أضف سؤال أو موضوع جديد          

إجراءات للسياره التالف المنتهي بالتمليك

up 1 down 0
hossam 6724 286
قبل شهر و أسبوع



السلام عليكم ورحمة الله وبركاته


كيف حالكم ياشباب. قدر الله وما شاء فعل صار حادث والسياره كانت واقفه عند فندق. والله كنت فيها ونزلت للسوبر ََََماركت
يوم جيت ادخل للسوبر الا وشفت كيا اوبتيما بالمسار الوسط وكابرس المسار الأيمن الكابرس يحاول يتجاوز من اليمين. والاوبتيما خفف سرعه وراح لمسار الكابرس يعني بالمختصر سقط عليه والكابرس حاصت عليه ودخل بسيارتي وسيارتي كان جنبها جيب والجيب تضرر

أكثر سياره تضررت سيارتي. وصلت للمراتب الخلفيه لان الصدمه من الخلف ومن قوه الصدمه الكامري دق بالجيب وراح عندي بسبب الجيب السقف وقزاز وجنب السواق كامل وباب خلف الراكب والرفارف الخلفيه كامله مع شوي مع السقف والشنطه دخلت للمراتب الخلفيه المهم ماعلينا جاء المرور وكل واحد منهم نكر

رحت للقسم ونفس الشي كل واحد يقول نفس الكلام
قال العسكري تعال الأحد اما صاحب الاوبتيما والكابرس توقيف وقال يوم الأحد نشوف كيمرات الشارع

الحين حسب كلامي هل علي متطلبات.؟ لان السياره واقفه ب مكانها وموقف صحيح وما فيها أحد والسياره من عبداللطيف جميل دافع فيها 81 الف مع. المقدم 30 الف

رايكم يعطوني مبلغ طيب ولا لا ووش الإجراءات الان كيف التقدير ووين وكم تكلف السطحه حاليا مسافه 120 كيلو صد رد وبعدها للصناعبه تقدير الورش







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المشكله ماهي هنا انت موقفك سليم أهم شي اللي عليه الغلط يكون مأمن..المشكلة هتكون مع عبد اللطيف جميل لأن الإيجار المنتهي بالتمليك الشيك بيطلع بإسمهم ماهو بإسمك والله يعينك معاهم
اللي ماهم دافعين دفعه حتى لو باقي قسط واحد في السيارة ما بياخدوا ولا ريال واللي دافعين دفعه أولى بمزاجهم يعني ساعات يعطونك جزء من الدفعة فقط أو نصفها أو كلها حسب..لذلك نصيحة للي بياخد إيجار بالتمليك وفر فلوسك ولا تدفع دفعه مقدمة ولا تقول بنزل في القسط
هات سياره ع قدك وانت أولى بالفلوس عموماً اخي الكريم الله ييسر امورك ويعوضك والحمد لله انك سلمت وفي الحديد ولا في العبيد وياريت تنزل موضوع تاني تعرفنا اللي صار معك للافاده للجميع


up 1 down 0
mr.teto 533
قبل شهر و أسبوع



الحمدلله اخوي وقدر الله وما شاء فعل
والله كلامك صحيح من المفترض ما احد يدفع دفعه اولى لكن انا سويتها عشان ينخفض القسط هههه لكن كلها فيك فيك سواء دفعت دفعه اولى اوك بينزل القسط ولو مادفعت بيرتفع القسط وياخي ادفع من الي بتدفعه به الدفعه الأولى أقساط وانتهى الموضوع
وتدري وش الغبنه لو ما عوضوني بأقل 40 الف. والله دايما اسدد شهريا الشهر بشهره دايما ولا اتأخر يوم الحمدلله لكن الحمدلله على كل حال

ابشر والله بنزل بموضوع خلاصه الموضوع والإجراءات


up 0 down 0
hossam 6724 286
قبل شهر و أسبوع



غالبًا ترجع لك الدفعه الاولى بعد خصم الاستعمال ، مثلًا يعطونك 1500 كيلو بالشهر وجيت سلمتها فيه زيادة 500 كيلو ياخذونها من الدفعة الاولى كل كيلو بمبلغ معين ، وتقدر تشوف العقد وتتأكد وش وضعك بالضبط ، بس ماراح يجيك اكثر من الدفعة الاولى هذا اذا رجعت لك كاملة


up 1 down 0
0abo_waleed0 17
قبل شهر و أسبوع



يعطونك دفعتك الاولى كامله مكمله ما ينقص ريال واحد

حصلت لي انا كانت معي سياره وخذاها اخوي وصار له حادث وكان وقت امطار وفي الشارع ماء ودخل الشارع مسرع وفقد السيطره ع السياره
وغرموني 1300 علشاني اعطيت اخوي السياره بدون تصريح وقالوا نعطيك بدلها سياره جديده ودفعتك الاولى
نحولها على السياره الجديده وتبدأ تقسطها من جديد
رفضت واعطوني الدفعه حقتي كامله نقصوا منها فقط 1300 ريال ولا كانت الإجراءات مُعقده خلال اسبوع وانا خالص منهم وقفلوا العقد واخذوا سيارتهم


up 0 down 0
w.055 -6
قبل شهر و أسبوع



اولاً الحمدلله على السلامه

والاخوان ماقصروا وياك

بالنسبه للدفعه شركات كثيره ماترد منها الا قليل

لكن عبداللطيف جميل وهذا الكلام صار لاخوي خيروه بين سياره ثانيه او يعطونه دفعته وكان وقتها دافع لهم
12 الف
طبعاً اخذ سيارة جديدة موديل السنه وقتها كانت 2013 واضافوا الدفعه القديمه لها

لكن حسبة السيارة الجديدة عقد جديد واربع سنوات

علماً ان السيارة القديمه بقى لها سنتتين وتخلص ولكن امر الله




up 0 down 0
aboahmed2014 712
قبل شهر