أضف سؤال أو موضوع جديد          

ملاك الكامري - البنزين - زيت المكينه

up 4 down 0
bandarsalem 18
قبل 2 شهر و 2 أسبوع



السلام عليكم ورحمه الله
بسم الله الرحمن الرحيم والصلاه والسلام على نبينا محمد


كثير منا له تجارب عديده والبعض الاخر يحتاج مثل هذه التجارب واتمنى يكون هذا الموضوع مفيد للجميع اعضاء وزوار
وحتى لا اطيل عليكم الموضوع هو الاجابه على الاسئله التاليه:-

١/ موديل سيارتك تماتيك او عادي؟

٢/بنزين سيارتك ٩١ او ٩٥ ؟ وهل يوجد ملاحظات تحب تظيفها؟

٣/زيت المكينه لسيارتك ولزوجته ؟ وكم يمشيك كيلو؟ وهل يوجد ملاحظات تحب تظيفها؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام

السيارة :: كامري 2009 امريكي 6 سلندر XLE فل الفل

البنزين :: 91 وتمام وضعه

الزيت :: حاليا 10w40 كاسترول ماجناتيك
غيرته اليوم ماشي علية 11 الف
لانقص وجدا ممتاز اخذ الكرتون جملة بسعر 225 ريال
12 علبة تكفي تغييرتين
وفلتر المكينه اخذ الحبة ب45 ريال
واغيرة عند بنشري ب10 ريال اجرة يد
والحمدلله امور الموتر تمام وماشي حول 450 الف
ومكينه وقير شد بلد
القير يتم تغيير الزييت والفلتر كل 70 الف تزيد شي بسيط وتنقص
شي بسيط على حسب الميزانية
لاكن مستحيل اخلية يعدي 85 الف
اخيرا اهتم في الزيوت تنعش الموتر ويضبط وضعه ويعيش معك


up 2 down 4
الرفاعي33 13820
قبل 2 شهر و 2 أسبوع



كامري ٢٠٠٩ قير عادي 
بنزين ٩١ وتمشيني ٥٨٠ ماشاء الله وتولع اللمبة  
الزيت 20W50 أغيره كل ٥ الاف كيلو طبعا اغير اللزوجة هذي لان الكامري قير عادي تنقص ب هذا الموديل 


up 1 down 1
rak1999 156
قبل 2 شهر و 2 أسبوع



كامري2010سوح
كنت اعبي بنزين ايام عز 95 ومن تالي قلبتها اخضر 91 ولو فية اقل من كذا عبيت
زيت كنت اغير كاسترول 10 دبل 30 كان كويس ومن تالي صار يقلب لونه بعد 2000 كيلو
غيرت زيت موتر كرافت لزوجة 10 دبل 30 ممتاز جدا



up 2 down 0
abu asiil 51
قبل 2 شهر و 2 أسبوع



اما بنسبة لزيت القير ما قد غيرتها ابدا سيارة ماشية 460 الف والحمد الله لاتوجد اي ملاحظه عليها


up 1 down 0
abu asiil 51
قبل 2 شهر و 2 أسبوع



2009 اوتو
البنزين 91
الزيت كنت استخدم كاسترول 10w30
وحولت بترومين A-1 5w30 تخليقي يمشيني 10000 والصوت صار اهدا والصرفية تحسنت شي بسيط


up 0 down 2
0abo_waleed0 19
قبل 2 شهر و 2 أسبوع



النترا 2017
البنزين 91
الزيت بترومين A1 5W20

في بداية التشغيل بعد وقوف طويل كان يطلع صوت من المكينة ثواني معدودة ويروح
بعد ما نزلت لزوجة الزيت اختفى الصوت طبعا الزيت الي قبل بترومين 5w30


up 0 down 1
ابو محمد 1 111
قبل 2 شهر و 2 أسبوع



وعليكم السلام 
مشكور عالموضوع الطيب ياطيب 

موتري كامري ٢٠١٠ اوتوماتيك
زيت شل سوبر الاحمر القديم واموره طيبه 
لكن معروف هالموديل ينقص زيت ف كل ٢٥٠٠ الى ٣٠٠٠ كيلو ازيده ربع علبه 
وطبعا اغير الزيت كل ٤٠٠٠ الى ٥٠٠٠ كيلو حسب الوقت صيف شتاء ماسك خط لا كذا 

بنزين كنت اعبي ٩٥ ويمشيني ٥٥٠ كيلو تقريبا 
حاليا ٩١ يمشي قريب ٥٠٠ كيلو 
فرق بسيط بالعزم والممشى فقط .. 

زيت القير كل ٦٠ الف مع فلتر وقازقيت 

ونصيحه للي يغير زيت تراه ٤ علب وربع اذا مع السيفون حتى للموديل الي بعده 
٤ ونص يكون زياده ويخرب الصوف 

كامري ١٥ خويي ماشي ١٦٠ تقريبا ونفس الزيت اموره طيبه
 ولا ينقص واموره تمام وماقد غير زيت القير 
بنزينه اخضر بس ماحسبت المسافه 

ابو محمد يعطيك خير موترك الموضوع عن الكامري (: 

وبالتوفيق للجميع 


up 1 down 1
m7md 33 669
قبل 2 شهر و 2 أسبوع



كامري 2014 ماشيه210 الف فل كامل 

العيوب 

1- صوات ديكورات واكثر شي من سقف (وش لحل)

2- رجه عند مسك الفرامل وتم خرط هوب وتغيير قماش اصلي ولا زال وضع مثل ماهو (وش لحل )

3- نور الواطي ضعيف وتم حلـه عدسات ومحولات ولمبات اصلي 

4-صوت هوا واضح بعد 100 (وش لحل) 

5- اصدمات تفكك  تم حل بوضع مسامير مخفي بودي كرتون  


مميزات 

كـرف وقلـيل اعطالـه 

مكيف 10/10

قطع غيار متوفر 

نور عالي ممتاز 

زيت كاسترول ماجنتك 10w40 تتغير على 10الف ولانقص 

زيت القير غيرها على 50الف 

فلتر هوا غيرها 20 الف 

تغيير بواجي اصلي اول عند فل يمشي 650 بعد تغيير700

تغيير فلتر مكيف 

تغيير فلتر بنزين كل سنه 

بنزين 91

مره ضرب على كفر امامي جهت سايق على 180 اول شي رفعت رجلي عن بنزين وحذر تمسك فرامل ورجه قوه بدرقسون ماسكها بيدين بقوه وتنفضن نفض وبعدها توبه اسرع وغيرت كفرات الى هنكوك كوري  وجدا ممتاز كفرات سابقه حق وكاله يوكوهما فاشل يمسح بسرعه سبب لي وسوسه كل فتره وانا عند ميزان ولحين الحمدالله وضع ممتاز  

بطاريه وكالته خذت معي سنتين ونصف ولحين على بطاريه هنكوك كل سنه وانا مغيره 

نصيحه 

اذا انت راعي خطوط وانا منهم كان اخذت افلون اما صرفيه ترجع لسواقتك 

تجنب فتحت سقف راح تسمع صوت هوا من يوم ماخذتها قليل مستخدمها واغلى شي لنكسر  





up 1 down 0
ناجي هليل 31
قبل 2 شهر و 2 أسبوع