أضف سؤال أو موضوع جديد          

تجربة تركيب زنون عالي وواطي كامري 2009

up 4 down 5
0abo_waleed0 17
قبل 4 شهر



بسم الله الرحمن الرحيم

السلام عليكم ورحمة الله وبركاته ، انقل لكم تجربتي في تركيب زنون للكامري 2009


بالبداية مقاس الشمعات للكامري 2007 الى 2011 هي
العالي / 9005
الواطي / H7

والكهرب الواطي يسحب 55 واط والعالي 60 واط "للشمعة الوحدة"

التركيب كان على شمعات TYC التايوانية واللي بيركب على شمعات الوكالة يحتاج قاعدة للواطي

اخذت لي طقم محولات يجي معها شمعات صينية بسعر 140 للطقم الواحد ،

اخذت طقم F3 للواطي وبعدها بفترة F5 للعالي ، الاول 35 واط والثاني 55 يعني اقل من الوكالة

بعد فترة قررت اغير شمعات الواطي واركب للعالي زنون وطلبت طقم للعالي وشمعات للواطي ،

التكلفة الاجمالية للواطي مع لمبات ياكي هي 230 ريال مع الضريبة ، والعالي 145 ريال مع الضريبة

المهم هذا رابط المحولات اللي ركبتها بالواطي الواطي ويجي معها لمبات صينية

https://www.aliexpress.com/item/1-Set-Xenon-Lamp-AC-35W-Fast-Bright-H7-H4-Xenon-Ballast-H1-H3-H11-9005/32816592112.html?spm=a2g0s.9042311.0.0.1jeESM

وهذا رابط لمبات الياكي

https://www.aliexpress.com/item/2pcs-Top-Quality-YEAKY-Ultra-Bright-35W-4500k-5500K-6500K-HID-Bulb-HID-xenon-conversion-Bulb/32747298769.html?spm=a2g0s.9042311.0.0.50154c4dFrbu4B


اللون اللي طلبته للعالي 5000K لأن مافيه 5500
والواطي 5500K


وهذا رابط المحولات اللي ركبتها في العالي

https://www.aliexpress.com/item/Fast-Bright-HID-Kit-AC-55W-H7-Xenon-H4-H1-H3-H11-9005-9006-881-D2S/32816534081.html?spm=a2g0s.9042311.0.0.50154c4dFrbu4B


تاخذ تقريبًا شهر من تاريخ الطلب لين توصلك ، وفيه شروحات بالنت لطريقة التسجيل بالموقع ووضع العنوان والطلب اللي يبي يبحث عنها ،

وانا عندي مشكلة في رفع الصور ما ادري وش السبب اكثر من مرة احاول ويرفض فاللي يعرف وش المشكلة يقول

وهذي روابط الصور

من اليمين النور طافي اللي بعده واطي فقط واللي بعده واطي وعالي

http://www.m5zn.com/newuploads/2018/07/26/png//5aa1228f197dece.png

توضيح درجة اللون زي ماتشوفون ماشاء الله تبارك الله

http://www.m5zn.com/newuploads/2018/07/25/jpg//377bc2e081bdea9.jpg

http://www.m5zn.com/newuploads/2018/07/25/jpg//2d0282bc915a8d9.jpg

هنا وقفت عند جدار عشان يوضح الفرق ، واطي

http://www.m5zn.com/newuploads/2018/07/25/jpg//3ef1e1c10f6bb31.jpg

عالي

http://www.m5zn.com/newuploads/2018/07/25/jpg//7d8699c1cd51fb5.jpg






وهذا مقطع يوضّح سرعة التحمية

https://www.youtube.com/watch?v=XmFVHidODhA







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ونسيت اذكر بخصوص الغطيان اللي تحمي الشمعة من الغبار خرمتها من النص ويجي مع الشمعة بلاستيك تسد فيها المكان اللي خرمته وركبتها بحيث مايدخلها غبار والشغل توب التوب ، التركيب اخذ مني ساعة ونص مع فك الشمعات وغسلها من الداخل وماتحتاج تقطيع او تجريح بالاسلاك


up 0 down 2
0abo_waleed0 17
قبل 4 شهر



وفقك الله
بس هل له اضرار على كهرب السياره


up 0 down 0



بعض السيارات كهربها مايتحمل وتحتاج محولات خاصة مثل السيارات الكورية ، اما الكامري كهربها يتحمل ، مع العلم ان الواطي وكالة 55 واط واللي انا مركبه 35 واط يعني اخف على الكهرب ، والعالي وكالة 60 واللي انا مركبه 55


up 0 down 1
0abo_waleed0 17
قبل 4 شهر



حياك تجربه موفقه
بالنسبه لعلي اكسبرس ماانصح بهذا الموقع
على اني اشتري منه بشكل كبير بس اشياء رخيصه
لان الطلبيه تطول شهر ونص لدرجة اني انسى وش طالب ههههه
وهذا غير بعض السلع ماعليها رقم تتبع يعني بتجيك بعد شهرين
ويمكن اكثر لكن بالغالب ماراح تجي بتضيع نادر توصل
اما الي برقم توصل بس تاخذ شهر ونص
انصح بموقع( بانقود)موقع صيني موثوق
واهم شيء عند الدفع في خانه تطلبها برقم تتبع او لا
حط برقم تتبع تدفع زياده4ريال تقريبا
اذكر طلبت منهم الظاهر4مرات بتتبع وكلها تجي 3اسابيع واقل
اغلبهم سبوعين
بدون رقم تتبع تضيع ومرات توصل بعد4شهور
ميزة الموقع اللغه عربي وبعض المنتجات الدفع عند الاستلام
بس مشكلته بضاعته قليله ماتحصل كل شيء


up 0 down 0
d7ooom777 426
قبل 4 شهر



حياك يادحوم والموقع لي اربع سنوات اطلب منه ، واذا تبي تطلب اختر بريد مسجل عشان تجي برقم تتبع ولي شحنات منه وصلت بـ11 يوم ولي شحنات ماوصلت ولي شحنات وصلت ورجعت وعارف الوضع كله ، بس الروابط اللي انا حطيتها تحديدًا هذي برقم تتبع ووصلتني بوقت ممتاز وحطيتها ، ولو بحثت بنفس الموقع بكلمة f3 xenon تلقى نفس المحولات بأسعار مختلفة ومن بائعين غير بس هذا اللي انا شخصيًا جربته والمشتري حر بإختياره انا موضوعي الاساسي عن تجربة تركيب الزنون


up 0 down 0
0abo_waleed0 17
قبل 4 شهر



المحولات صينيه ولا وش صناعتها


up 0 down 0



صينية جودتها عالية وتنباع هنا بحدود دبل السعر ، اذا تبي محولات غيرها عندك محولات اللكزس سعر الطقم 250


up 0 down 0
0abo_waleed0 17
قبل 4 شهر