ماحل الرجه ؟

يا ساتر
والله حراام السيارة جديدة ورجه وتغير طقم الكفرات
لا يردك الا الوكالة وحاول بحقك قدر الامكان

السيارة جديدة وبمبلغ وقدرة قهر اني اشتريها وفيها رجه
الله يييسر امرك

شكلها مصدومه والا مقلوبه وباعوها عليك شلة حسب الله على انها اخر نظافه.
وبعدين وش اللي مستحيل تراجع؟
اما ان امركم غريب عجيب
الوضع مايحتمل الانتظار روح شوف سيارتك فحص وكاله يمكن تطلع البلاوي

شف الكفرات اذا فيها مسحيه وشف الرمان اذا بايز وشيك على الترصيص والجنوط اذا تجاريه او فيها طعج وشف كراسي المكينه وشف القماشات يمكن في مشقبيه طايحه او شي.. .. وشف الفلنجه كامل الكفرات وشف العكوس وشبك على زيتها واذا كلها زينه وتأكدت منها كلها احتمال الرجه في نمره بالقير واذا تسمع الشور طنشها ولا تشغل نفسك فيها وسلامتك

شيك على
- اسلاك بواجي
- كراسي المكينه
-كرسي القير
-كويل كهرباء
وبعد كل اصلاح الخراب غير البواجي

والافضل توديها الوكاله تفحصها كمبيوتر وتوفر على نفسك اجتهادات الورش

احتمال العكوس فيها عيب مصنع او فيها تهريب زيت ودها لوكيلها لاتترك احد يتعبث فيها

الله يعطيكم العافيه وماقصرتم
المشكلة ان الرجة ماهي ثابتة
يعني اذا وقفت الموتر في الليل والصبح مشيت عليها تطلع الرجه من بعد سرعة
٧٠-٨٥ بالضبط وباقي اليوم عادي رجة ولا تحسها الا بالتدقيق مره ولاهي واضحة
يعني بعد ماتاخذ وقت واقفه ٦ ساعات واكثر تطلع والا لو السيارة متحركة لا عادي
فما ادري ايش المشكلة
وانا ماودي اروح الوكالة او الورش تعدل وتفك بالسيارة وهي جديدة

باقي المشكلة مستمره