أضف سؤال أو موضوع جديد          

استفسار عن الممشى هل هو يضر الموتر او لا

up 2 down 1
عطاالله بن العنزي 9
قبل شهر و أسبوع



عندي استفسار عن بعض السيارات المستخدمه تقريبا من موديلات 2009 إلى 2015 وتكون نظيفة بس مشكلتها ماشيه فوق الـ 300 الف كيلو وراعيها محافظ عليها واستخدام حشمه او استخدام عادي كرف معقول ،

السؤال المهم واللي يحتاج اجابه من ذوي الخبره والمجربين !

س 1/ هل الممشى الطويل بمعنى السيارة قاطعه 300 الف يضر الموتر والمستخدم ولا أمر عادي اهم شي النظافة والمشي مجرد مشي بالنهاية ؟

س 2 / هل المكينة لها عمر محدد بعد 400 الف تخبط وهل للقير عمر بعد هالممشى ؟

س 3 / هل المسافات هذي مثل 300 و 400 الف كيلو تؤثر على عوازل السيارة ؟

أسئلة تحتاج لأجوبه ومنكم نستفيد كل يدلي بدلوه تفضلو ... بانتظار إجاباتكم ويعطيك العافية .









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موب زود تاثر لا عادي بس تطلبك اكثر قطع غيار وكذا انا موتري ازيرا ماشي فوق ٤٠٠ الف وشوي 
بس شوف كل شي له عمر المكينة والقير لها عمر افتراضي ٥٠٠ الف 
اهم شي عندك دامك باخذ مستعمل بدي بدي بدي يكون نظيف او شبة نظيف  يعني ما تكون فية ضربات قوية 
وشاص يكون سليم موب ملحم او معدل 
لان صدوم تاثر على عزل سيارة و كهرباء كل فترة تخش بمشكلة 
اما ممشى لو زاد عادي  
اما المكينة انت وحظك تشوف سيارات ممشاها ١٥٠ الف مكينة مخبطة 
وتشوف سيارة ممشاها فوق ٥٠٠ ماشي حالها 




up 1 down 1
abu asiil 41
قبل شهر و أسبوع



من حكم تجربه الموتر اذا وصل 400 الف لاتاخذه ولا بريال 
مستهلك بمعنا تصلح شي يطلعلك شي ثاني 
واحسب ان الدينمو والسلف والكمبرسر والباكم والرمانات حقت الكفر والصوف 
والهوبات كلها وقت وتطق وتحتاج تغيير حتى لو استخدام حشمه لان لها عمر افتراضي وتخرب ولا كان ماحطو ورش وقطع غيار 


up 1 down 0
ابو عبد العزيز 305 370
قبل شهر و أسبوع



انا اشوف اي سياره مستخدمه ممشاها اكثر من 200 الف 
راجع حساباتك فيها 
من 200 وتحت النظيف ومع المحافظ يبي يلمس 500 الف معك 
طبعا اتكلم عن السيارات العمليه والمعروفه 
الجيوب تاصل 700 الف مع المحافظ 


up 1 down 3
ابو عبد العزيز 305 370
قبل شهر و أسبوع



جربت سيارات وممشاهن بعضهن يتعدا 500 الف ولاتزال تعطي ونظيفه مع المحافظ كل شي يدوم لكن لو تبي تخلي الموتر مستهلك في 10 الاف ممشى يروح ينتهي المحافظ اهم شي اذا عرفت صاحبه انه محافظ اشتر وتوكل على الله 


up 0 down 1
سرطوقا 98
قبل شهر



جزاكم الله خير على ردوكم وننتظر باقي الاخوان الموضوع صار حماسي اكثر


للمعلومية ترا 150 ريال تنقص لك ممشى السيارة لو تبي ترجعها اصفار حتى فلا يهمك الممشى قد مايهمك نظافة السيارة

وغير كذا اشوف ان الممشى الطبيعي 35 الف سنويًا اذا دوامك بنفس المدينة ، يعني 2009 مفروض يكون ممشاها مايتعدا 320 الف ،

اما اذا راعي خطوط عادي وفيه شخص معه سوناتا 2016 وصلها 110 الاف بأربع شهور فقط لأنه يوميًا يمسك خطوط وتوصل لـ2200 كيلو بعض الايام بس السيارة باقية نظيفة ماشاء الله ويقول كل اسبوعين اغير زيت ابو 5000


up 1 down 1
0abo_waleed0 29
قبل شهر



الممشى تقارنه بعدد السنوات يعني مثلا سيارة ماشية 400 موديل 2005 تعتبر ماهي ماشية او استخدام عادي عكس لو كانت موديل 2015

بالنسبة لي الممشى مو مهم بقدر النظافة وبالعكس لو كانت السيارة ماشية ونظيفة تكسبها علشان سعرها رخيص مقارنة بالي غير ماشية

