مشكله بالقير العادي

وش نوع الزيت الي حطيت لا تصير جايب العيد

الهللات او التروس شيك عليها
خذ فره باليوتوب واطرح مشكلتك وتلاقي حلول ومشاء الله صار اليوتوب مليان مهندسين يشرحون كل مشكله بالسياره
اهم شي وديها عند واحد يخاف الله
بالبدايه سوي نفسك ما تفهم لمن تروح للمهندس ولو قالك نفس المشكلة الى اكتشفتها من اليوتوب معناها الرجال صادق وصلح
عنده ولو جلس يلف ويدور ويطلعلك عذاريب بالسياره معناها بيغشك بقطع زايده وابعد عنه

فيه مادة تضيفها مع زيت القير عند التغيير اسمها ملين تنفع للي ممشى مواترهم فوق 200-300 ألف
يستخدمونها للكوارين اللي تطلع ونه

تحصلها فمحلات قطع الغيار

غير الزيت او نقص منه كمية بسيطة وأضيف المادة هذي

وفيه منتج اسمه اكسترا باور لوب ابحث عنه فقوقل مفيد جدا أخوي استخدمه مع غيار الزيت
وانحلت مشكلته كان عنده ثقل في التعليق بسبب ضعف الكلتش

ممكن يفيد معك سعره حول 30 والكمية 50ملي بس
علبته صغيرة كنها ببسي صغير

ماينفع معها لا زيت ولا شيء ذي نحاسات القير لازم تغيير 
كل ترس له نحاس معنا ددسن ونفس السالفة اول كانت بس بالرابع وبعدها صارت بالثالث والثاني 
ولها 3 سنين على هالحالة 
وانت خالها تكد معك لان تغييرها نفس التوضيب