ماء الاديتر ينقص من دون اثر

علما حصلت مويا ع مواصير المكيف هل هذا طبيعي ؟؟؟؟

تاكد من طبات رديتر 

غيرت الطبه الي تحت ونفس المشكله

السلام عليكم
الموية على ليات المكيف طبيعي
شيك على السخان داخل السيارة
وشوف هل في موية
اذا متأكد مافيه اي تهريب خارجي
غير غطى الرديتر اصلي
اذا برضه ينقص
معناتو التهريب داخل المكينة
احتمال وجه الراس
او الراس يحتاج مسح

شيك على الهيتر ( ثلاجة المكيف الحار ) 

وبتحصل التهريب تحت رجول الراكب من داخل 

حصلت لي ع كامري ٢٠١٠ والغيته ب ٣٠ ريال 

لان اصلاحه لازم فك طبلون ومكلف 

وبالتوفيق

حصلت معي الكل أجمع أنه لايوجد تهريب لاداخلي ولاخارجي ولكن وبالصدفة وإنتاجي من مشوار مريت امام السيارة حسّيت بشي رش على الثوب رجعت للخلف للتأكد وفعلاً فيه تهريب مثل من الرديترمن الامام مثل الشعرة لايحدث الاذان كان الماء مضغوط اي اثناءالسيرفقط وإذا طفيت السيارة يتوقف وديته ورشة الرديترات قال مافيه تهريب قلت فكه قال انا مافيه مسؤل قلت انا مسؤلية فكه نفخه بالهواء المضغوط فظهر مكان التهريب  فتم تلحيمه وانتهت المشكلة

يا الطيب خذ العلم

عندك شعر فالرديتر أو في الغطاء الأسود العلوي للرديتر
خل السيارة تبرد وفلل الرديتر وشغل موترك حتى ترتفع الحرارة وشيك بتشوف تندية أو بخار مكان التهريب

الشعر غثيث ما تعرف مكان التهريب إلا اذا كان الرديتر فل وانضغط الموية داخل الرديتر للآخر

جرب إن شاء الله تضبط معك

إذا ما طلع معك تهريب معناته الموية تهرب من سخان المكيف أو من داخل المكينة بس ما اتوقع وإن شاء الله تنحل مشكلتك بأقل الأضرار

الموضوع إن شاء الله سهل

وهذا الكلام موجه لكل من يعاني من تهريب وما قدر يحدد مكانه

تشتري ماء اديتر (لونه أزرق) من محلات قطع غيار السيارات الألمانية

وتاخذ مشوار بالسيارة بالليل لحد ماتصخن ويبدأ التهريب

تفتح الكبوت وتشغل الكشاف وبتحصل مكان التهريب يلمع، سواء من اديرت أو طرمبة أو أي مكان ثاني، بإستثناء المواصير الي تجي تحت المكينة


أما التكهنات والتجارب، غالباً تخسرك بدون فايدة


والله تعالى أعلم

المويه تنقص أو تختفي لأنه و الله اعلم تتبخر ( إذا كنت تحط مويه عاديه )
المويه المفروض تكون بمواصفات محدده تكون عند الوكيل مو أي مويه تحطها

حتى اللي بالبنشر بس لون و تتبخر ...

لكن قبل لا تبدا سوي تنظييف دورة الماء و بعدها يكشف على التسريبات و إن طلعت الأمور تمام خذ ماء أصلي و عب و توكل

اعتقد والله العالم ان مشكلتك من غطاء الاديتر

ويبدو لي انك غيرته قريب بضغط اقل من حق الوكاله.. بمعنى لو افترضنا غطاء اديتر الكامري محفور عليه رقم وهو 1.1 وتجي وتغيره برقم اقل مثلا 0.9 هنا تظهر نفس الاعراض اللي عندك نقص خفيف مع ارتفاع حراره