تركيب مكينه جمس على هلي

وربي يكلفك 
اخوي عنده ددسن ركب ركب لها مكينة لكزس وغير القير وغير كمبيوتر وخساير فوق ٢٥ الف ونهاية موتر اخذ معاه شهرين ثم بعدها من ورشة الى ورشة الين عافت نفسة منه وقفها لها تقريبا سنه 

عليكم السلام ورحمة الله 

يالغالي راح تكلفك كثير من قواعد للمكينة وكمبيوتر وحتى ممكن القير واعتقد الكارونة لانها ماراح تتحمل واشياء ثانية وممكن ماتزبط معك

انا ماراح اشتري المكينه لان عندي جمس 99 سويت عليه حادث ومحركاته شغاله قصدي انقلها على الونيت

النقله مهيب بالطريقة السهله اللي انت متخيلها 

اولاً عشان تجلس المكينة يبيلك تصنفر شاصك كامل وتلحم وترهم قواعد كراسي مكينة جديدة

يبيلك تشيل الكهرب كامل وتمدد الظفاير من جديد وكمبيوتر ودفرنس الهايلكس ماراح يتحمل قوة مكينة الجمس يعني دفرنس جديد وحتى القير ماراح يتحمل مهب اكيد 

وحذاف جديد ورديتر لازم تلحم له قواعد من جديد عشان تركب عليه رديتر جمس الزبده طلع الفكره من بالك 


لان الشغله هذي اولاً يبيلها فلوس بقيمة ذا الموترين اللي لى تبيعهم وتحط ذا اللي بتخسره طقيت موتر اطلق منهم كلهم 

ثانياً شغل التلفيق ماينفع مهب قايم شهر معك الا يا خابطن فيه شي ولا شابن فيك وبتوديه لحقين الترهيم قل على دراهمك السلام كانك بتحط شغل زين

لذلك اركد

الله يستر عليك يبو تخريب
لا تخرب على نفسك ريح بالك و احفظ مالك

الله يوفقكم وييسر اموركم اجل طلعت الفكره من راسي  ولي عنده حل ثاني عشان ارفع العزم لاني ابغاه للبر والتطعيس الخفيف 

ركب مكينه 2jz بخاخ، رخيصه خفيفه وصغيره.

تركب بترهيم ولا بدون واذا بترهيم اش احتاج غير المكينه

انا عندي ددسن مخليه للبر مركبله كفرات عريض ورافعه ومركب مساعدات جبريل ومراوح مرسدس وفلاتر وبواجي رياضيه ومشاءالله ممتاز في الرقيات وتسييف بس ماينفع للخطوط ولا داخل المدينه يطامر

الله يعطيك العافيه نمر انا احتاجه للبر واستخدامه داخل البلد الخطوط عندي سيارة ثانيه