أضف سؤال أو موضوع جديد          

استفسار بخصوص شراء GXR ممشاه كثير

up 4 down 1
جمــال 53
قبل 2 شهر و 2 أسبوع



السلام عليكم 
حبيت استفس لأني في حيرة من أمري
حصلت gxr لاندكروزر موديل ٢٠٠١ ٦ سرندل ممشاه تقريبًا ٧٦٠ الف
وسعره حول ١٨ ألف

تقريبًا فل كامل ويحتاج هالقطع
صليب
ولي باور
ولي علبة الدركسون
وقطع تكلف حول ٧ الاف

فعطوني رايكم بكل صراحة 
وشكرًا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام
هيا اساسا هاذي اسعارها ع 25 وتحت النظيف
اما مابقى شي ع المليون وب 18 واصلاحات الخ

والبنزين بيعذبك وبيكرهك بالسياره

من رائي ابعد عنه


up 6 down 0
tttt35035 909
قبل 2 شهر و 2 أسبوع



مثل ما قال اخوي ttt35035 واضيف على ذلك اذا حاط في بالك تاخذ بعض القطع من التشليح راح تنجلط من الاسعار المبالغه فيها.


up 4 down 0
مشاري557 223
قبل 2 شهر و 2 أسبوع



نصيحة والله يابتحط فيه 40 الف ولا راح يرجع مثل أول وهو على ايامه يشرب ينزين مابالك ماشي قرابة المليون يعني المكينة تخرخر ولاتمسك زيتها كله يتبخر يبغالك زيت وبنزين شهريا يكلف 3الاف ريال وراعيه ماتنازل عنه ب18 الإ يحتاج تربيط وطرمبات وحساسات من الصدام للصدام نفض


up 4 down 0
يارب توفيقك 2014 1653
قبل 2 شهر و 2 أسبوع



نصيحه انحش
لاتهاون ب١٨ بتحط بلاوي
زي كلام الاخوان
صدقني اخذ كورلا ب١٨ ولا افكر بوجهه
موتر كد وموفر بنزين


up 5 down 0
امير الاصيل 1673
قبل 2 شهر و 2 أسبوع



تحية لراعيه على الاقل ما نزل عداد الكيلو و زوّر بالممشى
الله يجزاه خير على امانته


up 3 down 0
1405-1985 1421
قبل 2 شهر و 2 أسبوع



يقول المثل


يامن شرا له من حلاله علة


وش حـدك يابوي عليه مع ان في بدائل اخرى

بتشتري الجيب وبتدفع فوقه عشر الاف تصليحات وتلقيطات وغير كذا مر على موديله 18 سنه




up 0 down 0
aboahmed2014 712
قبل 2 شهر و 2 أسبوع



اولا هذي فلوسك وتعمل بها اللي تبي
ثانيا انت لك منا النصيحه وانت تقبلها او لا
سياره بالحاله ذي بتكلفك اصلاحات نفس المبلغ اللي شريت به السياره
يعني انت بتشتريها ب18 و7 الف اصلاحات يعني 25 الف وهذيي تجيب لك سياره
موديل من 13 وفوق وحالتها ممتاره
فابعد عن وجع الراس صدقني انت في غنى عنه


up 3 down 0
عثمان طميحي 39
قبل 2 شهر و 2 أسبوع



السلام عليكم ورحمة الله وبركاته ،،

إذا أنت راغب بموتر من هالموديلات فترا هذا ممشاهن الحقيقي وأغلب إذا مهوب كل الي معروض بالسوق مع الشريطية مرجع عداده ويتضح على الموتر انه مكروف لكن تتفاجأ ان ممشاه قليل جداً على موديله ..

وبالمنطق المواتر الي لها خمس سنين تلقاها وصلت 300 ألف بالراحة إذا من سكان المدن الكبيرة وراعي مشاوير..

المقصد إذا أنت راغب بالموتر ومعجبتك محركاته والبودي فترا الممشى بإذن الله معقول على موديله ومكاين اللاندكروزر مشهورة بوصولها أرقام قياسية بالممشى شرط المحافظة عليها..


up 1 down 1
صريح المقال 1
قبل 2 شهر و 2 أسبوع



*فترى وليس فترا المعذرة.


up 0 down 1
صريح المقال 1
قبل 2 شهر و 2 أسبوع



ماشاء الله الكل متفق على رأي واحد وهو اني ابعد عنه واشيله من راسي
هذا كمان رأي واحد صاحبي قالي زود ع المبلغ وخذ لك حاجة نطيفة
وبممشى قليل

الله يعطيكم العافية ويبارك فيكم
والله فرحت بكلامكم والبحث عن مصلحتي
الله يسعدكم واحد واحد


up 3 down 0
جمــال 53
قبل 2 شهر و 2 أسبوع



هذا تاخذه من المعرض وعلى التشليح هههه


up 0 down 1
mfh2009 197
قبل 2 شهر و 2 أسبوع



السلام عليكم ورحمة الله وبركاته ،،

الي عطاني تقييم سلبي على ردي الأول وعلى ردي الثاني هنا والي كان تعديل خطأ إملائي يا أخي اتق الله حرمتني من إضافة مواضيع بالموقع عشان رأيي ما تتفق معه!

لا أنا الي نصحته يشتريه ولا أنا نصحته عنه أنا علمته ان الممشى هذا واقعي وإذا يبي موديل قديم لا يغره الممشى القليل وأنا صادق في كلامي والقرار يرجع له بالأخير..

والناس تختلف في أوضاعها المالية وغيرها ولا تقدر تحكم على الناس تقول اشتر هذا وهذا لا تشتريه بدون ما تعرفه.


ودي أفهم الي معطيني تقييم سلبي على ردي الثاني والي عبارة عن تعديل خطأ إملائي لي أنا مهوب لغيري ليش؟!

لا حول ولا قوة إلا بالله وحسبي الله ونعم الوكيل.


up 0 down 0
صريح المقال 1
قبل 2 شهر و 2 أسبوع



معليش اخوي صريح المقال امسحها بوجهي طال عمرك يمكن أحد قيّمك بالخطأ
وطبعاً رأيك أتقبله بصدر رحب وأبدًا مافيه شي يزعل يالغالي

راسل إدارة الموقع وإن شاء الله انها ما تقصر معك


up 0 down 0
جمــال 53
قبل 2 شهر و أسبوع