أضف سؤال أو موضوع جديد          

التوضيب او شراء مكينة ؟؟

up 0 down 0
s3ed alghamdi
قبل 4 شهر و أسبوع



السلام عليكم ورحمة وبركاته 

اخواني عندي مشكلة بسيارتي وحبيت اخذ مشورتكم 
سيارتي كامري موديل ٢٠١١ من عشر ايام صار عندي مشكله في السياره وهي تفتفه في السياره في بعض الاوقات وتطورت المشكلة
وصارت تطفي عند الاشارات اذا وقفت واذا رجعت شغلتها لازم ادعس  بسرعه حتى لاترجع تطفي واكثر ماتحصل المشكلة بعد تشغيل المكيف


رحت عند كهربائي قالي بواجي وغيرتتها ومازالت المشكلة
وفحص الكويلات ماطلع فيها شي
وديتها عند ميكانيكي وغسل البوابه غسيل خارجي ومازالت نفس المشكلة

وديتها عند ورشة اخرى فحصها كومبيوتر ماطلع سوا كتاوت البريك وعلى كلامه انها مو المشكلة الرئيسيه وان المشكلة الاساسيه المكينه منتهيه ولازم تتغير 
او تتوضب 

عند اخراج عيار الزيت اتضح ان الزيت اسود وثقيل ولاصق في العيار " شحم اسود "
ويخرج من فتحة العياو دخان كثيف ابيض

انا قليل خبره في الامور هذي 


بس هل من الممكن تكون المكينة مخبطة والسياره تمشي والمشكلة فقط اثناء ماكون مهدي ؟؟

ولو كانت مخبطة هل الافضل التوضيب او شراء مكينة ؟


اخر ورشة مريتها قال اشتري مكينه افضلك من التوضيب 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


امورك سهله وممكن تحتاج شي بسيط لاتتعجل بمكينه ع طول 
روح لمكانيكي شاطر ، فحص كمبيوتر ما يطلع . شيء مجربه 


ولو اجمعوا على ان المكينه خربانه غير لاتوضب ، اما اذا راس مكينه بس سوه تكلف ١٠٠٠ وشوي

اذا انت بالدمام والخبر علمني ادليك ع كم واحد 


up 1 down 0
m7md 33 671
قبل 4 شهر و أسبوع



وعليكم السلام ورحمة الله 
اعتقد ان المكينة قربت تنتهي ولكن مااتوقع انه السبب اللي يخليها تطفي 

افحص جميع الليات اللي متصلة بالثروتل لاتكون متقطعة ولا يكون فيه تسريب هوا يدخل للمكينة من بعد فلتر الهوا قد يكون من الثلاجة تحتاج وجيه ومن هذا الكلام تفحص الليات ووجه البوابة نفسه ورد لنا خبر 

في اجهزة متخصصة تطلع بخار وتحطها فالبوابة عشان تطلع لك وجود تهريبات 


up 2 down 0
ابو حسين.......... 819
قبل 4 شهر و أسبوع



برضو اخوي المشكلة قد تكون ابسط مثل الطرمبة ممكن تكون ضعيفة او فلترها منتهي وايضا شيك على فلتر الهوا ولا مانع تشيك على حساس الكرنك 


up 0 down 0
ابو حسين.......... 819
قبل 4 شهر و أسبوع



كانت عندي تطفي عند الاشاره والقير عادي
نظفت البوابه با 50 ريال وظبطه


up 1 down 0
الحربي فهد ١١١ 166
قبل 4 شهر و أسبوع



برضه ملاحظ ان السياره اصبحت في تسير بصعوبه في المناطق المرتفعه حتى لو ازود الدعسه تمشي ببطء شديد 


up 0 down 0
s3ed alghamdi
قبل 4 شهر و أسبوع



ثلاث ورش اجمعوا على ان السبب من المكينه 

واحد اليوم قالي المشكلة ان المكينه يخرج منها زيت ويدخل على البوابه وعلى ثلاجة المكينه 




up 0 down 0
s3ed alghamdi
قبل 4 شهر و أسبوع



الله يعينك
عندك ضعف شنبر ويحتاج توظيب نص مكينة
الحق عليها احتمال تغير اشياء ماتكلف كثير اهم شي ابحث عن ميكانيكي شاطر وركب قطع اصلية
اذا حصلت مكينة نظيفة وبسعر معقول يكون افضل اكيد واوفر وقت وجهد
بالتوفيق


up 1 down 0
salehhd 756
قبل 4 شهر و أسبوع



ادخل اليوتيوب واكتب مصطفى حسن نزل فيديو امس او قبل امس يتكلم فيه عن المشاكل اللي تعاني منها
خذ لك خلفية عالاقل


up 1 down 0
ryyan555 670
قبل 4 شهر و أسبوع



اذا بتعرف اذا المكينة تعبانه او لا
شوف لك ورشة يقيس لك ضغط البساتم اذا الضغط 110 وفوق
فا المكينة طيبه اما الضغط 90 ودون ففيها ضعف
والافضل تعمل تصفية كاملة تنظيف البخاخات و البوابة
و تغير فلاتر و صفاية و بواجي .

