أضف سؤال أو موضوع جديد          

مشكلة بالكامري الله يسعد من يحلها لي

up 0 down 0
abdulmohsen 8760 24
قبل 2 شهر و 2 أسبوع



عندي كامري ٢٠١٣ ترتفع حرارتها مع العلم ان موية الراديتر كويسه والشبك كويس ولا فيه تهريب ولا في اي شيء بس ترتفع فجأة وغيرت غطا الراديتر ولا فاد والورش يقولون راس المكينة يبي له مسح ، اللي له خبرة يفيدنا الله يجزاكم خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كيف ترتفع حرارتها؟ دايما مرتفعة؟ وانت واقف ولا اذا دعست


up 1 down 1
x-bariq 174
قبل 2 شهر و 2 أسبوع



شيكت على بلوف الموية؟


up 1 down 1
ابو حسين.......... 811
قبل 2 شهر و 2 أسبوع



عندي صني اكثر من مره ترتفع حراراتها يطلع العله من البلف يقفل غير البلف والغطاء مع مويه اصليه اذا الرديتر مافيه صداء


up 2 down 1
المتوكل 777 462
قبل 2 شهر و 2 أسبوع



عزيزي حدد اولاً نوعية ارتفاع الحرارة

هل هي ترتفع وهي واقفه فقط او على السرعات الهادية وفي الزحمات ؟


هل هي ترتفع على السرعات الكبيرة من 80 وفوق ؟


ثانياً متى ترتفع ولوين توصل هل هي مع تشغيل المكيف او بدون او في كلى الحالتين عطنا يعني تفاصيل


وأخيراً هل الموتر متعرض لصدمات وجهية شي او مغير له شي في دورة التبريد ولا كل شي بلد واصلي ؟ وهذي اهم نقطة

بالاضافة الى ان الموتر من بلاده معكم ومكينته نظيفة فعلياً ولا أي كلام وكم ماشي الحين يعني كثير مرة

بانتظار افاداتك


up 3 down 1
a.ibrahem 3239
قبل 2 شهر و 2 أسبوع



اخوي اتمنى تلاقي حل مشكلتك بأقل التكاليف، ولاتستعجل بالاجراء، السياره تعتبر موديل حديث وان شاء الله انها بسيطه المشكله وماتوصل لراس المكينه، اتمنى تشرح المشكله وتذكر جميع التفاصيل. ما ادري وش تقصد بالشبك كويس ولكن ماله دخل بالسالفه فيمكن تكون معلوماتك بسيطه وحرامية الصناعيه يبون يستغلون عدم معرفتك، ما أعمم ولكن اغلب الورش مايفكر الا في الفلوس واذا شايف الراس سليم يقول خربان تعال بعد يومين ويطلب منك وجه غطاء بلوف ويعني تراني ثلحت وهو ولافك مسمار. اشرح المشكله وان شاء الله نلاقي حلها


up 2 down 1
saudi___07 1126
قبل 2 شهر و 2 أسبوع



ترتفع وين توصل


up 2 down 1
سكودر 14890
قبل 2 شهر و 2 أسبوع



اخوي تاكد من مراوح التبريد لان لها سرعتين وكتاوت المروحه 


up 2 down 1
الخور قريبه 353
قبل 2 شهر و 2 أسبوع



اخوي ان شاء الله مشكلتك بسيطه شف المراوح تشتغل ولا لا 
اذا شغلت المكيف لان واحد اعرفه صارتله كذا ترتفع الحراره 
وهو واقف او اذا مشى تحت 80 وراح لكهربائي يمني وقاله
غير مروحه كامله وطلعت عليه التكاليف حول 800 ريال ودليته على
كهربائي ممتاز وشيك عليها وقال <<كتاوت المروحه >>
وغيرها وطلعت عليه التكاليف كلها 140 ريال مع شغل اليد
وانحلت مشكلته فانت ابد بالشئ السهل لان الورش همها الفلوس


up 2 down 1
synksa 23
قبل 2 شهر و 2 أسبوع



هذه المشاكل غالبا من كتاوت المروحه
أو دنيمو المروحه ضعيف
أذا شغلت المكيف تسمع حنة قويه للمروحه أو خيفيفه
شيك على الكتاوت وبعدها دينمو المروحه


