كامري 2019

إذا خلصت أوراقك وكل شي تأخذ من يومين إلى 10 ايام على حسب الفرع

مافيه زمن محدد
كل سيارة وحسب الطلب عليها
الكامري عليها طلب قوووي
وانا مريت فرع الوكالة وسألت عنها

اتوقع تاخذ اسبوع الى 10 واحتمال تطول
والي اعرفه لك حق استرداد المبلغ اذا طولوا عليك
ولاتدفع الا عربون بسييييييط

لاطلب قوي ولا غيره الموضوع وما فيه ان الوكالات صارت تجيب كميات قليله خوفا من انها تجيب كميات كبيره وماتستطيع تصرفها
واعتمدت على ان تجيب حسب الطلب يعني بعد ماتعطيهم عربون يطلبون لك السياره
ولا زمان تكديس السيارات في مخازن الوكاله وتروح الوكاله اليوم وتستلم السياره بعد يومين
والي يقول طلب قوي ومن هذا الكلام فالكامري موديلات 2000 و2003 و2007 وقتها كان عليها طلب فوق الوصف وكانت متوفره على طول
الان الوكيل يدرك ان القوه الشرائيه ضعيفه ومايبي يجازف يجيب كميات كبيره وتطيح بكبده ويضطر يسوي خصومات ويحاول يصرفها باي طريقه

و لان السعر مبالغ فيه و التانكي اصغر من اللي بحجمها
الفل اقل لكن تمشيك اقل وش الفايدة ؟
البدائل موجودة من اول
و بشكل عام انخفضت مبيعات السيدان مقابل جيوب الكروس اوفر
اللي تنوعت احجامها و اسعارها بنفس سعر السيدان او فرق بسيط
مقابل استخدامات اكثر

اقل سعر للكامري ب 81 الف بموقع حراج ب6 غيارات واعتقد المكينه القديمة وخليجية !
اما السعودي حول 84 الف !
اتوقع الطلب قليل عليها لان اللي يفكر يشتريها راح يدخل بفئة v6
لاحظت ان الازيرا والكادينزا والامبالا انتشرت في مدينتي بسبب ارتفاع سعر الكامري والاكورد فئة v4 !
واذا على توفير البنزين اغلبهم يقولون بطاقة الوقود غير صحيحة 100%

واللي يشتريها من الوكالة غالبا مايدفع كاش يا تأجير منتهي بالتمليك يا اقساط بعد فترة راح يندم من الفوائد
اللي يرفعون قيمة السيارة فوق قيمتها الحقيقية باضعاف مضاعفه !

وحراج مليان اعلانات تنازلات !
من احسب وراهم انصدم انهم دافعين دبل السعر ويبون الفكه
حتى اليارس اقل فئة وصلت 60/70 الف من التأجير والاقساط !

نصيحة لاحد يشتري فوق طاقته ويتورط بالديون والقروض وسمه على سيارة فائدتها توصل وتنقلك بس
لان الايام الجايه مخيفه اشوف فيه تصاريح عن رواتب الموظفين وانه تشكل نسبة كبيرة من الميزانية و احتمال يعدلونها !