أضف سؤال أو موضوع جديد          

عكوس الكامري وجلد المقصات

up 1 down 1
ابو عبدالله احمد 3386
قبل 2 شهر و 2 أسبوع



السلام عليكم ورحمة الله وبركاته
عندي كامري 2007 رحت اغير لها زيت جربوكس
وفك الكفرات وشيك الميكانيكي عالعكوس والمقصات
وطلع جلد العكوس مقطعة والمقصات جلدها مقطعه
وقالي ممكن تمشيك 3 شهور وتخرب الرمانات عليك
استفساري لاهنتم
سألت عالمقصات وجلد العكوس طلع سعرها 1300 ريال غير التركيب
وشايفها غاليه وكلمت واحد بالتشليح قالي فيه عكوس كامله لكامري 2011
جيبها واركبها للسيارة وسعره ناسبني وسالت الميكانيكي قالي الافضل تغير العكوس كامله مشي سيارتك
حتى يطلع صوت الرمانات وغيرها جديده والجديده كامله فوق الالفين يمين ويسار
فايش رايكم اغيرها تشليح اصليه كامله وتمشي معي وانا مطمن او الحق عالجلد فقط اغيرها؟
مع المقصات؟
وبخصوص السيارة كمان صارت تصرف بنزين كثير ماادري وش صار هو البنزين خفيف ماعاد له بركة او السيارة تصرف بزيادة
رغم من يوم شريتها ماقد غيرت صفاية بنزين وسبق عملت لها تنظيف بخاخات
بارك الله فيكم استفساري طويل لكن قلت التفاصيل لعل احد عنده خبره ويفيدني بالافضل وشكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المقصات اذا يتوفر لها جلد أصلية اشتري لها اذا مافيه جلد
اشتري مقصات كاملة طقم مع الجوزات أصلي

العكوس هل فيها طقطقة مع لفت الدركسون او رجة قوية يهتز
بدي السيارة اذا مافيه شئ غير لها جلد طقم مع الشحم اصلي
خاصة اذا كانت العكوس شد بلد لان الأصلية ما تتعطل بسهولة

اما صرفية البنزين ممكن السيارة تحتاج تصفية كاملة

تنظيف بوابة مع ثلاجة المكينة

تنظيف البخاخات افضل طريقة هي فكها
و تنظيفها و التشييك على الجلد ممكن فيها تهريب بنزين
بجهاز الترا سونيك يتوفر في بعض الورش
اما تنظيف بترومين او وهي راكب ما يفيد

تغيير فلتر البنزين و فلتر الهواء
و البواجي

+ التشييك على حساس الهواء و حساسات الشكمان



up 4 down 0
alhkami 297
قبل 2 شهر و 2 أسبوع



العكوس اللي عندي النهدي نوعيتها ممتازة
بس شوي غاليه الواحد على خبري ٤٥٠ لكامري ٢٠٠٣
و حتى المقص غيره كامل درجه ثانيه نوعية جيدة
و هذا اللي يميز تويوتا تحصل درجات
و الا قطع الغيار الاصلي غالي لو موديل قديم


up 1 down 1
1405-1985 1344
قبل 2 شهر و 2 أسبوع



الحكيم ماقصر جاب لك الحل احب اضيف عن نوعية البواجي بواجي الكامري الاصلية تجي راس واحد مو راسين مثل ماتنباع بالمحلات ونوعيتها ايريديوم ماركتها ngk اليابانية توفر بالصرفيه حيل من ناحية تجربة


up 3 down 0
talk to the hand 65
قبل 2 شهر و 2 أسبوع



بيض الله وجهك يالحكمي
الحمدلله السيارة مافيها اهتزاز قوي ومع اللفات لما الف يسار
فيه طقطقه خفيفه احيانا اسمعها واحيانا لا ماادري اذا غيرت الجلد يروح الصوت واكون مطمن للسياره افضل
من تغييرها كامله تشليح؟
ملاحظه.. سألت عن الجلد قالولي الاصليه تيجي داخليه وخارجيه يمين ويسار مو مثل التجاري او الياباني مفرد
والمصات سبق غيرتلها جلد قبل سنه تقريبا وكبستها لكن رجعت
تشققت طيب هل المقصات يجي معها الجوزات ولا الجوزات لحالها؟
المقصات مقدور عليها جديده افضل واصليه
اما الصرفيه صورت الشاشه وبروح اسال عن الجهاز المذكور ان شاءالله اسعارهم طيبه
وشكلي بغير صفاية البنزين لاني ماغيرتها من شريت السياره


up 0 down 0
ابو عبدالله احمد 3386
قبل 2 شهر و 2 أسبوع



وعليكم السلام 

اخوي مثل ما قال الحكمي ب اول رد .. اذا ماتطلع طقطقه باللفات وماترج السياره غير جلدها
اما اذا ترج وتطقطق غيرها وكب مثل ما انا ركبت عكوس يابباني ماركة nkn ب ٨٠٠ وكيلها البابطين ٨٠٠ جهتين 
اما المقصات مافي جلد لحالها لازم مقص كامل وسعر الجهتين حول ٧٠٠ 
انا غيرتها اصليه من حول سنتين وتمام ماشاء الله وسواقتي دفشه عالمطبات 

