ايهم اختار..هايلكس ٦ سلندر او شاص ؟

وعليكم السلام ورحمه الله وبركاته اولا الهايلوكس ماتجي ٦ سلندر فقط تجي اربعه ثانيا السيارتين كلهم كويسات لكن افضلك الهايلوكس عن الشاص لان اقل صرفيه بنزين  من الشاص والشاص شوي متعب ومبروك مقدما 

وعليكم السلام ورحمة الله 

اذا تبغ قوة وتحميل كرف عليك بالشاص بس يصرف بنزين 

ولكن اشوف الهايلكس دبل غمارتين خيار جيد وممتاز وصرفية اقل

الخور قريبه يجي 6 سلندر فئة TRD مكينة 4.0 الظاهر نفس الي على الفورشنر
انا ارشح لك الهايلكس
ان تبغاه تحميل يمشي معاك
ان تبغاه عائلة يمشي معك
تبغاه خط يجمل معك
طعوس ما بيقصر
تقريبا تبع كله

الفرق بين الهلي ٤ سلندر و ٦ فوق ٢٥ الف
والسته فيها عيب بسيط انه لايوجد شناكير للحبال في الحوض
والله يوفق الجميع لما يحبه ويرضاه

شكرا لكم جميعا على نصايحكم
بالنسبه للاخ الخور
الهايلكس نزل منها ٦ سلندر من ٢٠١٨ اضن

خذ الهليكس اريح لك وتقدر تستفيد تركب عوايل معك

وصوت مكينه 2GR على الهليكس اهدى واقوى واوفر بنزين بفرق

شاص سيارة عسكريه

أخوي أنت اللي تختار وتشوف اللي تحبه وتفضله ويناسب ميزانيتك ولكن أسأل عن مميزات وعيوب كل سيارة منهم وشف وش يناسبك وبعدها إستخر والله يكتب الله فيه الخير 

الشاص غمارة مثل السيارة السبورت باب واحد
يصلح موتر ثاني اضافي اما بتعتمد عليه
شوف الهيلكس V6 مع انه غالي
شف الديزل استاندر دبل ممكن ينفع
او فورد F150 غمارتين او سييرا او سلفرادو

مع غلى البنزين الافضل تأخذ هايلوكس دبل ديزل
قير عادي فل التانكي ب35 ريال
و لان ال6 سلندر يشرب بنزين
الهايلكس فل بنزين حدود 100 ريال
و الشاص حدود 180 ريال

رايي ابعد عنهم بالذات صرفية الشاص من اسوأ مايكون
وصرفية الهلكس بعد زفت الزفت وللعلم ترى البنزين واح يرتفع
عدة مرات 
تخيل الشاص مايمشي باللتر الواحد الا 7 كم يعني افرض سعر اللتر وصل ريالين مشوار ابو 200 كم راح يصرف عليك حوالي  حوالي 60 ريال

الهايلوكس ٦ سلندر ممتازة جداً

على العموم انا معي ٢٠١٧ دبل اربعة سلندر صرفية البنزين مقارنه
بالموديل السابق ٢٠١٥ مرتفعة جدا
والموتر ثقيل يعني الاربعة السلندر تمشي حالها بس العزم لك علية
والصرفية مرتفعه بحكم الثقل

والله الشاص اذا انت تبيه مخصص للبر وتحط الشد الي تنام فيه وقت البرد والعزب والتوانك 
فهو خيار ممتاز بس انتبه لضهرك اذا فيه شي لاتقربه 
الهايلكس اذا تبيه بر وتدوج عليه بالديره وتاخذ اهلك فيه وتسير عليه وتروح عليه البقاله والدوام والمزرعه فهو موتر جبااار