مشكلة الصوفة وصحن الكلتش كامري

السلام عليكم
كيف حالكم ياجماعة الخير

انا شريت سيارة وكان فيها تهريب فالصوفة الخلفية للمكينة السيارة كامري 2011
المهم اول مااخذتها اول مااعشق فالنمرة الثانية احس بحبست كلتش وانا شايل رجلي عن الكلتش وجلست معي فترة على هالحال وكل يوم تزيد المشكلة لحد انها ماصارت تمشي يعني احطه فالاول تحن ولا تمشي ، هل صوفة المكينة الخلفية سبب خراب صحن الكلتش ولا مالها دخل مع العلم ان السيارة ماشية 150 الف ، وشكراً

إبلاغ

سيارات للبيع

الردود

اذا تقصد عصا القير ثقيلة وتصلب مرات بالاول ماتعشق على طول
وثقل هذا زيت القير ناقص اقرب بنشري يفك لك سرة القير
ويعبي لك الزقت كم دقة ويضبط معاك وكل ماصارت لك نفس المشكله
زود زيت القير وتروح
معاي نفس سيارتك وقير عادي وكنت اعاني من المشكله احسبها من الكلتش
لين مانصحني واحد ازود زيت القير وزدته وضبط معاي الحمدلله
حتى لو قال لك مليان خله يعبي طقتين وتشوف الفرق بنفسك

w.asa 2029
قبل 5 سنه و 5 شهر

اخوي المشكله عندك من الصوفه الخلفيه المكينه تهرب زيت على الكلتش وكذا يصير الكلتش مايمسك ويدور زي ماتقول يزلق يضيع العزم الافضل انك بعد تغيير الصوفه تغير طقم كلتش معه لى انه هو فاك فاك احسن لك من يخرب معك بعد فتره وتضطر تنزل القير عشان تغير الكلتش هذي المشكله قد صارت معي فى هيونداي اكسنت 2009 قير عادي

k 6 4 i 1234
قبل 5 سنه و 5 شهر

نصيحة فك القير وغير الصوفة والديسك والكلتش مرة واحدة وترتاح لن تكلفة الفك والتركيب رح تكون واحدة ولن تتكرر في كل مرة

بالنسبة لزيت القير نصيحة لا تزوده من عند البنشر - خذ زيت أصلي من الوكالة وزوده

أبو عبادة 4853
قبل 5 سنه و 5 شهر

بيض الله وجيهكم جميع

فيصصل العتيبيء 36
قبل 5 سنه و 5 شهر

مثل ماقال ابو عبادة اهم شي نوع الزيت الي بالكتلوج اعتقد gl4 75w90 انت تأكد

لاتسمع من احد يقولك الزيت الفلاني ولى زيوت القير العادي واحد تراه بتجيب العيد ولي تجربة

وعبد الطيف جميل يبيع زيت القير العادي جالون يكفي 4 او 5 سيارات ...

واحد يقولي الان يبيع بالتر وترا الكامري 2007 من 2011 تاخذ اقل من 3 لتر ونت امش ع الكتلوج .

الأطلســـي 34
قبل 5 سنه و 5 شهر