مشكلة بالكامري الله يسعد من يحلها لي

كيف ترتفع حرارتها؟ دايما مرتفعة؟ وانت واقف ولا اذا دعست

شيكت على بلوف الموية؟

عندي صني اكثر من مره ترتفع حراراتها يطلع العله من البلف يقفل غير البلف والغطاء مع مويه اصليه اذا الرديتر مافيه صداء

عزيزي حدد اولاً نوعية ارتفاع الحرارة

هل هي ترتفع وهي واقفه فقط او على السرعات الهادية وفي الزحمات ؟


هل هي ترتفع على السرعات الكبيرة من 80 وفوق ؟


ثانياً متى ترتفع ولوين توصل هل هي مع تشغيل المكيف او بدون او في كلى الحالتين عطنا يعني تفاصيل


وأخيراً هل الموتر متعرض لصدمات وجهية شي او مغير له شي في دورة التبريد ولا كل شي بلد واصلي ؟ وهذي اهم نقطة

بالاضافة الى ان الموتر من بلاده معكم ومكينته نظيفة فعلياً ولا أي كلام وكم ماشي الحين يعني كثير مرة

بانتظار افاداتك

اخوي اتمنى تلاقي حل مشكلتك بأقل التكاليف، ولاتستعجل بالاجراء، السياره تعتبر موديل حديث وان شاء الله انها بسيطه المشكله وماتوصل لراس المكينه، اتمنى تشرح المشكله وتذكر جميع التفاصيل. ما ادري وش تقصد بالشبك كويس ولكن ماله دخل بالسالفه فيمكن تكون معلوماتك بسيطه وحرامية الصناعيه يبون يستغلون عدم معرفتك، ما أعمم ولكن اغلب الورش مايفكر الا في الفلوس واذا شايف الراس سليم يقول خربان تعال بعد يومين ويطلب منك وجه غطاء بلوف ويعني تراني ثلحت وهو ولافك مسمار. اشرح المشكله وان شاء الله نلاقي حلها

ترتفع وين توصل

اخوي تاكد من مراوح التبريد لان لها سرعتين وكتاوت المروحه 

اخوي ان شاء الله مشكلتك بسيطه شف المراوح تشتغل ولا لا 
اذا شغلت المكيف لان واحد اعرفه صارتله كذا ترتفع الحراره 
وهو واقف او اذا مشى تحت 80 وراح لكهربائي يمني وقاله
غير مروحه كامله وطلعت عليه التكاليف حول 800 ريال ودليته على
كهربائي ممتاز وشيك عليها وقال <<كتاوت المروحه >>
وغيرها وطلعت عليه التكاليف كلها 140 ريال مع شغل اليد
وانحلت مشكلته فانت ابد بالشئ السهل لان الورش همها الفلوس

هذه المشاكل غالبا من كتاوت المروحه
أو دنيمو المروحه ضعيف
أذا شغلت المكيف تسمع حنة قويه للمروحه أو خيفيفه
شيك على الكتاوت وبعدها دينمو المروحه

يالربع الموتر صار له حادث دقه بسيطة جدا فالوجه وهربت موية الراديتر وكان شق بسيط ولحمته وزينت وتفاجئت وانا طالع من الورشة الا الحرارة مرتفعة وسيخت شبك الراديتر وغيرت الغطا ولا فاد ويرتفع وانا امشي وانا واقف واليوم امشي بالخط وفجاه ارتفعت ووقفت شوي ونزلت ومشيت شوي ووقفت عند اشارة وارتفعت وسلامتكم 

تأكد من سرعة المراوح

مشكلتك لازم يشوفها شخص يقيم لك المشكله الحرارة لها مسببات كثيره ومنها التلحيم مثل ماذكرت لانه يقفل المجرى اللي فيه تلحيم تماما بس اتوقع مشكلتك ف المراوح

لو مراوح سليمة وبلف موية سليمة
ابغى منك. تفك غطى رديتر.  وشغل سيارة. وانتظر ٥ دقايق. وشف. في قربة موية. هل يوجد فقاقيع. مستمرة. ؟؟؟

مشكلتك اما رديتر وماتوقع التحليم يفيد او المروحه ماهي شغاله تمام تاكد منهن وباذن الله تنحل المشكله هذا بحال كل الليات
سليمه ومافيها شيء والبلف

عند وجود مشكلة حرارة لازم تشيك على دائرة التبريد كاملة
غطاء رديتر + رديتر
خراطيش الماء
بلف الحرارة
المراوح
طرمبة الماء

أبدا بالاسهل ثم الأصعب

شيك على بلف الحرارة والمراوح

المشكلة من الضربة الي ف الرديتر و الأفضل تغير الرديتر وترى فيه أنواع مناسبة زي الأردني يجي طبقتين أفضل وأحسن وسعرها أقل من 300 ريال

الحل غير رديتر هذا باختصار كانك تطيع الشور شف رديتر المكينة مافيه مزح تقول بلحم فيه اوفرلي ومدري ايش اوكي يمكن ضروفك المادية سيئة بس كانك تطيع الشور اطبق لك جديد وكالة ورجع الموتر كله شد بلد ولا راح تشتكي من أي شي



انا قبلك صارت لي ودقشت وجهه خفيفة وانشق بسيط الرديتر وقالوا تلحيم قلت جديد واشتريه وكالة ب 950 موتري الكيا اوبريس ولله الحمد الآن لي 4 سنوات ونص من دقشت ذيك الدقشه الحرارة في حياتها ما ارتفعت شبر ولله الحمد وهي 2009 لذلك دائماً عط الموتر يعطيك عشان تسوق وانت مرتاح وتسافر وتجي وانت مرتاح تلحيم ما تلحيم بكره مهرب مرة ثانية من جهة التلحيم في وسط خط ومع الحرارة ثمن ابلش عاد ولا ما تنتبه له وتودع المكينة عليك


لذلك الاجابة هي غير رديتر جديد

تحياتي

حلوة الحراره مارتفعت ولاشبر

كلام ابراهيم صحيح