أضف سؤال أو موضوع جديد          

ليه ضاعت الأمانه عند بعض الناس

up 15 down 0
ابولمياء- 88
قبل 3 سنه و 4 شهر



السلام عليكم ورحمة الله وبركاته

الله يسعد أوقاتكم بكل خير

للأسف في الزمن هذا الا من رحم الله الغش في السلعه عنده ولا شي

موقفين صار معاي خلال 4 أيام

كنت أبحث عن سياره و حصلت واحد وشرط لي الموتر عدا رش رفرف بدون سمكره و استأجرت سياره و سافرت له 280 كيلو رايح و 280 راجع وعلى سهر لحاجتي للسياره

وعند فحص السياره لوحظ وجود سمكره بالباب و الفصالات ( يعني حتى الفصالات ما غيرت ) و الرفرف لدرجة من قوة المعجون ما يقرأ الجهاز و طلع الموتر مرشوش كامل عدا التنده وبكل برود يقول اشرفت بمعرفتك و ناوي يتركني كذا قلت له ادفع فلوس الفحص حسب اتفاقنا و صار يلف ويدور معاي وبدون أي نقاش زائد قلت له الله يستر عليك انا ادفعها لأن ما ابحث عن ظلم نفسي أو الناس ودفعت شر

وبعدها بيومين حصلت سياره وفحصت وكان الفحص حسب ما ذكر لي صاحب السياره و العاده استخدم موجز لمعرفة تاريخ السياره و هذا اليوم نسيت استخدمه بسبب تعبي بالبحث عن سياره

لما اشتريت و دفعت فلوس التأمين و الفحص و اتعاب المعرض باليوم الثاني لما جيت اسوي صيانة للسياره على يدي قلت أمر على بترومين بما ان السياره لها ملف و طبع لي الموظف برنت و تفاجأت قبل سنه و كذا شهر السياره ماشيه 479 ألف
انصدمت و مباشرة توجهت لموجز واطلب تقرير و احصلت قبل 8 أشهر كانت ماشيه 508 ألف كيلو وكسور و انا اشتريتها اساس ماشيه 214 ألف

وحلف راعيها ما يدري عنها و بعد طول نقاش طلب منه يرجع الفلوس وياخذ سيارته و اللي دفعته للمعرض و الفحص الله يعوضني بس يرجع قيمة السياره وحليتها معه بشكل ودي لأن ما ابحث عن مشاكل او لو رحت للشرطة باخذ حقي بالكامل

الرجال حلف انه مشتريها قبل شهرين و ان الممشى كان 200 ألف وعليها

و بنفس اليوم الرجال جاني وعطاني فلوسي و اخذ سيارته

اللي احب اقوله لا احد يضحك عليه بالكلام المعسول و الحلف احيان ناس ما تدري بسيارتها اذا كان مستخدم ليس بالأول او بعضهم يتعمد الغش

اخسر 68 ريال تقرير موجز و لا تخسر مبلغ سياره كامل

اترك لكم التعليق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله ياخي انها مشكله صار الواحد يخاف ياخذ مستعمل ولاعنده فلوس يطلع جديد


up 4 down 0
راكان443 150
قبل 3 سنه و 4 شهر



لا الجديد سلمنا منه ولا المستعمل سلمنا منه


up 4 down 0
yasser77 712
قبل 3 سنه و 4 شهر



وعليكم السلام ورحمة الله وبركاته 

والله ونا خوك ماعرف كيف شعور اللي يضحك على الناس وياكل مال حرام ويأكل اهله معه ،،،، لكن الله يهديهم ويصلح حال الجميع


up 3 down 0
ابو حسين.......... 1024
قبل 3 سنه و 4 شهر



اي والله....تعبنا من فحص السيارات ويصير الفحص غير كلام راعيها


up 0 down 0
ابراهيم ابو جابر 75
قبل 3 سنه و 4 شهر



قربت الساعة عسى الله يرزقني وياكم الرزق الحلال ويبعد عنا وعنكم وجميع المسلمين كل ظالم غشاش . يعلم الله ان هذا الشي تكرر كثير الفترة الاخيرة


