عمر الكفرات الافتراضي

اعكس كفراتك بس لاالخلف مافي شي ثقيل زي اللي قدام

الافضل تعكسها اول شي x بعد فتره الامامي يمين تحطه خلفي يسار وكذا
هاذا كلام كتلوج لكزس كذا ومسجل كل 10 الف كيلو
بس عندنا انت وممشاك تميز متى تبدلها

ودام انها 100 يفضل تغيرها لمصلحتك لو تركب صيني كل سنه موب خساره
اذا بتخرط ركب الاصلي فحمات اما كل 4 شهور اجل عندك مشكله
ي فحمات تجاري ي هوب تجاري
اما الرجه تعترف من مسكتك بالفرامل ي هوب او جلب مقص

هلا والله الكفرات غيرها حتى لو فيها نص عمر لان الكفر ماشي كثير لا يبس وحصل فيه تشققات مع الصيف والحرارة ينسلخ عليك واحتمال يعدم الصدام الخلفي هذا اذا ما تقلبت السيارة فيك بعيد الشر عنك لا تتهاون في شغلات خطيره وتافه مره

100 الف على نفس الكفرات بصراحه كثر الله خيرها

اغلب الكفرات يدوب 70 الف الا وهي متشققة

شوف في الكفرات الأفضل الإحتياط يعني سعرها مو غالي مرة وهي مهمة وخطير تركها تتآكل 
فيه هوامل كثيره للكفر زي المدة للاستخدام والشمس ووضع الاسفلت  تعرف الحفر والمطبات  تعدم السيارة وعندم كثرت الرقع والمسامير اذا كثيرة تأثر وعندك الصانع فيه شركات غالية لكن صناعتهم ممتازة 
والوقوف في الشمس يأثر والضربات من الحجر في البر ولسرعة اذا انت تسرع وهي قديمة خطر خطر لازم تهدي اذا كانت قديمةاو مستهلكة 

انا في سيارتي  اقلل الهواء الى ٢٨  واحيانا ٢٥  وادري يضر الكفر لكن مع وضع الشوارع المكسرة  اعدمت سياراتنا فكذا يصبح الكفر لين ويمتص الصدمات واريح للركاب ويحافظ على السيارك من الخرابات الميكانيكية  لكن يبيلك ماتسرع وتنبه للكفر كثير وتغيره بعد مدة اقل بكثير عن العادة احتياط من تشققه وتفطره  

اخوي سلطان. انا مع كلام الاخوان التغيير الان ضروري بسبب ممشى السيارة ١٠٠ الف كيلو متر. اتوقع كفاية والاحتياط واجب  والله يوفق الجميع 

المفروض يصير الآتي :-
إذا سيارتك دفع خلفي أو رباعي فما تفرق التبديل لان الوزن بيكون 49-51 فما تفرق معك كثير ,
لكن إن السيارة دفع أمامي فالمفروض كل 10.000 كم تسوي تدوير يا يكون بنفس الخط أو عن الأكس و ذي ترجع لنفس الكفر يبان معك بالأسهم .
اما التغيير المفروض يكون مع المواسم و بما اننا طول السنه حر فالأفضل تتغير كل 40.000 كحد أدنى أو 6 شهور .

الله يبيض وجيهكم وماقصرتو 
والله يرزقكم ماتتممنون

اليوم سعرت اليوكوهاما من الوكيل سعره 289 للحبه تاريخ2018
والهانكوك 210 للحبه بدايه 2018
وبركب اليوكوهاما بما انه كفر شد البلد
شكرا لكم ♥️

الله ييسر لك واليوكوهاما ماعليه كلام ياباني وممتاز وانا مجرب الهانكوك بحكم سيارتي النترا ممتاز ولين وصبور حتى يوم غيرته  بهانكوك ثاني برضه لين وممتاز