كم بيصير سعر البنزين بالضبط بعد رفع الدعم؟؟

قبل سبق قريت خبر انه تمت مراجعة الاسعار مقارنه بالسعر العالمي
والسعر وما راح يتغير في الفترة الحاليه وحسب ما فهمت من الخبر
ان السعر قابل للارتفاع وقابل للانخفاض

https://mobile.sabq.org/x9CQ57

بغض النظر عن سؤالك مشكلة الرؤية مافيها اي شفافية
يعني الحين ما ندري هو يرتفع ولا لا مافي خبر ماغير كلام وشوي تقوم من النوم وتنصدم برتفاع البنزين

ليش ما يكون مثلا من بداية الرؤية خطة واظحة
مثال
عام 18 سعر ريال
عام 21 سعر ريال ونص
عام 25 ريالين و8 هللات
وكذالك الكهرباء وكل الزيادات

علشان انا اقدر اظبط وظعي واعرف ان البنزين برتفع وابيع سيارتي واخذ موتر اقتصادي او اتصرف واجهز نفسي للقرارت الجديدة
علشان لو جاء اي ارتفاع اكون جاهز نفسيا وماديا للارتفاع وممكن اني ابيع واغير بعض الخطط الي تتناسب مع الارتفاع

بالنسبة لسؤالك روح موقعين

الاول تحويل الدرهم الامارتي للريال السعودي
والثاني وزارة الطاقة الامارتية وشوف اسعار شهر اغسطس السنة هاذي

الزبدة ماراح يوصل 3 ريال حده 2.10 وتحت
يعني مو هم قالو بيربطونه بالسعر العالمي ابشرك ربطو 95 بالسعر العالمي الفرق اقل من 10 هللات فقط

ولك ديسلايك على تكرار الموضوع وسؤال مطروح مليون طعشر مرة في اغلب المواقع ..

اعطيتك بالسالب عشان سالفة رفع الدعم

يالربع تعبنا وحنا نقول لكم كلام الوزير واضح وضوح الشمس

الاسعار بترتفع لسعر العالمي
طيب وش هو السعر العالمي
اكتب بقوقل اسعار البنزين بالامارات..تجيك قائمة باسعار اليوم هو هذا السعر العالمي

الـ91= 2.30 ريال
الـ95=2.40 ريال
الديزل 2.45 ريال !!!

طبعا بعد كذا الاسعار ترتفع وتنزل لكن شي بسيط يعني اليوم زايده هللتين بكرة ناقص 5 هللات وهكذا
الي يفكر بالديزل جايكم الدور وهو اغلى من البنزين لان اغلب الصناعات وسيارات البضايع عليه

بالنسبة لهذي الفترة المفروض فيه ارتفاع..ولكن بسبب صدمة فواتير الكهرباء اجلوا الارتفاع لبداية 2019

هذا والعلم سلامتكم....وعليكم بالاستغفار وذكر الرحمن.

تفاؤلوا بالخير تجدوه ،
 ان شاء الله ماراح يرتفع وتضبط الميزانية ويرجعون يخفضونه ،

حنا نتفائل بالخير ، والله يسهلها علينا ويعيننا 

91=2.30 ريال؟ 
ي خي لو بغيت حط اللتر ب10 ريال..لكن حط لي ميترو ومحطات حافلات ووسائل نقل عامه
تقارن اسعارك بدول ما تحتاج السيارة فيها الا نادر؟ وعلى النقيض عندنا تلقى صف سيارات للصغير والكبير
لان مافيه الا هي للتنقل والحواري زحمه مافيه مواقف الا بالمضاربه عشان السيارة...لا وياليت شوارع تستاهل
سياراتنا جديده قاعدة تصرصر نصرف عليها اكثر من البيت

أسعار الوقود ليس لها علاقة بالميزانية بل بالتجارة عالمية 

ماعندنا شبكات مواصلات محلية مثل الدول الاخرى، امريكا و المانيا كمثال، ولكن يرفعوا البنزين للسعر العالمي مساواه للدول الاخرى! هناك في باصات ومترو و بطاقات تنشحن شهري وسنوي وحتى لليوم الواحد فقط وتدور كل المدينة، وسعر مخفض لفئة تحت ١٥ سنة و الكبار فوق ٥٠ سنة. وتنظيم عجيب ماتتأخر دقيقة واحدة، والجو هناك يساعد، هنا ممكن الواحد يسوق مسافة ٣٠٠ كم علشان يخلص شغلة في منطقة و يرجع،وبيخسر كثير،بنزين و زيت واستهلاك السيارة، ومواقف ومخالفات، لكن المترو بيكون ارخص واريح وامان أكثر، وهم دول غير منتجة ومصدرة للبترول اما اللي قاعد يصير هنا مهزلة.  

دخلت الموضوع بس عشان اعطيك ديس لايك 

حتى ماقريته

مانقول الا الله يعين بس 

الرفع ماعمره صار فيه خير 

يسرو ولا تعسرو 

اتمنى من الله ان يهدي المسؤولين ويغيرون رائيهم ويخفضون اسعار الطاقة لو ربع السعر الحالي

بلادنا ولله الحمد والمنه أكبر منتج للبترول وهي الأكثر تأثيرا في سعره العالمي..
قرار رفع البنزين لاشك إنه كان قرار ليس باليسير على الدولة
ولكن كان يجب العمل به لتغطية حجم المصروفات المتزايدة للمشاريع الحكومية وتشغيلها
وأعتقد إنه قرار مؤقت لتسيير مرحلة صعبة عدت علينا ولله الحمد بأقل الخسائر
وذلك عندما تم تخفيض أسعار البترول لكسر شوكة إيران اقتصاديا بعد خنوعها للإملاءت الخارجية
وكانت تهدف بذلك الخنوع رفع العقوبات عنها لتتزود مالياً لأكمال برامجها الداعمة للإرهاب
ولكن هيهات هيهات..
والآن وبعد أن عادت العقوبات عليها وارتدت أسعار البترول لأسعار مقبولة نوعا ما
وتم تحقيق أهداف دولتنا الحكيمة بنجاح وامتياز..
المأمل حالياً هو خفض أسعار البترول وأسعار الطاقة محلياً وماهي صعيبة على أبوفهد ونائبه أبو سلمان الله يطول بأعمارهم..

ياخي حنا شعب يحرث عن قرنه

دسلايك موضوع حساس

ومين قالك ان البنزين مدعوم ؟ البنزين يطلع ارباح من ايام الملك عبدالله الله يرحمه واللتر ب45 هللة

الان حنا نبيع البنزين لمصر وهم يبيعونه على شعبهم بسعر ارخص من البنزين عندنا ؟! يعني هم اولى بالبنزين المخفض مننا ؟

حسبنا الله ونعم الوكيل السبب في هالغلا اللي انا فيه هو من بعض الجهال الله يكفينا شرهم اللي بطروا على النعمه والا متى واحنا نشوف ناس تغسل ايديها بدهن العود او وتطبخ الفلوس في القهوه