مارايكم بكامري 2018

حلوه صراحة بس عيبها سعر عالي شوي 

مع اني اكره تيوتا الا اني بصراحة معجب بالكامري الجديدة وخاصة الهايبرد

يعني فلها ب 65 ويمشيك فوق 1000 كم براحة وش باقي تبغى احس من كذا

الي مو مصدقني يقدر يشوق تجارب الناس في اليوتيوب

باذن الله اني ناويها
لكن مشكلتها نازله مرررره

وحسب مقاطع اليوتيوب وانا بتفسي سألت اصحابها الاغلب اجنع ان التانكي يمشيك 500 داخل المدينة
وبالخط 700 اذا سرعتك 150
ولكن حطوا في بالكم ان التانكي اصغر حجمه 65 الظاهر...فله ب77

لكن السؤال المهم والاهم....خلفية السيارة ماهي معجبتني ولكن خلفية ال6 سلتدر جميله جدا بسبب ان الاضائة كاملة مدري ايش يسمونها
السؤال هو هل اقدر اسوي مثلها للكامري ال4سلندر..لاني اتوقع كلها لمبة اركبها
الي ماعرف يبحث عن خلفية ال6 سلندر ويعرف

غاليه
نازله بقوة
ضيقة و التانكي صغير
الصرفيه مشكوك فيه التوفير
السعر غالي و زاد زود
و بالاخير سيارة سيدان

الرد الاخير 

غريبه مانصحته بالالتيما 2010 قير عادي كعادتك 

غاليه جدا جدا جدا
والهجين تخاف منها ... اذا هي بطاريه . فا سعر تغيرها غالي جدا
ايضا نازله بقوه ... تسحب مع الزفلت
والشكل ماشوف شي يستاهل
بصراحه اللي قبلها افضل منها

التيما قير عادي بديل لكامري قير عادي كلهم ٢٠١٠
اما ٢٠١٨ جديد بس بسعر راف فور اللي معي من تجربه
انصح بكروس اوفر اذا سعر السيدان شطح تعدى ال٨٠
حتى لو انه هونداي

عطنا نصايحك يبو وايل نور المنتدى ....

سياره جميله وعمليه ((((ولاكن )))) 
الله يعينك بعد 5 سنوات او اذا تعدت 300 الف 
حسب سعره القطعه براتب كامل 
كمبرسر 3099
رديتر مكيفه ب 700 وشوي 
اديتر مويه ب 1000 وشوي 
قطعها غااااليه الاصليه. 

ابو حاتم...ليه المبالغه هذي.
تويوتا ميزها اي قطعه تبغاها عندك التشاليح ع كف من يشيل
وعندك التجاري درجات ونوعيات ممتازة جدا وعن تجربة.

العكس ب2500 ركبت تشليح ب400 مع شغل اليد قبل 3 سنوات ولا فيه الا العافيه.

اكبر عيب انها ناااااااااااازله وسمعت احد ملاكها يقول اذا عديت على مطبات الكبري تهبد بقوة شوي وتضرب وجهية السياره
طيب يعني فوق ماهي نازله المساعدات لينه ويقول يركب معك اثنين ورى تنزل بقوة

اما كمحرك قووي ووكيل ممتاز وتكييف مايحتاج بس عيبها النزوول والسعر الشاطح

ما استخدم تويوتا لاكن ابدعو فيها الشكل الخارجي والداخلي وصارت افضل من الشكل السابق

لاكن فيها حاجه الي هو كثرة بيع السياره مستخدمة وهي مامشت شي
واعلانات التنازل عنها
لا اعلم السبب!

لو قلنا الكامري عاديه 800 كيلو
الكامري هايبرد 1200 كيلو يصير عندي توفير 400 كيلو بكل تفليله

يعني تفليله الكامري العاديه ب 80 الهايبرد بـ 60 تمشي نفس المسافه

العاديه بـ 80 ريال 60 لتر = 60 * 18 = 1080

الهايبرد بـ 60 ريال 43 لتر = 43 *26 = 1118

عشرين ريال بكل تفليله لو قلنا عمر السياره 400 تفليله صار معك فرق 8000 ريال

8000 ريال توفير بعد ممشى أكثر من 400 ألف مقابل :

- تحتاج خلال هذا الممشى تغير البطاريه لا يقل عن مرتين او ثلاث مرات واحسب البطارية باقل سعر سمعنا فيه الي هو 8000 * 3 = 24000

- سعر السياره وقت الشراء اغلى بـ 4000 ريال


حاولت اجيبها من جميع النواحي ولا جت . الحاله الوحيد الي تكون فيها مجديه الله لا يقدرها وهي ان الاشاعات تصدق ويصير سعر اللتر احمر بـ6 والاخضر بـ4

الهدف من الهايبرد الحفاظ على البيئة وليس التوفير لكن الشركات أستغلت الموقف

لكن اول مانزلت قالوا انها اقتصادية وتمشيك 18 كيلو لكل لتر؟

نبغى المجربين هل فعلا اقتصادية او لا ؟