بواجي كامري

فيه نوعين من البواجي و أفضل نوع تكون ب راسين
عكس النوع العايدي وسعرها تقريبا بحدود 150

ركب الاصلي وانسى شي اسمه بواجي افضل من انك تركب نوعية رديئة تمشيك فترة بسيطة ويقل العزم وتفتفة وصرفية بنزين نصيحة من اخوك

ركب اصلي وبس لا تبحث عن ارخص وبجودة أقل مر على قطع الغيار المعتمدين لتويوتا كلهم وارخص واحد خذ منه اذا النهدي هو الارخص خذها منه وتراها بواجي مهب زيت بتغيره كل شهر ولا شهرين البواجي اقل شي تمشيك 60 الف اذا مهيب اكثر وتعتمد على نوعية البواجي يعني ما راح تقل عن السنتين أقل شي يعني 180 ادفعها لموتري في سنتين اذا كانت مهيب اكثر ما اشوفها قليله في حقها وانا بستعملها ذا السنتين ومرتاح اسافر واروح واجي ما اعرف لا تفتفه ولا كربنه ولا غيره

لذلك ركبوا الاصلي ياناس وارتاحو عشان ما تجون بكره تشكون


بالتوفيق

صحيح كلام الشباب ركب اصلي افضل

حاول تمر محلات بن حيدره ( النهدي قالي ١٨٠ ) 
وبن حيدره بعد مانشبت له عطاني اياها ب ١٤٨ او ١٥٠ 

انت لازم تنشب ويسون لك خصم خخخخ .. 
ومحلات القطع تتفاوت الاسعاره 
انا اشتري من النهدي وبن حيدره بس 
ومره الاقي القطعه هنا ارخص من هنا ومره بالعكس ( حسب الكميات الي يطلبونها يصير السعر )

وبالتوفيق

وعليكم السلام
من بعد اذن صاحب الموضوع

هل البواجي قبل تركيبه لها وزنية معينة ؟

بالعكس اشوف سعرها معقول اذا كانت هي ( الاصليه فعلاً ) ام اذا تجاري ماينفع ولا بريال ، خذها قاعده اي شيء ينحط بالمكينه لازم يكون اصلي سواء كان بواجي ، رشاشات ، بساتم ، بلوف ، فلاتر ، زيت مكنيه ،،،، الخ ( لازم اصلي )

وعلى فكره تركيبها ابسط منه مافيه تقدر تركبها بنفسك بس جبلك مفك بواجك نفس مقاس اللي عندك وكلها 4 بواجي تلخصها في اقل من نصف ساعة ، بدال ماتفع 120 ولا 150 علشان تركيب بواجي ،،،
والله يوفقنا وياك ان شاء الله .