نصيحة لا توضب المكينة اشتري مستورد مع الرجيع
بحدود 4 آلاف مع الرجيع و ضمان شهر


up 2 down 0
alhkami 297
قبل 4 شهر و أسبوع



اذا خلطت الماء والزيت فهي مخبطه
إذا ما خلطت فهي ليست مخبطه
والتوضيب افضل إذا كان المكينه عندك وكاله واشتر القطع بنفسك وكاله
حتى لو كلفتك اكثر من سعر مكينه جديده .. المكينه الجديده ما انت عارف عنها شيء ولا راح ترتاح لها
مكينة سيارتك اللي انت عارفها افضل 
بس المهم الورشه تكون صاحيه مو سبّاك


up 1 down 1
w.055 -6
قبل 4 شهر و أسبوع



حياك
تقول الزيت اسود وكنه شحم
طيب غير الزيت وسيفون
شف فلتر الهواء غيره
نضف بوابه الهواء
مشت امورك الحمدالله مامشت انصحك باالتوضيب اذا ماسبق ان المكينه وضبت 
وباالتوفيق


up 2 down 0
باترول 2020 2404
قبل 4 شهر و أسبوع



نصيحة لا توضب انا موضب كامري 2003 وهي مثل مكينة
2011
كلفت فوق 6 آلاف الريال و القطع اصلية و مهندس
و مخرطة شغلهم ممتاز و مع هذا العزم ضعف

خذلك مستورد ياباني تجي شد بلد و ما تزيد عن 4 ريال
المهم انك تحط زيت مناسب و ابعد عن الزيوت الثقيلة
20w50 بعد التركيب مرنها 1000 كم .


up 2 down 0
alhkami 297
قبل 4 شهر و أسبوع



الشراء افضل مية مرة  من التوضيب لان المكينة والقير والدفرنس صعب صعب ترجع مثل اول الا نادر لكن احرص على الضمان والتشليح الصادق  


up 2 down 0
جبل شعيب 100
قبل 4 شهر و أسبوع



اناا اعرف واحد خبطت مكينته سوناتا وغير ثانية  الظاهر تشليح مو مستوردة  المهم يعطونك ضمان تبديل  مدة اسبوع اظن  المهم مازبطت رجع وبدلوها بثانية وزبطت الثانية لمدة سنين يعني الشغلة توفيق من الله ثم حظ ونصيب اقصد التشاليح  الا واحد تعرفه افضل  او تفكها من سيارة تعرفها انت زين وتوها مثلا صادمة او ماعاد يبيها راعيها فهذا افضل  مثل السيارة المستعملة اذا كنت تعرفها زين افضل من شختك بختك  او تشتري حديدة حتى لو اكسنت افضل من افخم سيارة مستعمله ماتعرف عنها شي والموفق الله 


up 0 down 0
جبل شعيب 100
قبل 4 شهر و أسبوع



اذا تأكدت 100% انه الموضوع من المكينة فخذ مستورد. و لا توضب
ابدا. 
لانه مستحيل بالتوضيب ترجع مثل ماكانت لانه اغلب الورش ماعندهم العدة 
اللي فيها عيارات شد الصواميل. 
و ايضا بعد التوضيب احتمال زيادة صرفية البترول وارده. 
و ايضا احتمال وقوع خطأ أثناء التوضيب وارد جدا و الخطأ هذا ماحيبين معاك و اصلاحه صعب جدا. 
و قطع الغيار الاصليه جدا غاليه. 

الافضل مكينة مستورده بشرط نفس حجم المكينة تبعك و بشرط انها لم توضي و لم تنفك من قبل. و سعر
 المستورد حوالي 4000 و تركيبها ب 500 و تىكيبها ياخذ يوم واحد فقط. و ضمانها شهر على الاقل. 


up 0 down 0
amer ahmed 390
قبل 4 شهر