up 3 down 0
abofarah 1080
قبل 3 سنه و 4 شهر



حب الدنيا وكراهية الموت


up 1 down 0
المالكي 1254 94
قبل 3 سنه و 4 شهر



انا من خلال تجربتي للمعارض بما اني بعت سيارة وكنت ادور على سيارة لواحد من الشباب ايقنت ان اول من يدخل النار هم بعض الاشكال الرخيصة فالمعارض


up 2 down 1
zax_makkah 248
قبل 3 سنه و 4 شهر



انسو تشترو شي من المعارض

تعبت شهور وما لقيت شي حلو بالمعارض ولو لقيت يطير حتى لو صاحبها وعدك انك تفحصها وتشتريها

طريقتي كتالي - دور ورشة محترمه حق فحص ودسم شاربه بخشيش وصير صديقه مهي مشكله عشان ينفعك بعدين
دور على سياره واتفق مع صاحبها لو طلعت فيها عيوب انت تدفع ولو وافق خذها لعند الى دسمت شاربه حق الورشة
وخله ينفضها نفض ولو قالك تمام وانت ارتحت اشتريها بطيب خاطر

السيارات توافيق يا تطيح ومحد يسمي عليك يا ترتاح نفسيا وتكمل مسيرة حياتك مرتاح


up 3 down 1
فـهـــــد الفهد 449
قبل 3 سنه و 4 شهر



صدقتوا جميع الأفضل الان اذا من نفس منطقتك توديها لورشة تعرفها كهربائي و ميكانيكي و البدي لمحل سمكره يكون معروف و سمعته طيبه و نترك منا حقين الفحص لان البعض اهم شي يمشي او يطلع فيها عيوب ما هي فيها بس يحتاط لو صارت ما يتحملها 


up 2 down 0
ابولمياء- 88
قبل 3 سنه و 4 شهر



الله الي يحاسبهم وانا اخوك وانت عليك تنتبه واعتبرها درس


up 1 down 0
faisalalshega
قبل 3 سنه و 4 شهر



حسبي الله ونعم الوكيل في هالااشكال
لاكن اذا اعجبتك سيارة
اتفق انت وياه على من يدفع قيمة الفحص
وقبل ادخلها ورشة الفحص تبلغ صاحب الورشه
بااللي راح يدفع سعر الفحص اذا طلعت ع كلامه تدفع
واذا تغير الكلام هو يدفع بكذا لوهو خابر فيها مشكله
راح يصرفك
لاكن اللي فعلا صعب ينكشف عداد الكيلوات 
والله يعين 


up 1 down 0
باترول 2020 2623
قبل 3 سنه و 4 شهر



باترول 2020 هذي صارت معاي سافرت من الدمام لجده ضد رد و للأسف أخذ سيارته وسحب علي وحق الفحص يقول ما اقدر اسوي له شي و لكن خسارت 300 ابرك من مبلغ فوق 60 الف 

و بالنسبه لمراكز الدمام ياخذونها من المشتري وليس البائع اجباري حتى لو بلغتهم و هذا اللي صار معاي بالضبط


up 0 down 0
ابولمياء- 88
قبل 3 سنه و 4 شهر



الموضوع هذا صار معي قبل شهر اشتريت سياره ويحلف لس ان مافيها غير رفرف يمين وطرف الباب يمين طبعا ضربت له خط مايقارب 1000 كيلو يعني رايح جاي 2000 كيلو الزبدة ارهاق وتعب وسهر والمتطقه اللي هو فيها مافيها فحص بدي المحركات شرط لمن رجعت الدسرة فحصت البدي حصلت الرفرف اليسار مرشوش بعد كلمت الرجال ويحلف لي والله عاجز عن المشاكل بس دعيت عليه من كل قلبي 


up 0 down 0
ابوفااارررسس -2
قبل 3 سنه و 2 شهر