كربريتر كرسيدا 93

حياك
مافي مشكله هو اربع مسامير 
وانتبه لامكان اليات 
ونضف  مكان الوجه القديم 
وركب الوجه الجديد 
وشد الكلبليتر ورجع اليات مكانه
واذا ماتبي تركب 
الحكمة تقول عط الخباز خبزة لو كلا نصه

كويس توقعت يكون معقد دام كذا بركبه بنفسي منها تعليم وتوفير فلوس

نيسان 200 ال ثمانين مثبت بأربع مسامير مقاس ١٢
والبلقي ليات البنزين الوضع عادي
خلك رايق وما يكون عندك شغلة واشتغل من بعد الفجرية عشان الشمس م تحتاج كشاف
وما يمنع تشوف دروس عاليوتيوب لان يمكن مستقبلا تحتاج تفتح الكربريتر وانت عندك خبرة
ومو كل شوي تدفع مبلغ وقدره وتجلس تناحل فيهم وتترجاهم

والله قبل شوي كنت فايق ورايق قلت خليني افكه ، طلع زي النيسان 4 مسامير مقاس 12
بس تعبتني مكانها محشووور رحت اشتريت مفتاح زي حق البواجي ومافي فايده ما ادري ايش المفك اللي بيوصلها، اتصلت على الميكانيكي يجي يسويه بدل ذي القروشة

ههههههههههههههههه 
يارجال لاتورط نفسك في شي صعب عليك
كان عندي كرسيدات 18R و21R
صورت الكربيتر ولياته قبل الفك
ومره استعنت بخريطة كربيتر
لاني ضيعت توصيل الليات
وفكفكتها قطعه قطعه كلها مسمار مسمار 
وطبقتها كما كانت... شغل مجهد ومتعب 
كل التعب يروح اذا ركبت وشديت اخر مسمار بلطف
ثم تدق سلف وتوزن الهواء والبنزيم
ثم اتسمع للكربيتر وصوته خخخخخخخ هكذا.
ههههههههههههههههه 
اللي ماله فالمكانيكا يريح نفسه. :)

ياراجل السيارات القديمة كلها مشاكل وخساير خلاص انتهى عمرها، غيرت كربريتر جديد وفي النهاية
طلعت المشكلة بطرمبة البنزين ، اشتغلت السيارة تمام بس صوتها جداً عاالي
كيف وزنت الهواء والبنزين؟

هذا الكلام قبل 5 سنين 
الحين معي موتر 2011 راحه وافضل
بالنسبه للطرمبه تفحصها تفك لي البنزيم
اللي قبل الطرمبه تشوف تشفط يدك او لا
والاختبار الثاني اللي من قدام 
تفكه وتشوف يصب او لا
هذي الاختبارات ليست تأكيد ع العطل
احيان تكون شغاله لاكن دفعها ضعيف
والصفايه ايضا اذا مسدوده كأنها عطل طرمبه
واذا سدد بسيط تنتع بالسياره ومع الشد والسرعه
الكربيتر مايخرب ينظف ويغير له وجيه
ويطبقه بطريقه صحيحه.
بالنسبه لوزن الهواء والبنزيم
بمفك عايدي او حسب شكل المسمار.