افضل دبه تتحمل الرمي

ياخوي فك عمرك من دعاوي المسلمين 

رموك بالتوقيف ان شاء الله
ازعاج خلق الله ليش
شلت هم المرور ولا شلت هم المسلمين اللي تزعجهم و تضايقهم بحركات الورعان و الدرباويه

أسأل الله العلي العظيم ان يهديك لكل ما يحبه الله ويرضاه
انت وكل شاب يقول لا اله الا الله محمد رسول الله

وش فيكم زعلتوا يا شباب هههههههههههههههه
ترا ما استخدمه الا فالبر ولا لحالي

نسأل الله لك الهدايه ويكفي المسلمين شر ازعاجك انت وامثالك
اتقى دعاء الناس عليك وان تكون ممن وجبت عليه لعنتهم
روى الطبراني عن حذيفة بن أَسِيْد رضي الله عنه وحسنه المنذري قال e (( من آذى المسلمين في طرقاتهم وجبت عليه لعنتهم))

وش لك بالحركات هذي. العالم تطورت وتعلمت ومنهم من وصل الى القمر وانت تفكيرك في هالامور.

انتو بس ازعاج وضياع وقت ومال . ابد مامنكم نفع ولا فايدة .

ترضى اجيك وانت نايم واشغل عندك جوال بنفس اللي تسوية أجل كيف ترضاها عند بيوت الناس

عندي سؤال بسيط واتمنى تجاوب عليه

وصراحة كان نفسي اقابل أصحاب الهايلكس اللي يشيلون الطيس وغمارتين وسرعة جنونية وازعاج وتفحيط وحالته حاله

سؤال واتمنى أحصل إجابة / انت وش مستفيد من الحركات هذي ؟

يعني هل إزعاج المسلمين بأصوات السيارة والتفحيط مرجلة ؟ او تقوي من شخصيتك ؟

هل بظنك لما تركب هايلكس ومكتم السيارة وبكل ضغطة بنزين لازم تطلع صوت التفحيط .. ولازم تقطع اشارات ولازم تحارش خلق الله .. هل بظنك انها بترفع من قيمتك ؟؟

والله استغرب يا جماعة الخير يمكن 99 باالمية من أصحاب الهايلكس يا فيهم دلاخة أو فهاوة او قلة مرجلة !!!والله بديت أشك ان المكيف حق الهايلكس يطلع مادة يخليه ينهبل راعيها ويسرع لو انه داخل برميل زبالة يسرع بها

شي غريب ولازم صراحة يشرحون جثة واحد منهم يشوفون وش كمية الدلاخة بجسمه !!!

خذلك دبة صاروخ افضل لك (ماصورة من اولها لاخرها)

مدري شنو مشكلتكم عندكم سوء فهم الرجال يقىل يستخدمه فالبر او لاصار لحاله الا مخلينه مزعج الناس ومدري ايش؟ 

كيف تبغون الناس تتطور وانا عشان سألتكم وش افضل دبه
اعطيتوني فوق اربيعن دس لايك
 طبعاً انا ما همني لا الحساب ولا وغيره راس ماله حساب جديد 
بس ابغا اقولكم انكم لازم تتطورون وتجاوبون على قد السؤال ولا تظلم احد بتفكيرك العقيم 
طبعاً سيارتي تقدرون تقولون اوف رود يعني ما تمشي على الشارع فالبر فقط
عشان الي يقولون ازعاج ولا تخويف 

وشكراً 

انا اقدّر واحترم النقد البنّاء 
لكن بإحترام 
انا حالياً ما سويت شي الا اني سألت عن دبه فقط لا غير 
ما قلت وين احسن شارع للفحيط 
ما قلت وين اهدا حى عشان ازعجهم 
ما قلت وين احسن طريق عشان اسرع فيه 

جيتوني مدرعمين
خاف الله 
انتو يا راعين الهايلوكسات مجانين 
رموك فالتوقيف ان شاء الله 


لدرجة انكم حطيتوا فيني اشياء ما سويتها 
قلتوا اني مظلل 
شايل الطيس 
افحط 
اسرع
اقطع اشارة


اسألكم بالله هذا مو ظلم 
بس اكتشفت ان فيه ناس تحب السب 

روح سب اي احد او اتهمه انه يفحط طوااالي تجيك لايكات