مشكلتي مع ابو لطفي بالدفعة الاخيرة توووبة ياتويوتا

اللي وقع عقد ايجار منتهي بالتمليك يكون كمن سمح للجزار بوضع السكين على رقبته وللاسف شركات التاجير والبنوك بوجهين : وجه جميل يتمثل في موظفن الاستقبال والدعايات الترويجية البراقة الجذابة ومن ورائهم ملائكة غلاظ شداد (موظفوا التحصيل والشؤوون القانونية ) هؤلاء يشهرون سيف محكمة التنفيذ على العملاء المتعثرين , عزيزي العميل , في حالة اختيارك التاجير المنهي بالتمليك يجب ان تضع في حساباتك التالي: احتمالية التعثر في المستقبل وبالتالي خسارة مبلغ ليس سهلا وخطر التعرض لمحاكم التنفيذ , الخيار الثاني انه في حال لاسمح تلف السيارة كليا , ماهي الية التعويض ومن المستفيد منها؟ , هل تكلف نفسك فوايد وبالاخير بعد 5 سنوات او اكثر من بعد امتلاكك للسيارة كم ستكون قيمتها , الجواب اقل من ربع قيمتها , يجب وضع هذه الافكار في راسك ودراستها وفهمها قبل اتخاذ القرارات و وصدقني المستعمل مليان وفيه مستعمل ورد وموقع حراج والمعارض مليانة وعليك بالنظيف ابو السعر المعقول , يعني يا سيارة مستعملة فيها خرابات او سيارة اصفار وتتحسف عمرك عليها , الجواب رح تلاقي سيارات مستعملة نظيفة بس يبيلها دوارة , من سنوات طويلة مضت خذيتلي جراند ماركيز مستعمل في عام 2005 وكان مديله 2003 كان اخو الوكالة وخذيته بفرق عن الوكالة ب 40 الف ريال اقل وكان ماشي بس 55 الف كم بعد فرفرة 3 اشهر ف المعارض والحين فيه معروض سيارات كثير الا ما تلقى النظيف وفقكم الله جميعا اخواني

هلا حياك اخوي المعتصم بالله
كلامك على متمة وانا اخوك لاكن غصب عني ومضطر هذاك الوقت اني اطلعها للوالد كان معاه جمس موديل 90 وماهو راضي يعتقه
لين ماقنعناه لانه يسافر للديره كثير ودايم يخرب عليه وينقطع والمستعمل جربناه كثير مارماه الطير إلا مافيه خير ونادر تلقى النظيف وسعره بالعلالي وانا انسان متزوج وعندي قروض وللوالد كل شي يهون ومالقيت حل قدامي إلا تويوتا
وكنت اسمع كثير بمشاكل التأجير عند تويوتا لين مااقتنعت وماتوقعت وساختهم بهذا الشكل يعني لمدة خمس او أربع سنوات وانا منتظم معاكم بالاقساط
على اسبوع تروح ترفع فيني في محكمة التنفيذ وتهددني بإيقاف الخدمات

التاجير المنهي بالتمليك لو على الف ريال مستعد يودي محكمة التنفيذ اسالني يا عزيزي ولا ودي اشهر بالشركات

كان المفروض تروح وتتفاهم معهم اصلن يخلوك تسوي عقد جديد
حسب مزاجك سنه او سنه ونص او سنتين 
وتبدا تقسط المؤخر .. 
انا سويت نفس الشي وبديت اقسط وعلى وشك اخلص الحمدلله

بالرغم اني ما اشوف اي مشاكل معهم صح انهم ياخذون فوايد 
جامده بس محد جبرنا عليهم الا الظروف 
يعني هم طلبو انك تقسط المؤخر وما عجبك الوضع وان طلبو كاش ما عجبك 
وش الحل برايك 

حبيبي انت داري من اول توقيعتك للعقد ان فيه دفعة أخيرة صح ولا لا ؟ طيب خلصت اقصادها كلموك قالوا راجعنا نتفاهم على الدفعة الأخيرة تسحب عليهم ليه ؟ ولا ترد ؟ وتبيهم يسكتون عنك اذا 20,000 الف دفعتك الاخيرة ومن غيرك 30,000 الف وغيره وغيره ترى هذا مبلغ مهب بسيط بالنسبة لهم يعتبر سيولة يدفعون منه رواتب يدفعون منه اللي هو


