أضف سؤال أو موضوع جديد          

اسبير الوكاله مانزل كيف كذا

up 7 down 1
سرطوقا 97
قبل أسبوع و 4 يوم



ابحث عن سياره ومن كثر ما اقرا اسبير الوكاله مانزل طفشت 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههه صدقت
تحصلها ٢٠١٢ ماشيه ٣٠٠ الف مرشوشه
وسبير الوكاله مانزل .. العدة موجوده
.....
والدهى استخدام شايب
..
وخذ هذي موتر بايكه والتنده متبهته من الشمس
.....


up 5 down 1
امير الاصيل 1685
قبل أسبوع و 4 يوم



او دكتور ولا مدرس طالع خروج نهائي.


up 4 down 1
مشاري557 215
قبل أسبوع و 3 يوم



أول ما أقراء بالإعلان عن هالأسبير أقفله و أشوف غيره ،،

مدري إيش الميزة بأن كفر لم يستخدم على إنه المفترض إنه عيب بكونه قديم وعمره الإفتراضي إنتهى و خطير على المشتري الجديد للسياره بكونه معرض للإنفجار بأي وقت ،،

بالعكس لو يكتب بالإعلان الأسبير جديد و تم تغييره،،


up 5 down 0
panamira 1879
قبل أسبوع و 3 يوم



هههههههه مدري وين الميزه بسالفة الاسبير مانزل الارض بس عجبتني لو ابيع سيارتي ابقولها ههههههههههههه
حاليا المحطات والبناشر مثل النمل نادر تحصل واحد يغير كفره بنفسه لان لو نزل يمشيه الهواء الباقي لاقرب محطه
وهذا غير حساس الكفرات لو ينزل شيء بسيط ينبهك بالطبلون وتوقف عند اقرب بنشر
والناس صارت واعيه اكثر من اول تحصل معاه منفاخ يعبي الكفر ويطير لاقرب بنشر لان فك الكفر ماهو مثل سيارات اول
حاليا كل جنط اكبر واثقل من الثاني
الله يرحم اجدادنا بس كفراتهم نظام اسيام لو يدخل به مسمار بنشر على طول مايمشيك حتى متر
لكن مع الاختراع الجديد التيوبلس فك ازمه يمشيك كم كيلو الين ماينزل الهواء لاقرب محطه


up 2 down 0
d7ooom777 448
قبل أسبوع و 3 يوم



نص الاعلانات كذب في كذب 
اعلان يقول بودي وكالة ماعدا باب ورفرف رش تجميلي كبر الكف 
نفسي اعرف وين الورش اللي يرشون كبر الكف ويضبط اللون 
وهو اصلاً مضحوك عليه ومرشوش الجنب كامل لكر عشان مايبان فرق اللون 
اعلان ثاني يقول لك بطارية جديدة ولا كفرات لها 6 شهور 
الله اكبر يالاغراء 
ومعلن يقول لك المكيف يحتاج فريون فقط مدري كيف صابر على الحر ؟
يحسسك ان الفريون طالبه من الوكاله وباقي ماوصل والحين لو تروح بنشر تحصله حاط لوحه يوجد لدينا تعبئة فريون 
والثالث يقول مسيومه في الاعلان السابق بمبلغ وقدره والاعلان راح عليه شهر ولا شهرين
قالوها من أول الأولات الروابح ياعزيزي  
والخطاء من ادارة الموقع المفروض اعلانات مضى عليها اكثر من اسبوع تنحذف تلقائياً 
في مواقع البيع بالمزاد مثل ايباي وامازون وغيرها اي مزاد له مده معينة وينتهي اما يبيع ولا يرفض وينتهي اعلانه
ويعلن مره ثانيه ويبدأ من الصفر 
عندنا لا يبي يبدأ من السومات اللي انتهى عندها اعلانه الأول 
والثاني محتفظ بإعلاناته وهي مضى عليها شهور فقط مضيعة وقت لمن يبحث واذا سألته يقول تم البيع مسوي فيها تاجر
ومعلن يقول على السوم ومحد يحد رزقه وكل ما احد سام قال باقي ماوصلت حقها 
طيب قول كم حقها واختصر على الناس وعلى نفسك الوقت  
واحلى شي يوم يكتب اللي مايعرف أسعارها لايسوم ويشرفني مروره 
طيب مافي احد ينولد متعلم ولازم الاخذ والعطاء وانت بنفسك ماكنت تدري عن شي 
وغيرها من الاعلانات استخدام شايب ولا دكتور ولا مهندس وموتر ماطب البر وموتر بايكه واكياس الوكاله وغير التصوير في الليل  والفلاتر 




up 12 down 0
hussain4 744
قبل أسبوع و 3 يوم



سبب البيع ابتعاث للخارج ؟؟؟

ظاهرة تستحق الدراسة

يبدو ان هناك هجرة جماعية للسكان .. الله يسهل دربهم.


