ماهو افضل كفرات صينية فورتشنر

نوعيه ممتازه ومجربه من قبل زملاء العمل

على سوناتا وعلى جيوب فورد اكسبلولر نوعيه اسمها جينيو وسبق وجربتها على اكسنت سابقا وكانت ممتازه انصحك فيها

جينيو ووست ليك واوفشن غيرها لا تدور

وكيفها مع صرف البنزين جينيو
الله يحفظكم

جينيو سمعت الناس تقول طيب ماجربته 

بس عندك هانكوك كوري صارلي ٣ سنوات استخدمه عالكامري ممتاز 
بس طبعا كل سنه اغيره .. لان مشيي واجد 

عموما سعره مقبول واستخدامه طيب 

الكفرات اليابانيه غاليه و اشوف الكوري صار انعم منهم و ارخص و نفس العمر مثل الهانكوك و عندك الجينيو تمام

انا مركب كفرات على الجمس سوبربان نوعيه صيني ممتازه مشت معاي قريب السنتين
اسمها Kapsen

وفي نوعيه أخرى يمدحونها اسمها sunfull.

سعر الاربع كفرات ب١٠٠٠ ريال فقط يا بلاش ♡

لو عندك استطاعه تدفع شوي أكثر فخذ لك اطارات كوريه اسمها هانكوك ممتازه جدا جودتها مثل الألماني وسعرها رخيص بس اغلى بشوي من الصيني

بس قبل ما تركب اي نوع من الإطارات تأكد تأكد تأكد بالثلاث!

- من حرارة الإطارات لازم تكون A غير هذا لا تاخذه حتى لو كان دنلوب او مشلان لان A هو المناسب للاجواء الحاره في الشارع الأوسط.
لو مكتوب B او C فهذي مصنوعه للاجواء البارده والمعتدله .

- تاريخ الإنتاج يكون نفس السنه 2018 غير هذا لا تشتريه حتى لو بيعطيك خصم.

- أخر شي تأكد من سرعة الإطارات وعلى اي أخر سرعة تقدر تمشي فيها على الإطار.
الرمز بيكون بالأحرف الانكليزية.

ودمتم سالمين.

جزاكم الله خير جميعا ماقصرتوا
اخذت بشوركم
وركبت جينيو ٤ كفرات بسعر ١٠٧٠ ريال
والله الحافظ

ماشاء الله  ، الله يبارك لك ويحفظك ، وعطنا خبر بعد استخدامك للكفرات باسبوع او اكثر ، وهل تنصح فيها 

وشكرا لك

انا توني مركب كفرات جينيو علي كيا
قبل شهر ومسكه فيها خط الرياض 7 صباحا وصلت الساعه 1 ظهر
بصراحه الكفرات ابهرتني نعومتها علي الطريق
كلت فيها كم رصيف بالغلط ومازالت صامده
ولاتحكم الا بعد سنه او خمسين الف كيلو علي جودتها
بس اتوقع انها كفو

باذن الله راح انزل تجربتي عن كفرات جينيو

بعد تجرتبتي لكفرات جينيو لمدة ١٠ ايام الكفرات ممتازة مافيها اصوات او ارتجاج ومريحة جدا
والبنزين صار صرفيته اقل
وهذي تعتبر تجربة اولية
الله يحفظكم

بعد سنه و 7 شهور من كتابة الموضوع
اعطينا تجربتك يابو نورة وكيف شفت الكفرات خلال هذه المدة

كفرات جينيو كفرات ممتازة للجيوب ...انسم ٢٠ واطعس والله ياجماعة بدون ما اشغل دبل

طبعن انصح الجميع يركب الكفر حتى لو صيني من الوكيل.....انحاشو من الغرابي او اي بنشري عادي