أضف سؤال أو موضوع جديد          

ماهو الحل مع قسوه الهايلكس

up 2 down 2
yasergame 25
قبل سنه و 5 شهر



السلام عليكم ورحمه الله
اخواني معي هايلكس موديل 2012 غماره
مغير له الجنوط وحاط جنوط مرسدس وكفرات 225
وغيرت المساعدات
ولكن مازال هنالك مشكله وهو قاسي جدا من ناحيه الصندوق
لما امشي فوق حفر او مطبات تسمع الصندوق وصوت السست صاقع في اذنك
من امام السياره لاباس احسها مريحه
مريت اكثر من ورشه كلهم يقولون تمام مافيها شي السست او الجلد
يقولون كذا السياره قاسيه
مع العلم اني ركبت شاص وركبت هايلوكسات بس احسها فرق كبير عن سيارتي
قريت بعض المواضيع ناس تقول اقلب السسته التحميل
وناس تقول اسحبها بس راح يهبط الموتر وراح تضطر تركب لعاب عشان يرجع لرفعه بلده وصراحه ماقدر اغامر اني اركب لعاب ممكن ينكسر وخصوصا انا كل يوم اداوم بالسياره من الطايف لمكه
فكرت اقلب السسته بحيث احافظ ع الرفعه ولكن في ناس تقول تخرب نظام التعليق ومدري وش فانا الان محتار ياخوان ابغا كلام واحد مجرب مو مو واحد يتكلم من راسه ويتفلسف رجاءا
وبالاخير الرجاء لاحد يعلق ويقول بيع السياره واشتري سياره تريحك ومن ذا الكلام
انا احتاج السياره بصندوقها وتحميلها ومشيها في البر الخفيف لابأس به ولاقدر استغني عنها
والحمدلله مرتاح مع السياره جدا ولكن عيبها الوحيد القساوه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام ورحمة الله و بركاته
بغيت اقولك خذ سيارة غيرها هههههههههه بس اخر الموضوع كاتب لا تقولون بيعها لا بالمسدس و بطلت

عموما والله ما عندي خبرة بهالامور ولكن حسب المتداول بين الناس و كلام غير متأكد منه
انه تنقص من السست تسحب 2 من كل جهه مثلا
و حتى لو حملت عليها بعد السحب ما بتنزل ماهي مثل اليايات راح تبقى غالبا نفس الوضعيه او تنزل شيء بسيط


up 1 down 3
التركي حبيب الكل -314
قبل سنه و 5 شهر



اشكر لك تعليقك
بالنسبه للتحميل مااحمل عليها كثير اذا مره مره وصلت وزن الحموله 500كيلو وهذا في السنه مره
ولكن السوال سحب السست ماراح ينزل من رفعه السياره؟
لانه صراحه لو سحبت سست وتهبطت السياره صار ماعاد هو هايلكس صارت كامري :/


up 1 down 1
yasergame 25
قبل سنه و 5 شهر



هي كذا وانا خوك الحوض الياباني كله ناشف وفيها قساوة وماله حل ولا انصحك تقلب سست ولا تركب لعاب ولا غيره خل الموتر
شد بلاده علشان مايبهذلك في الصيانه وبين الورش وفي وزن الكفرات مستقبلا تنحاس عليها بسبب اللعب في نظام التعليق

اذا تبي حوض ومريح عليك بالونيت الفورد او الدوج
والشفر والجمس ماعليهم في الراحه لكن يعتبر اقسى الامريكي وهم من شركة وحدة سواء اخذت هذا والا الثاني لكن ارحم من الياباني


up 1 down 1
هاوي707 221
قبل سنه و 5 شهر



نزل ضغط الكفرات امكن يكون زايد


up 1 down 1
zax_makkah 248
قبل سنه و 5 شهر



لا تعب روحك ماله حل هو كذا الحلول الي بتسويها بتخرب لك سيارة

هو مشكله غماره قصير وماهو مرتفع فتحس بالموتر بقساوته ومناقز

عكس غمارتين طول ممتص قساوة الي في الخلف تكون غالبها على صندوق

ودبل لانه مرتفع هم اقل قساوة منهم كلهم



up 2 down 0
mohammed1368 155
قبل سنه و 5 شهر



مع كلام الاخ mohammed1368
ولو تحط في الصندوق من خيش الرز حجم 40 كيلو املها رمل وخلها بصندوق عشان تخفف مناقز الصندوق
او لحم الصندوق بشاصي السياره ممكن يضبط


up 1 down 0
ynill 32
قبل سنه و 5 شهر



تمام الله يعطيكم العافيه


up 1 down 1
yasergame 25
قبل سنه و 5 شهر



وعليكم السلام شفت مقطع باليوتيوب قبل فتره مركب منافيخ بدل السست ويقول تغيرت معه كثير بالنسبه للراحة وتتحمل التحميل 


up 0 down 0
ابوخلوودي1 5071
قبل سنه و 5 شهر



وش هي المنافيخ ذي ؟


up 0 down 0
yasergame 25
قبل سنه و 5 شهر