تراهم مهب جمعية خيرية تبيهم يتعطافون مع فلان ويتساهلون مع علان هو ما فتح وكالته الا بيسترزق واذا سامحك ولا انتظر عليك انت ولا غيرك تعطل شغله ترى عنده موظفين ورواتب واجار صالات وجمرك وغيره


حنا دايمن نحول الموضوع لصالحنا وحنا المساكين وحنا المذنبين يومك ما تقدر على اقساطها وش وداك لهم بتقولي الظروف على عيني وعلى راسي لكن العاقل خصيم نفسه يفترض قبل ما اوقع العقد وقبل حتى ما اجزم على شرات الموتر اكون حاسبها صح في راتبي هل اقدر على اقساط الكامري ودفعتها وكل شي اذا ما اقدر خلاص انزل لفئة اقل اشتر مستعمل ادبر نفسي مهب اظغط عمري واذا توهقت قمت اسب عبداللطيف جميل


وبعدين هم بنفسهم كلموك وقالوا لك تعال يابن ادم نتفاهم على الدفعة الأخيرة وساحب عليهم اسبوع ماترد تبيهم يلاحقونك طال عمرك مهب فاضين لك هم عندهم 100 عميل يعني انت اثبتها على نفسك منيب رايح لين يشتكوني لأن لو ما اشتكوك بتماطل اسبوعين وثلاثة وهذاك مارحت لهم الا يوم جتك رسالة المحكمة خفت ورحت وغيرك كثير على فكرة


ترى هم ماجوا يطلبون منك صدقه هم يطالبون بحقهم وهذا كلام العقل اللي المفروض تستوعبه يعني يوم ضمنت الموتر وصار معك الحين بتزلبهم ما يصير كذا اعرف ان هم اللي لهم الحق مهب انت لذلك المفروض انت اللي تكون حريص وتروح لهم مهب هم اللي يلاحقونك وكالة فلوسهم واجد حراميه هذا حقهم مالك فضل عليهم

هذا كلام المنطق اللي المفروض ينقال لكن حنا دايم تاخذنا العاطفة والله ياخذهم ومدري ايش ترى لعلمك حتى البنوك مهيب ساكته عن حقها تجرك جر

وبعدين هم كلموك بالتي هي احسن قالوا تعال نتفاهم على الدفعة الاخيرة مارحت وش تبيهم يسوون لك لا وزايد الطين بله ساحب عليهم ما ترد

العقد شريعة المتعاقدين

شعبنا للاسف يفتقد لمعرفه حقوقه والقوانين بالبلد ماخذ الدنيا درعمه
كل انسان لابد يعرف الحق الى له والى عليه ويكون محامي لنفسه بمعرفه القوانين والانظمه والعقود بالبلد مهو بالدرعمه
صاحب الموضوع اجل الحق الى له والى عليه ومدام قبلت بشروط العقد لابد تلتزم حتى لو كانو نصابين او فيهم وفيهم
للاسف بهالبلد مافي احد يحميك الا ذاتك ونفسك وعقلك وتبتعد عن اي شي يضرك

بخصوص التاجير المنتهي بالتمليك عمري ما تعاملت معاه ولو اكون عالحديدة وياما ركبت سيارات قرمبع بس ما احط
رقبتي عند احد

الله يوفق الجميع

اول شي الله يعطيكم العافيه جميعاً شكراً لكم
يااخوان انا معاكم ان فيه عقد ولازم الدفعه الاخيرة وعارف الشروط وقاريها
لاكن يوم طنشتهم ترى ماهو بكيفي طالبين فحص دوري جديد
طالبين رسوم إدارية جديدة بمبلغ 700 ريال
طالبين قسط جديد بمبلغ 1600 ريال وانا ماوقعت العقد باقي؟
طالبين مفوض لان علي مخالفات ويكون عمره اكثر من 25 سنه اذا كان
اقل ادفع 500 ريال زيادة انا علمت الموظف يومين واشوف الموضوع ماقدرت
قلت ينتظر كم يوم توي مسدد اخر قسط الين ماادبر اموري
وازيدكم من الشعر بيت واتمنى من الاخ ابو غالية يقول كلمة الحق لايصير مدافع عن الشركة
اليوم الصباح الوالد صحي لقي السيارة غير موجودة
سالنا الجيران محد شاف شي بلغنا الشرطة وسوينا تعميم ولاجاء في بالي ان الشركة
سحبت السيارات لان قبل يومين تم عمل العقد الجديد وتم تسديد الرسوم الادارية
اتضح ان الشركة قبل الفجر جو وسحبوها
سويت اتصالات مع بعض الموظفين قالوا نعم سيارتك موجوده بالحجز وتعال ادفع
1400 ريال قيمة سطحه..؟! اسألكم بالله ماهو ظلم
مريتهم بعد المغرب اليوم قالوا السيارة عليها تعميم قلتلهم بخصوص ايش
قالوا الدفعه الاخيرة
قلتلهم قبل يومين موقع العقد الجديد بخصوص الدفعة واختبصت الادارة عندهم
سويت اتصالات بعرف السيارة عليها تعميم او لا طلع ماعليها اي تعميم وطريقة السحب
بدون وجود دورية امنية او عسكري من القسم من روسهم ساحبينها ويجيني الاخ يدافع عن الشركة
على العموم تم اخراج السيارة من الحجز مع الاعتذار وعدم دفع مبلغ السطحه 1400 ريال
لعلها خيره وتوبة من ابو جميل