موتري نفسك بس ٢٠١٠ 

واذا بتغير زيت القير غيره مع فلتر وقازقيت اصلي ومره وحده مع العكوس لان فك العكوس يطلع زيت اغلب الاحيان 
وجيب المقصات مره وحده يقل عليك سعر شغل اليد 

وبالتوفيق


up 1 down 0
m7md 33 669
قبل 2 شهر و 2 أسبوع



بارك الله فيك اخوي 1405
المشكله ياخوي السياره احتاج لها في سفريات وخطوط خصوصا العفش
ابغا كلها اصليه جلد المقصات تجاري نوعيه جلسريمدح فيها وعليها ضمان غيرتها وماقعدت سنه وخربت
والعكوس كذلك تكون اصليه افضل من القلق
صدقت خوي كلام الى اليد اذا الترجمه صح هههههه
اللي مركبها ايريدوم لها سنه ومامشت السيارة كثير مايحتاج اغيرلها بواجي
لكن بشيك عليها مع التصفيه


up 1 down 0
ابو عبدالله احمد 3386
قبل 2 شهر و 2 أسبوع



هي علئ حسب حالتك المادية

اذا تسمح طق وكاله وريح راسك

واذا نص ونص خذ لك مقصات ياباني ب140 الحبه. وعكوس و مش حالك. الين تنفرج


up 1 down 1
جاي امس 405
قبل 2 شهر و 2 أسبوع



يارك الله فيك اخوي m7md الحمدلله مافيها رجة بالطريق
واللفات احيانا اسمعها مو دايم
اذا باخذ جلد العكوس داخلي وخارجي هل تختفي الطقطقة الخفيفه مع اللفات
لان الاصليه تجي طقم داخلي وخارجي مو مثل التجاري



up 0 down 0
ابو عبدالله احمد 3386
قبل 2 شهر و 2 أسبوع



والله الحاله الحمدلله على كل حال اخوي جاي امس
الراتب يطير بدون ماادرك
لكن هالاشياء عكوس ومقصات مثل ماذكرت مهمة وابغاها تخدم وانا مطمن
بارك الله فيك


up 0 down 0
ابو عبدالله احمد 3386
قبل 2 شهر و 2 أسبوع



والله شف. انا واخوي مركبين مقصات ياباني علي كامري اخوي2007 من اول رمضان والئ الان ممتازات ما شافن منهن شي


up 1 down 1
جاي امس 405
قبل 2 شهر و 2 أسبوع



العكوس لا تاخذها تشليح لأنها مكدودة ، خذها من النهدي مايز ياباني عليها ضمان 6 شهور سعر الطقم 950 ريال تقريبًا ،
والجديد بيخدم معك اكثر من انك تاخذ مستعمل حق الوكالة
والمقصات غير ياباني اذا بتغير مقص كامل ،

اما الصرفية شيك اول شي على الفلتر غالبًا بيحتاج تغيير غيره ، ونظف بوابة الهواء واذا ماغيرت البواجي من زمان غيرها
و الزيت له دور بعد بالصرفية ، وش لزوجة الزيت اللي تحطه ؟ وكم ماشي الموتر


up 4 down 0
0abo_waleed0 19
قبل 2 شهر و 2 أسبوع



اذا رمانات العكوس سليمة غير جلد مع التشحيم
و الافضل تشوف ورشة متخصص عكوس
اما المقصات تباع كامله مع الجوزة
افضلك الأصلي اذا ميزانيتك تسمح
او مثل ماقالوا الإخوان ركب ياباني ولكن غالبا عمره قصير
خاصة مع شوارعنا .


up 2 down 0
alhkami 297
قبل 2 شهر و 2 أسبوع



حياك
بقول تجربتي عندي كامري2003
غيرت عكس ياباني كامل السعر400ريال له الاان سنه ونص تمام
بخصوص المقصات غير ربلات تجي اصلي الدايري والطويل ياباني
بعد ممتازات ليش تغير مقص الا اذا جايته ضربه 
وباالتوفيق


up 1 down 0
باترول 2020 2401
قبل 2 شهر و 2 أسبوع



الطقطقة ماراح تروح الجلدة لو انشقت وخرج الشحم لازم تتغير على طول


up 1 down 0
mfh2009 210
قبل 2 شهر و 2 أسبوع



اخوي باترول المقص مالها جلد اصليه لحالها ياليت لو تتوفر
لازم مقص كامل وسبق غيرت الجلد تجاريه ومااستمرت معي
اما الطقطقه بغير جلد العكوس اليومين ذي ان شاءالله اصليه وامري لله
وباخذ بنصايح الاخوان بارك الله فيهم اخذ جديد واصلي افضل


up 0 down 0
ابو عبدالله احمد 3386
قبل 2 شهر و 2 أسبوع