أضف سؤال أو موضوع جديد          

مكسيما او افلون

up 1 down 0
abu_muhhaamed 9
قبل سنه و 9 شهر



 ‏السلام عليكم يا أخوان افكر اشتري مكسيما 2012 فل او افلون 2010 فل يا ليت تعطوني المميزات والعيوب بين السيارتين وبرضو بطرح وجهة نظري في هالموضوع .. طيب خلونا نبدأ حبه حبه بالنسبه لسعر المكسيما أرخص بشكل واضح وسعرها جدا حلو الافلون غاليه نوعا ما وتمسك سعرها وبالنسبه للمحركات كلهم بطلات لكن الاثنين قيورهم الناس تعاني منها بالنسبه للمكسيما يقولون ضبطوا موضوع القير من ٢٠١٣ وطالع اما الافلون ماعندي خلفيه لكن كم واحد اعرفهم تعبوا من موضوع القير خصوصا قير الافلون جدا غالي طيب نجي لقطع الغيار بالغالب النيسان أرخص من تيوتا بشكل عام وهالشي ينصب لصالح المكسيما وبالنسبه لديكورات والشكل الداخلي انا اشوف الافلون افضل وهذي مسأله ذوقيه اما بالنسبه لشكل الخارجي افضل المكسيما وبالنسبه لعمر قطع الغيار كلهم متساوين بالنسبه لي اما من ناحية الممشى المكس افضل لو جيت بتشتري لان تحصل مكسيمات ٢٠١٣ وممشاهم بطل اما الافلون ٢٠١٠ اقل شي حصَّلته ماشي ٣٢٠ الف بالنسبه للجنوط الافلون افضل كاستعمال لان جنوط المكس حساسه واي حفره تسبب لها ضرر وبرضو كبر مقاس الجنط يحيل بالكفر بسرعه هذا تقريبا كل شي عندي اتمنى مانسيت شي ياليت تعطوني ارائكم واقتراحاتكم طبعا السيارتين مقتصرات على الموديلين الي قلتهم لان مابي اقل من هالموديلين وبالنسبه للاجدد ماعندي قيمتهم ورجاء لا احد يقول كلام نقلا عن احد اتمنى يكون الكلام عن تجربة شخصيه مع ذكر الموديل الي تمت تجربته واي سياره فيهم المكس ولا الافلون وفيه شي مهم نسيته صرفية المكس بطللله اما الافلون يعني متوسطه  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الافالون مع اخوي الكبير 2009 مطلعها وكاله على ايامها ماشاءالله تبارك الله قير مكينه وكاله ماقد فكت ممشاها الحين فى 300 الف وعليها مااعرف كم بضبط مافيها صوت قربعه ولاشي الى غيره فيها كمبرسر المكيف خذاه 1800  اشوف سعره تقريبا مقارب لباقي السيارات مع اني متئكد انه سعره مو جاي اغلى من حق المكس 
بنسبه للي يقول قير يخبط طبعا كلامي موجه لى المكسيما و الافالون  يجيك واحد يمشي على زيت القير 150الف او200 الف ويغير الزيت وبعدين يقول خبط ! طيب طبيعي بيخبط انت اهملت موعد تغييره او يسمع كلام الي يقلون لاتغير زيت القير وزيت القير مايتغير ومن هذا الكلام  خذ الموتر الي نفسك فيه لاتخاف لامن قير ولامكينه اهم شي افحصه زين عند مركز ممتاز وتوكل على الله لايهمك كلام الناس 
انت من كلامك انه نفسك فى المكسيما خلاص خذها لاتخلي نفسك فى شي بكره تشتري الافالون بعدين تندم وتقول ياليت اني خذيت المكسيما الى نفسك فيه خذه اهم شي النضافه 
والله يبارك لك فيها ويعطيك خيرها ويكفيك شرها 


up 3 down 1
k 6 4 i 1027
قبل سنه و 9 شهر



الافالون ممتازة
ولو قدرت تشوف 2011
افضل كشكل


up 1 down 0
الرفاعي33 13911
قبل سنه و 9 شهر



مشكلة اني مجرب افالون 2012 و 2017 وماكس 2016

فمقدر كيف اوصف لك لكن موديل ماكس القديم سمعته سيئة جدا

فليه تشغل روحك فيه ابعد عنه وافالون 2010 شكلها مو حلو وممشى كثير 320 الف الموتر بيبدأ يطلب

عقل روحك شوي ودور موتر احدث وانظف على قد فلوسك مو لازم افالون او ماكس

هذا انا خاطري camry v6 xse 2017 لكن الواقع اكسنت

واذا مرة ملزم على الاثنين خلك على افالون

انا نصحتك كاخو لك ما ابيك تتعطل ويافلان ودني وعطني موترك

ادري فئة اكبر مريحة قوية عزل جودة مواد لكن واحد يدور راحة بال

تحمل معليه او علمنا كم معك يمكن ننصحك نصيحة بموتر ازين


up 0 down 0
mohammed1368 156
قبل سنه و 9 شهر



السيارات هذي مر عليها اكثر من ستة سنوات لذلك تحتاج تغيير اشياء كثير

واغلب الي ياخذها يجلدها دعس وخطوط نادر ماتحصل النظيف منها

فقبل تاخذها افحصها فحص دقيق اعرف حالة السيارة وايش ينقصها وكم بتكلفك صيانتها

الافالون نوعا ما اكثر اعتمادية اكثر
لكن الماكسيما قوية وممتعة بالقيادة ويبغالها انتباه وعناية


up 0 down 0
ain501 214
قبل سنه و 9 شهر