وردي موجه للفيلسوف الثاني يعطينا مرأيته وشوي من فلسفته

وازيدكم كمان لازال طلب المحكمة موجود ولم يتم الالغاء الا عن طريق مدير الفرع
ولو نسيت الموضوع على انهم خلصوا اموري كان بكرة اخر موعد بالمحكمة
وبعدها توقف خدماتي مع الشركة الداجة

كانت فرصتك انهم سحبوها بدون تعميم او بلاغ
سحب

والله يابوسعيد كنت بسوي مشكلة كبيرة لاكن اثنين من خوياني ويعزون علي طلبوني وماقدرت ارد طلبهم

والله يابوسعيد كنت بسوي مشكلة كبيرة لاكن اثنين من خوياني ويعزون علي طلبوني وماقدرت ارد طلبهم
وتنازلوا عن الفحص الدوري للسيارة

لهيب فلسفة ولا قاله الله كلامنا صحيح ١٠٠٪‏ بس انت اللي ماتحب تسمع كلمة الحق وتدور من يطبطب عليك 

سالفة سحبتها ١٠٠٪‏اقولك مخطيك هذي مافيها لان كلام الحق بنقوله والصح صح والغلط غلط

لكن تقول طالبين مني طلبات ومدري ايش طيب هذي الاجراءات وش تبيهم يسوون لك 

يعني حسستني ان الطلبات يبيلها مراجعات 

ترى الفحص الدوري ماياخذ نص ساعة وب ٧٣ مدري رفعوها مع الضريبة اظاهر صارت ب ٨٠ والسيارة ٢٠١٥ يعني ما امدى يخرب شي فيها يخليها تسقط في الفحص انا موتري ٢٠٠٩ وناجح من اول مرة ماشاء الله 

وتقول طالبين كفيل مدري وشوا علشان علي مخالفات طيب هم وش ذنبهم ان عليك مخالفات هذي غلطتك صح ولا لا ؟ هذا يوم نقول كلام الحق اللي المفروض انت وغيرك تستوعبه يعني هو ماله ذنب انه متراكمه عليك مخالفات انت اللي مخالف وانت اللي مخلي هالمخالفات عليك

لا تعتقد ان حنا ضدك ولا ندافع عنهم تراهم مادروا ولا عن هواء داري لكن يفترض من الانسان الفاهم والعاقل يحتسب لمثل هالامور مهب لين طاح الفاس بالراس جاء يشتكي يعني انا عارف اني بخلص قصدي عقب شهر ولا شهرين اجي لهم اكلم اسوي اللي اسويه هاه يا جماعة وش الترتيب وش بيكون وضع الدفعة الاخيرة وش المطلوب واخذ معي متسح من الوقت ارتب اموري اسدد مخالفاتي اللي المفترض اني مسددها اصلن في وقتها تلافياً للتراكم الخ ....... مهب انتظر لين اخر المطاف واقول زنقوني ظغطوني 

وخذها قاعدة ترى لعلمك البنوك اخيس من الوكالة والله مايرحمك 

ماعاد فيه الحين الا قوانين صارمه ما تسدد ما تلتزم ايقاف خدمات وسوالف ثانية ف عود نفسك على الالتزام والاستباق للامور 