up 3 down 0
fsam 215
قبل أسبوع و 3 يوم



سالفة السبير الوكالة ما نزل
زي يعني الموتر ما دخل بر
زي يعني كبر الكف

هذا يعتبر أسلوب تسويقي لبيع السلع أسرع


up 1 down 1
ابوصلوووح1 -7
قبل أسبوع و 3 يوم



كلها كلمات تسويقية وترويجية

لكن للأسف تجيك سيارة موديل 2000 مثلا يعني قبل 18 سنة ويقولك ممشاها قليل وهي ماشة 400الف والبودي نظيف

الغربية أنه مافي أحد يمشي 400ألف في 18 سنة على الأقل ما تحك سيارته أو ينحك ... وهناك كذب كثير خاصة موضوع نظافة السيارات
الناس تبحث عن الربح بأي طريقة للأسف
اللهم إكفنا بحلالك عن حرامك وإغننا بفضلك عمن سواك



up 2 down 0
warmer 32
قبل أسبوع و 3 يوم



مصطلحات مضحكه
يا اخي الوكالة حطت الاسبير للاستعمال في حالة الطوارئ
ماهو لتخزين الكفر و لو فرضنا انه كفر بلدها حتى لو له 20 سنه
انا كا مشتري وش راح استفيد !؟


up 2 down 0
alhkami 244
قبل أسبوع و 3 يوم



الأخ hussain 4 اختصار إعلانات حراج


up 0 down 0
alhkami 244
قبل أسبوع و 3 يوم



مرة وحده اشتريت سياره بموقع حراج وتوفقت
وكان مختصر الاعلان لافي مدح ولا تسويق حاط كلمتين ورقم جواله وصور السياره
رحت شفتها عجبتني وفحصتها وتمام والولد جامعي ومتعلم وعسل وراعاني ولها كم سنه معي زي العسل

خوي شاف اعلان سياره كله مدح في مدح وصفحه كامله يمدح فيها وقابل صاحب السياره وشاف السياره وانصدم
العكس تماما وصرف النظر

اهربو من الى يمدح كثير وما يحد موتره وما يعطيك التفاصيل ويكون صريح معاك
لمن تقابل صاحب السياره شغل حواسك وفراستك راح تعرف لو هو تمام او خبيث

فكر بنظافه السياره قبل السعر


up 2 down 0
الملكيه 26
قبل أسبوع و 3 يوم



غير السومات الخورافيه الي ما انسام بهالقيمة الا موتره !!!

يحط سعر خورافي ويقولك انسام قبل فتره 

مدري هالاشكال متى تنقرض وتريحنا

بس سالفه الموتر وكالة بس الجنب مرشوش ذي متعوب عليه

او موتر مخزن وتحصله ماشي 200 الف

اخبر المخزن مايزود عن 40 الف وموديله راح له سنوات 

اما تجي تقولي 2016 مخزن وماشي 200 ماتجي ياحبيبي

وكلمة وكالة ماتجي والموتر فيه رش حتى لو يس رفرف

وسالفه الموتر كله مرشوش بس الاستكرات موجوده ذي تراها مو ميزه برضوا!!!

اخبر اعلان يخت مرشوش كامل ويقولك وكالة والاستكرات الي في الباب ما انشالت


up 2 down 0
اودي666 143
قبل أسبوع و 3 يوم



المقصد من كلمة الاسبير مانزل..ان السياره استخدامها بسيط..ولا احتاج انه يغير الاسبير..لكن يستخدمون الكلمه هذي للتسويق والضحك ع الناس..يعني مهو معقول سياره لها عشر سنوات او خمس سنوات ولا بنشر عليه كفر واحتاج تغيير..


up 1 down 0
.ابوظافر -4
قبل أسبوع و 3 يوم



الزبده عندي موتر اسبيره مانزل الارض  ، لاني ساكن بشقه تحتها بنشر


up 1 down 0
mohammed _ avalon 2009 6
قبل أسبوع و 2 يوم



والي يقول الموتر مسيوم عام 1380 هجري ب مبلغ كذا وكذا ولاتبخس سيارتي وافرق السومة


up 1 down 0
كارينو 543
قبل أسبوع و يوم



لا هذي صارت قديمه الحين الموضه الجديده خروج نهائي ولا ابتعاث والموتر مايتحرك كثير وهو صافق عداده ٣٠٠ الف


up 0 down 0
راكان443 60
قبل أسبوع