أضف سؤال أو موضوع جديد          

تركيب مكينه جمس على هلي

up 3 down 2
ابو تخريب 231
قبل 2 شهر و 4 أسبوع



سلام عليكم اريد من لديه خبره افادتي في موضوعي اريد تركيب مكينه جمس vortec موديل 99 على هايلكس موديل 93 وش الاشياء الي احتاج تغيرها واضافتها وكم التكلفه  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وربي يكلفك 
اخوي عنده ددسن ركب ركب لها مكينة لكزس وغير القير وغير كمبيوتر وخساير فوق ٢٥ الف ونهاية موتر اخذ معاه شهرين ثم بعدها من ورشة الى ورشة الين عافت نفسة منه وقفها لها تقريبا سنه 


up 3 down 0
abu asiil 47
قبل 2 شهر و 4 أسبوع



عليكم السلام ورحمة الله 

يالغالي راح تكلفك كثير من قواعد للمكينة وكمبيوتر وحتى ممكن القير واعتقد الكارونة لانها ماراح تتحمل واشياء ثانية وممكن ماتزبط معك


up 3 down 0
ابو حسين.......... 811
قبل 2 شهر و 4 أسبوع



انا ماراح اشتري المكينه لان عندي جمس 99 سويت عليه حادث ومحركاته شغاله قصدي انقلها على الونيت


up 1 down 1
ابو تخريب 231
قبل 2 شهر و 4 أسبوع



النقله مهيب بالطريقة السهله اللي انت متخيلها 

اولاً عشان تجلس المكينة يبيلك تصنفر شاصك كامل وتلحم وترهم قواعد كراسي مكينة جديدة

يبيلك تشيل الكهرب كامل وتمدد الظفاير من جديد وكمبيوتر ودفرنس الهايلكس ماراح يتحمل قوة مكينة الجمس يعني دفرنس جديد وحتى القير ماراح يتحمل مهب اكيد 

وحذاف جديد ورديتر لازم تلحم له قواعد من جديد عشان تركب عليه رديتر جمس الزبده طلع الفكره من بالك 


لان الشغله هذي اولاً يبيلها فلوس بقيمة ذا الموترين اللي لى تبيعهم وتحط ذا اللي بتخسره طقيت موتر اطلق منهم كلهم 

ثانياً شغل التلفيق ماينفع مهب قايم شهر معك الا يا خابطن فيه شي ولا شابن فيك وبتوديه لحقين الترهيم قل على دراهمك السلام كانك بتحط شغل زين

لذلك اركد


up 4 down 1
a.ibrahem 3239
قبل 2 شهر و 4 أسبوع



الله يستر عليك يبو تخريب
لا تخرب على نفسك ريح بالك و احفظ مالك


up 1 down 1
1405-1985 1405
قبل 2 شهر و 4 أسبوع



الله يوفقكم وييسر اموركم اجل طلعت الفكره من راسي  ولي عنده حل ثاني عشان ارفع العزم لاني ابغاه للبر والتطعيس الخفيف 


up 2 down 1
ابو تخريب 231
قبل 2 شهر و 4 أسبوع



ركب مكينه 2jz بخاخ، رخيصه خفيفه وصغيره.


up 1 down 0
rakan 454ss 1
قبل 2 شهر و 3 أسبوع



تركب بترهيم ولا بدون واذا بترهيم اش احتاج غير المكينه


up 0 down 0
ابو تخريب 231
قبل 2 شهر و 3 أسبوع



انا عندي ددسن مخليه للبر مركبله كفرات عريض ورافعه ومركب مساعدات جبريل ومراوح مرسدس وفلاتر وبواجي رياضيه ومشاءالله ممتاز في الرقيات وتسييف بس ماينفع للخطوط ولا داخل المدينه يطامر



up 1 down 0
نمر 2 74
قبل 2 شهر و 3 أسبوع



الله يعطيك العافيه نمر انا احتاجه للبر واستخدامه داخل البلد الخطوط عندي سيارة ثانيه


up 1 down 0
ابو تخريب 231
قبل 2 شهر و 3 أسبوع