^^*تعديل 

سالفة سحبتها ١٠٠٪‏ اقولك هم المخطين 

مشكلتك بتدافع عن الشركة وبس والله الي يسمع كلامك
يقول ان لك فيها اسهم
اول شي انا انسان مااحب الفيلسوف الي يفتي بدون علم
انت تقول ليش تجيب مخالفات ويمدي السيارة تسويلها فحص. دام موديلها 2015
بقولك وبذكرك السيارة مطلعينها للوالد عشان روحاته للديرة كثير
المخالفات الي علي كلها من الوالد الله يحفظه
السيارة فيها رفرف من الوالد ويبغالها تصليح ورش بوية
الشركة محد تواصل معاي بخصوص الدفعة الاخيرة
الا هذاك اليوم وانا كنت ناوي امرهم
انا بقولك ماابي احد يطبطب علي ولاغيره
انا الي ضايقني بالموضوع استغفالهم للعميل
خلال يومين عمل مااقدر انفذ شي من طلباتهم وبلغت المتصل علي من الشركة
على ملاحظات السيارة وهو الي علمني لازم مفوض للسيارة واقل من 25 سنة
لازم ادفع 500 ريال
على العموم موظفين الشركة والي هم شغالين بنفس الشركة
وقفوا معاي و مدير الشؤون القانونية اعتذرلي على الي صار كله وتنازل عن بعض
الامور
هم معترفين بخطأهم وهم موظفين بالشركة وانت بتحط اللوم علي
أنا حبيت اوضح بعض الامور لك عشان التعصب لايعميك الله يصلحك
تراها قطعة حديدة لقضاء اللزوم
ولا السيارات بحمد الله واجد عندنا من كل الموديلات
وكلها مطلعينها وكالة وبعضها مستخدم هذا غير الي بعناه يعني لاهي اول موتر نطلعه ان كان عن طريق بنك او وكالة
المواتر الي تحت استخدامي واستخدام الوالد واخواني الله يحفظهم
كامري 2002 مستخدم
هوندا اكورد 2007 وكالة
تاهو 2010 وكالة
فكتوريا 2010 مستخدم
كامري 2015 وكالة
مازدا 6 2016 وكاله وكلها لازالت موجودة للان ولله الحمد
ومرت علينا اغلب الوكالات ومافية اخس من عبداللطيف جميل فلا تزايد علي
وتنصب نفسك مدافع عن شركة همها جيب العميل فقط

ولك لايك تستاهل عشان دفاعك عن الشركة

خذ هذي يابو يزن
احد الاصدقاء صدم على موتره طبعا الوجهيه وصبصبت الرديترات
المهم طلعها للوكاله للاصلاح قالو تالف
وخلاص مالك شي ونسقط السياره عندك
قالهم انا مقسط الموتر ٣ سنوات و٥ شهور
مابقى الا مايقارب ٧ شهور
كيف تروح خساره
وطلب انهم مايصلحوها وبيكيشهم باقي الاقساط ويحرر الموتر
وبعد جهد وشد وافقووو
وحرر الموتر وصلحها ع حسابه والان يستخدمها ماشاء الله ماكأن فيها شي
ولا كلفت اصلاحها ٥ الاف ريال بالكثير

ربي يعوضكم خير بس انا اعتب عليك دام انك لقيت عليهم مدخل نظامي كان ما خليتهم
يعني تفتح عقد جديد وتنهي الموضوع وبكل وقاحة يسحبون السيارة ويطلبو تكلفة سطحة
كان رفعت عليهم قضية وتعويض لان الامور هاذي مع الشركات ما فيها عاطفة مع احترامي لاخوياك لو هم موظفين في الشركة ما كان احد يقدر يمنع عنك شكوتهم في المحكمة امطالبة الشركة بدفع الدفعة الاخيرة كاملة لانه نظام في الشركة

لكن في الاخير ربي يعوضك يا ابو يزن

بصراحة نحن شعب مبالغين في شراء السيارات
مع كامل الإحترام للجميع
اليوم تقدر تشتري سيارة شبة جديدة بسعر طيب جدا
ولا تحتاج تأخذ إيجار منتهي بالتمليك
( نظام يقصف الظهر ) و فيه سرقه عيني عينك
ولكن العالم مدرعمة .
سيارة يتضاعف سعرها مرتين
بسبب اقساط و اقسط فيها قرابة 7 سنوات !

و مشكلتنا انا الوحيد ما يختار السيارة المناسبة لوضعه المادي
و لعائلته و هل هو إنسان راعي سفر و خط و لا مدينة فقط
وسفر طيران في الغالب و أشياء كثيرة...

و الدليل شوفوا إعلانات حراج
للتنازل اما بسبب القسط مرتفع او احتاج سيارة عائلية او لزواج

اجل كامري او غيرها قسطها 2400 ريال ؟! سيارة سيدان
و عادية جدا.....