كم يسوى جي اكس ار 97

و عليكم السلام
يا ابو فاطمه قبل اسبوع كنت تستفسر عن سعر 2007 وش رجعك 10 سنوات ورى

97 غالبا ما بتحصل له قطع الا بالقوة حتى لو بغيت اشياء استهلاكية عاديه

اما 2007 لو عندك قيمته افضل بكثير و تحصل القطع متوفره اكثر

ولا ادري انت تبحث عن سيارة كبيرة فقط او تحتاج دفع رباعي بإستمرار

لان فيه بدائل واسعه اكثر و صرف بنزين اقل و سيارات كبيره

مثل تاهو او يوكون 2009 سعره ارخص من لاندكروزر 2007 اللي تسأل عنه قبل اسبوع

او اكسبديشن و فيه خيارات كثيره مدري ليش حاصرها على فئة الجيوب

و كثير من الناس يشتري جيب وهو اصلا ما يحتاجه فقط يبي سيارة كبيره

هذي فترة الشتاء واجد ناس
يبي جيب قديم و رخيص و بنفس الوقت نظيف و ما يصرف بنزين ؟
فكرة مؤقتة و تعدي ثم يبتلش فيه بس خساير فلوس
كان معي باجيرو جديد و لاني براعي بر
الحمدلله راحت تالف قسطه و بنزينه سنه وحده خسارة ممكن 30 الف
و طلعت كروس اوفر على قدي ما يصرف و حليل للبر بدون مبالغات و اكثر استخدامي خطوط

مشكورين يا اخوان على الرد
انا يالتركي ابي اشري لشايبي سيارة عائليه يروح بها لمشاوره و للمزرعة
فيها طريق جلد عادي ماهو رملي مسافة ٣ كيلو من القار
ولاني عارف ماهي السيارة المناسبه لذلك

الله يجزاك خير و يوفقك على البر
شوف حالته الصحيه خصوصا" الظهر و اذا يتعبه جيب مرتفع بالصعود و النزول
شوف لي جيب نازل و مريح و ٣ كيلو يمشيها اي جيب بدون مشاكل و الافضل تشوفون له سواق
حسب وضعكم و وضعه الله يحفظكم