ما رأيكم بالفورتشنر الديزل الشكل الجديد ؟

موديل 2015 مدري جابته الوكالة او يجي من برى
لكن اللاندكروزر من زمان الوكالة تجيبه
عموما عندك الانوفا الجديده ديزل تيربو صوتها انعم واقوى من البنزين بكثير
الفورتشنر لو كان تيربو و اتوقع اغلب سيارات الديزل اصبحت تيربو
بيكون صوته ناعم و عزمه قوي و افضل من البنزين

لكن سعرها غالي صراحه ١٤٥ تقريبا حرام والله

ههههههههههههههههههه
واضح اللي عطاني ديسلايك ما يدري وش التوربو يحسبه مثل الفلتر
التوربو تعال اسمعه بالنقل الجماعي على ثقل وزنه و كبر المكينه تحصله ناعم
لو انها بنزين ما تمشي و تحصل صوتها مزعج و هي ديزل
تعال اسمعه بأغلب الشاحنات خاصه شاحنات الفولفو اللي تجي بدون بوز
اما الشاحنات المرسيدس غالبا بدون تيربو تحصلها مزعجه و ضعيفه

ادخل اليوتيوب و شوف تجارب الناس للديزل التوربو انوفا و سوناتا و جيوب لكزس و سيارات كثيره
حتى المرسيدس اليخت صار يجي منه ديزل توربو

احد الأقارب طق النترا ديزل. ٢٠١٥ وارد كوريا
يمدحها. ومبسوط فيها
وحصلت اكسنت ١٤ ديزل وصلت٢٥
ماتسمع صوتها ابدا
ياسلام

المهم اذا تبي ديزل تويوتا شف مكينه حجم 2800 ممكن بالديزل
افضل و اقوى من مكينة 2400
الفورشنر ديزل استاندر ب117 مكينه 2400
جيب الايسوزو فل كامل مكينة 3000 ب120
و ان كان الديزل طار فوق
انا جايز لي فورد رنجر حوض ديزل بس ارتفع سعره جديد و لحقه المستعمل
بشكل عام انتظر خطر تشتري ديزل جديد غالي ممكن يرتفع الديزل
كل 3 شهور مراجعه اسعار المحروقات و الله يستر

قصدي الخليجي ممكن ينزل بمكينة 2800 ديزل

التركي عطيتك لايك معليك من الي ما يفهمون ديزل وتيربو = مكده

شكرا يا محمد
هم فاهمين الديزل انه مثل الدينات بس
و على اساس حتى السيارات الصغيره او نقل الركاب ديزل بيكون صوتها مثل الدينات
و الدينا العاده تجي بدون تيربو عشان كذا صوتها عالي
كثير ترى ما يدري يحسب التيربو مثل الفلتر
و بعضهم يجي يقول سيارتي فيها تيربو تجي تقوله ورني اشوف
يطلع زر البور او السبورت اللي يمد نمره بس يحسبه تيربو هههههههه

مع غلا البنزين خيار ناجح جدا الديزل
و لكن يحتاج مستخدم يهتم بالصيانة الدورية
من فلاتر و غيره
و سيارات الدفع الرباعي مثل الاند و البرادو و ... البنزين فيها مكلف جدا
و ايضا اللي يتحرك بالسيارة كثير يوميا ايضا خيار ناجح
الديزل مثل الاكسنت فلها ب14 ريال تمشي قرابة
600 كم

و الأخ التركي ماقصر بين الفروقات في محركات الديزل

اغلب الناس تكلم عن الديزل وهم مايدرون عنة وماخذين فكرة انة يحتاج صيانة اكثر وفلاتر ودخان وصوت وازعاج
وهو العكس. الديزل مايعتمد على السرعة يعتمد على قوة الجر النيوتن فية اعلى مت محرك البنزين وصيانتة اقل تكلفة
محرك الديزل مايحتاج كهرباء عشان يشتغل زي البنزين بس اجبرو السيارات الجدسدة علية طرمبة كهرب وشمعات تسخين مافية بواجي
والفلاتر الي اكثر الشعب يتكلم عنها
هي فلتر الهواء زي حق البنزين وفلتر الديزل. زي صفاية البنزين بس اكبر حجم شوي
والتيربو اسمة شاحن توربيني. يدفع الهواء البارد مع جزء من غاز العادم الي طالع من الشكمان لداخل المكينة عشان تاخذ عزم بس

انا جربت الايسوزَ غمارتين 3000سي سي تيربوقير عادي دبل عزمها جبار وتجيب 180لكن عزمها مع البر مقبول

التركي انا دايم استفيد من خبراته الله يجزاه خير ولو عندي صلاحية لايك عطيته

وشكر لكل الشباب الي اثرونا بالمعلومات المفيدة

مافيه احد منكم جرب الفورشنر ديزل مكينه 2400 نبيه يعطينا العلم كيف صوتها وعزمها فى البر