اقدر اصلح ولالا؟

السؤال الحين المهم هل راجعت شركة التأمين حقت اللي صدمك وقدمت اوراقك وخلاص ؟ ولا توك 

ثانياً هل اطلعوا على صورة للصدمة حقت سيارتك وما عندهم اي ملاحظات او طلبوا منك صور اضافية او يشوفونها ؟ 

اذا كانوا خلاص مطلعين على الصور وماعندهم اي ملاحظات على القطع المقدرة وعلى التكلفة تقدر تصلح  وهذي تنزل لك 

وبعدين على فكرة ترى الحين يحق لك تقديم شكوى فيهم بعد التاخر عن 7 ايام عمل اعتقد اذا ماحولوا لك مبلغ التعويض وهذا صادر من مؤسسة النقد 

ومايمنع انك ترجع لشركة التامين بعد رفع المطالبه وتقولهم ماتحتاجون صور اضافية او تطلعون على الموتر تراني بصلح واذا عطوك الاوكي 

تقدر بس لازم تعطيهم خطاب في التصليح على حسابك مع صور السيارة بعد التصليح + فواتير الورشة اللي صلحت بها السيارة

وقطع الغيار اذا اضطريت تغير قطع. هم بعدين يدرسون طلبك و بعدين خلال كذا يوم عمل يحضرون لك الشيك.

انا اكلمك عن تجربة سابقة لي. حادث في 2015 لي والغلط علي و ما حبيت انتظر التأمين بغيت سيارتي تتصلح بأسرع وقت

المهم كلمتهم و سألتهم عن اذا فيه اشكالية اذا صلحت السيارة على حسابي قالولي ممكن بس نبغى خطاب توضح سبب التصليح

على حسابك + صور السيارة بعد التصليح و الفواتير (الورشة و قطع الغيار).

السبب اللي خلاني اقدم على ذي الخطور لأنه سيارتي استمارتها بتنتهي و عشان الفحص الدوري لابد من تصليح السيارة

خفت مايمشونها باستمارة منتهية يعني ما تدري متى الفلسفة تجي.

كا رأي شخصي إنتظر حتى يجيك التعويض
و اقصاها أسبوعين اذا تم كل شئ سليم في الإجراءات