اهم شي ركز على حاجتين مهم لو شريت سيارة ماشية

1 كم عدد الملاك السابقين اذا كثير انحش عنها

2 هل سبق وتعرضت لحوادث ولا لا واذا مثلا قالك جتها ظربة بسيطة في الواجهة روح افحص المكان والافياش والاسلاك مظبوط

واذا في رش شوف النسبة كم يعطيك الجهاز مثلا اذا عطاك 19 كويس واذا عطاك 30 مدبوغة معجون لليل

في النهاية انت شاري مستعمل مو اصفار يعني لازم تلقى كم عيب وكمان صاحبها ما راح يوريك كل شي الاشياء البسيطة ممكن ما يقلك عنها








up 1 down 2
mercy_sa 719
قبل شهر



نظافة السياره هي الحكم، ولكن كل اجزاء السياره تتأثر بالمشي ماعدا ال 8 سرندل اذا كان يمشي خطوط فيمكن ما يأثر كثير


up 1 down 2
saudi___07 1127
قبل شهر



الامريكي فوق 150 الف كم يطلب قطع ولايسلم من تكايات البلوف والياباني فوق ال200 الف كم تطلب قطع واي سيارة فوق 300 الف كم لاتقربها هذا بالنسبة لسياراتنا لان زيوت المكاين مضروبة من طويلها والقليل منا يحافظ على استبدال الزيوت والشركات الحين صنعت لكل شي عمر افتراضي سواء حافظت او لا


up 1 down 1



حياك
اكيد بياثر والدليل ضمان بعض شركات السيارات يعطيك
مثال خمس سنوات ضمان او 200الف كيلو ايهم ينتهي قبل
لاكن اذا السيارة بدي وديكورات سليمة ميه ميه
مايضر بما ان المحركات تعتبر اشياء استهلاكيه
وباالتوفيق


up 1 down 0



والله ياخوي انا بالنسبه لي اخذ ممشى كثير ولا اخذ موتر مرشوش او مضروب 
ويكون صاحبه محافظ ويبين طبعا من نظافة الداخليه والبدي بدون تلميع


وبعطيك مثال حصل لي : 

شريت كامري ٢٠١١ ماشيه ٨٠ الف من ٣ سنوات ونص وكانت مرشوشه الرفارف كلها وكذا 
( طبعا الموتر بهدلني بصيانه وتبخير وعكوس ومكيف وقرف ) 
كانت لهندي بشركه .. 
المهم بعتها واخذت ٢٠١٠ ماشيه ٢٢٠ الف من ٣ سنوات بدي وكاله وداخليه نظيفه 
خذيت الموتر سويت له تصفيه وتغير صوف وكذا 
المهم انه من ابدع مايكون ( ماشاء الله تبارك الله ) 

فلذلك يا اخوان الممشى ماهو دليل ومثل ماقال اخوي فوق ١٥٠ ريال ينزلك عداد 
اذا جيت تشتري سياره تاكد من عدد ملاكها ، حاول تتواصل مع صاحبها مباشره 
يفضل يكون مستخدمه عالاقل ٦ شهور حتى يقولك الي فيها 
وتاكد من نظافة الداخليه ، 
سوق السياره وجرب قيادتها ، والافضل تكون مجرب نفس النوع من قبل عشان تقدر تحكم 
افحص بمكان موثوق ، وطبعا اهم شي قير ومكينه وبدي 
باقي الشغلات تتضبط بسهوله 

ومثل ماقلت بالنسبه لي البدي اهم من المكينه 
البدي اذا اندعم مايزبط صح وممكن يكون دمر لك وزنية السياره كلها 
اما مكينه فكها وركب مكانها وانتهى الفيلم 

وبالتوفيق للجمع


up 1 down 1
m7md 33 568
قبل شهر



كل شي له عمر افتراضي .


up 0 down 0



كل شي له عمر

لكن رايي الشخصي اذا امريكي حاول مايتعدى 200 الف

ياباني لايتعدى 300 اهم شي ع نظافه وصيانات نستمره

واستعمال جيد.

وترى تفرق من شركة لشركة فيه سيارات فشلت في الاسواق

وسيارات مشهوره بقلة خراباتها


up 1 down 0
abdullah.ags 364
قبل شهر



يا اخوان فيه كداد يسولف علي يقولي فيه كامريات زملاه فيه منهن قاطعات مليون كيلو !! من كثر المشي والكداده وقطع مسافات طويله يقول عادي ولا صار بهن شي يقول الممشى مايأثر على السيارة بس التفحيط والمقاوم واهمال الصيانه واهمال الزيت هو اللي يخرب السيارة اما غير كذا مايخرب السيارة لكانت استخدام حشمه ماتخرب والله يارجال هذا كلامه لي والشاهد الله