up 2 down 1
عبدالله عبود 136
قبل 2 شهر و 2 أسبوع



يالربع الموتر صار له حادث دقه بسيطة جدا فالوجه وهربت موية الراديتر وكان شق بسيط ولحمته وزينت وتفاجئت وانا طالع من الورشة الا الحرارة مرتفعة وسيخت شبك الراديتر وغيرت الغطا ولا فاد ويرتفع وانا امشي وانا واقف واليوم امشي بالخط وفجاه ارتفعت ووقفت شوي ونزلت ومشيت شوي ووقفت عند اشارة وارتفعت وسلامتكم 


up 1 down 1
abdulmohsen 8760 24
قبل 2 شهر و 2 أسبوع



تأكد من سرعة المراوح

مشكلتك لازم يشوفها شخص يقيم لك المشكله الحرارة لها مسببات كثيره ومنها التلحيم مثل ماذكرت لانه يقفل المجرى اللي فيه تلحيم تماما بس اتوقع مشكلتك ف المراوح


up 1 down 0
7amood1930 300
قبل 2 شهر و 2 أسبوع



لو مراوح سليمة وبلف موية سليمة
ابغى منك. تفك غطى رديتر.  وشغل سيارة. وانتظر ٥ دقايق. وشف. في قربة موية. هل يوجد فقاقيع. مستمرة. ؟؟؟


up 1 down 0
kayan0007 153
قبل 2 شهر و 2 أسبوع



مشكلتك اما رديتر وماتوقع التحليم يفيد او المروحه ماهي شغاله تمام تاكد منهن وباذن الله تنحل المشكله هذا بحال كل الليات
سليمه ومافيها شيء والبلف


up 1 down 0
المنطق يقول 679
قبل 2 شهر و 2 أسبوع



عند وجود مشكلة حرارة لازم تشيك على دائرة التبريد كاملة
غطاء رديتر + رديتر
خراطيش الماء
بلف الحرارة
المراوح
طرمبة الماء

أبدا بالاسهل ثم الأصعب


up 1 down 0
alhkami 297
قبل 2 شهر و 2 أسبوع



شيك على بلف الحرارة والمراوح


up 1 down 0
هبووب الشمال 33
قبل 2 شهر و 2 أسبوع



المشكلة من الضربة الي ف الرديتر و الأفضل تغير الرديتر وترى فيه أنواع مناسبة زي الأردني يجي طبقتين أفضل وأحسن وسعرها أقل من 300 ريال


up 1 down 0
محمدالبراكي 122
قبل 2 شهر و 2 أسبوع



الحل غير رديتر هذا باختصار كانك تطيع الشور شف رديتر المكينة مافيه مزح تقول بلحم فيه اوفرلي ومدري ايش اوكي يمكن ضروفك المادية سيئة بس كانك تطيع الشور اطبق لك جديد وكالة ورجع الموتر كله شد بلد ولا راح تشتكي من أي شي



انا قبلك صارت لي ودقشت وجهه خفيفة وانشق بسيط الرديتر وقالوا تلحيم قلت جديد واشتريه وكالة ب 950 موتري الكيا اوبريس ولله الحمد الآن لي 4 سنوات ونص من دقشت ذيك الدقشه الحرارة في حياتها ما ارتفعت شبر ولله الحمد وهي 2009 لذلك دائماً عط الموتر يعطيك عشان تسوق وانت مرتاح وتسافر وتجي وانت مرتاح تلحيم ما تلحيم بكره مهرب مرة ثانية من جهة التلحيم في وسط خط ومع الحرارة ثمن ابلش عاد ولا ما تنتبه له وتودع المكينة عليك


لذلك الاجابة هي غير رديتر جديد

تحياتي


up 1 down 0
a.ibrahem 3239
قبل 2 شهر و 2 أسبوع



حلوة الحراره مارتفعت ولاشبر


up 0 down 1
ابوسيف 123456 -1
قبل 2 شهر و 2 أسبوع



كلام ابراهيم صحيح


up 0 down 0
moon79 7
قبل 2 شهر و 2 أسبوع