ماهي السيارة التي لاتستحق سعرها ولماذا وكم السعر المناسب لها

ازيد كمان الراف فور ،،، وارتفاع السعر اتوقع الخدمة والجودة وقبل كل شي السمعة مع العلم ان الموديلات الجديدة فيها عيوب لكن افضل من غيرها وهذي وجهة نظري والله اعلم

اكورد 2017 سيارة جميلة وقوية لكن رافعين سعرها بموقع حراج اكثر من اعلان
اشوفه تكون السيارة مسمكرة وماشيه فوق 40 الف وطالب فيها مالايقل عن 80 الف

سيارات هوندا مرتفعه جدا
سيارات تايوتا مرتفعة
سيارات هونداي متوسطه الارتفاع

وعليكم السلام
الواحد يدور بدائل بأسعار مناسبه خاصه بهذا الوقت وقت التوفير
سيارات تويوتا من اصغر سياره اليارس السوح قير عادي قزاز هندل اغلى من الصني والاكسنت تماتيك قزاز كهرب!! هنا في بدائل
جيب تويوتا ودبلاتها وارتفاعها عن الارض ماتحصل منافسين لها الا قليل باجيروا باترول
على اني من محبين البرادو بس مستحيل احط فيه١٦٠الف وكاله في بدائل افضل اذا مره اطق يوكن بقيمته وعيش الرفاهيه والسينما
لذلك اخذ برادو مستعمل افضل ب٩٠الف او حولها والباقي احطه بجيبي.
ولو اني فرضا راعي بر اقسم المبلغ مااحطه كامل بجيب!! واكسره بالبر

كل السيارات ارتفعت اسعارها بالسوق سواء جديد أو مستعمل في السعودية فمثلا لو لقيت لكزس ال اس ٤٣٠ موديل ٢٠٠٤ مخزن ماشي ٦٠ الف بالسعودية ممكن سعرها يوصل ٧٠ الف ونفس السيارة انا شايفها بدولة خليجية سعرها ٤٦ الف ريال.

اذكر الجيب الجكسار 6 سلندر في 2016 كان ب 150 تقريبا والان 180 وفوق وسعر التويوتا بعد ارتفاع البنزين صار اغلى !!!

سيارات تويوتا تحتل المرتبة الاولى في غلاء
الاسعار سواء المستعمل او الجديد ولا اعلم السر في هذة
الاسعار الفلكية هل هي جودة ام احتكار ام تعصب ؟ لكن اعتقد
ان وكيلها المنتشر في كل مدينة له دور في ذلك
وايضا خدمتها الطويلة في الكد دون تفكك او هربدة

بشكل عام الكوري هيونداي و ربعها لاتستحق سعرها وخساره ومن يستطيع 
البعد عنها يفعل بصراحه عندنا أخذت فوق مستواها لان أم سياره تكد او سعر رخيص
لكن سعر فوق وشغل تحت ماتجتمع 

الشاص و اللاندكروزر

اغلب اللي الاحظه سيارات تيوتا بشكل عام و هوندا
مافيه اي مبرر للارتفاع هذا ،  جودة على عيني وراسي
لكن ركبنا نيسان ومازدا وفورد وشفر وشركات كثير وحرثناها حرث ومشت معانا
وقلة مواصفات وفوقها وسيع وجه غلاء قطع غيار بشكل مجنون

الكوري بشكل عام جودة سيئة جدا و سعر مرتفع

اللكزس اي اس 350 كان سعره وكاله 2010 ب 125 الف الان فوق 200 الف



اما الباجيرو الفل من 150 الف 2012 والان ب 100 الف ريال عشان الناس وعيت وصارت تاخذ من الامارات

بالنسبة للي يقولون الكوري جودة سيئة ممكن تعطونا وتنورونا الأسباب لي وللمتابعين

مثلا ديكور مع الحرارة يصير صمغ ؟
مثلا قطع غيار مساعدات وركب ومقصات ورفرف في تويوتا ب 20 الف ونفس الفئة في هونداي ب 5000 وكلهم خدمو نفس الوقت

الكومبريسرات الكل يشتكي منها الكهربائية

او تصميم هونداي الجديد 50 بالمئة فولاذ والتويوتا كرتون واتوقع تلاحظون هالشي معي في سيارات هونداي وتويوتا

او مثلآ اشتري لي سياره قيمتها 500 الف بعد شهرين ديكورات الاكسنت اهدا منها ؟

عطونا ملاحظاتكم لاستفيد وغيري يستفيد