ثلاجة البرادو هل لابد افك الطبلون

طيب ليش بتنظفها ياخوي 
اذا سليمه خلها مثل ماهي وغير فلتر المكيف كل فتره وماتتوصخ الثلاجه 
وان ما خاب ظني ان فكها يحتاج فك الطبلون 
وان فكيت الطبلون بغض النظر عن تكلفة شغل اليد وعن براعة الفني 
الا ان احتمال كبير تطلع لك اصوات بالديكورات وحوسه 

99% من الشركات الثلاجة تجيك خلف الطبلون وغسيلها لازم تفك الطبلون الا بعض السيارات
وهم حاطين لك فلتر المكيف ليش ؟
عشان الاوساخ تجي على الفلتر وما تروح للثلاجة فاذا انت من الناس الي يغير فلتر ثلاجة ما تشيل هم غسيل الثلاجة لانها على الارجح تكون نظيفة
ونفس سؤال m7md 33 ليش تبي تغسل الثلاجة
هل فيها ريحة ولا دفع هواء المكيف ضعيف ولا التبريد ضعيف وش السبب؟

دفع الهواء ضعيف والسياره شاريها مستخدمه 

واعرف انها الثلاجه ويبيلها غسيل ولكن انا اسال هل فيه طريقه لتنظيف الثلاجه بدون فك الديكور

فية طريقة شفتها في يوتيوب بدون فك ثلاجة 
تشتري منتج من ساكو وتنزع فلتر هواء وتقوم ب رش منتج على مجرى ومكيف شغال 
ادخل اليوتيوب  سعودي كراج 
والله يوفقك واحرص على تغير فلتر كل ١٥ الى ٢٠ الف 

ياغالي كل شي ممكن اذا كهربائي شاطر يقدر يفك من تحت الدرج الى مايوصل

للثلاجه ممكن بشطاره يغسلها بمحلها بدون فك... وفيه بعضهم متمكن ويسويها

لازم تفك الطبلون موقعه جنب المسجل في الخلف وفيه طريقه جربه واحد تحصله في اليوتيوب
اذا انت في الرياض فيه ورشه يزبطه لك راسلني وادلك عليه

سلام عليكم اخ نمر ممكن تفيدني برقم جوال الورشه او موقعها