعتبرهم أفضل خيارين من الزيوت الموجودة في السوق هذا أكيد
الله يطرحك لك البركة فيما اخترت مقدماً وأنا سعيد صراحة إني أفدت شخص
وبالتوفيق