أضف سؤال أو موضوع جديد          

تغيير زيت القير للكامري 2015

up 0 down 0
سافين
قبل أسبوع و 5 يوم



افيدوني بالطريقة الصحيحة لتغيير زيت القير. السيارة قير اوتوماتيك الحين ماشية ٩٠٠٠٠ ولاغيرت. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الطريقة بسيطه جدا
تاخذ الاستمارة
وتروح للوكالة او موزع معتمد قطع تويوتا اصلي
والافضل تروح موزع معتمد قطعهم ارخص
وتقولة عطني جالون زيت الاصلي تويوتا 4 لتر
ووجه كارتير وفلتر قير اصلي وكالة
بيعطيك برقم الهيكل المسجل بالاستمارة
بعدها اذا تعرف ميكانيكي ممتاز
يفك الكارتير وينزل الزيت القديم
ويفك الفلتر القديم
ويشيل وجه الكارتير القديم
بعدها ينظف الكارتير ويركب الوجه
ويركب الفلتر ويركب الكارتير
ويعبي الزيت
بعدها شغل السيارة
ومرر عصا القير على جميع النمر من فوق الى تحت
ومن تحت الى فوق كرر العملية 3 مرات الى 5 مرات
مبدئيا الى 300 كيلو
خلك على سرعات متقاربة سرعة 80 الى 100 الى 120
حتى تظمن مافية اي خلل
ملاحظة : بعد ماتشغل وتمشي من الورشة
خذلك لفة ابو 20 كيلو
وارجعلة يشيكلك على الكرتير مايكون فية تهريب
ملاحظة اخرى : اذا اول مرة تغير الزيت
باذن الله ماتحتاج غرا
وجه كارتير يكفي
وسعر شغل اليد 120 الى 150
والاجمالي قطع وشغل يد ماراح يتعدى 450
وسلامتك



up 5 down 2
الرفاعي33 13808
قبل أسبوع و 5 يوم



الأضمن والأفضل
تغير في الوكالة
لأن القير التبترونيك حساس ولا يقبل شغل صبيان الورش


up 3 down 1
ابو سلطان 20205 10
قبل أسبوع و 5 يوم



الرفاعي عطاك العام الصحيح ١٠٠٪‏ 
جزاه الله خير 
وبضيف عليه الافضل تخلي السياره تبرد ثم تغير الزيت 
وما راح تحتاج غرا ولا سيلكون وجه قازقيت اصلي يكفي 
ونوع الزيت خذ العلبه الفضيه بكتابه حمراء للقيور الجديده لاتاخذ الي مرسوم عليه بالاسود للقيور القديمه 

والتكلفه مثل ماقالك قطع + شغل ٤٥٠ تقريبا 

وبالتوفيق


up 3 down 3
m7md 33 478
قبل أسبوع و 5 يوم



اول مرة افضل بالوكالة او وكيل صيانة معتمد
احتياط و عليهم المسؤولية
بعدها غير برا اعرف الطريقة و احسب التكلفة


up 1 down 1
1405-1985 1333
قبل أسبوع و 5 يوم



الوكاله ماتتحمل مسؤولية تغير زيت القير حتى لو كانت بالوقت الحدد لها 

وصارت مع قريبي معه ls 460 وقالوه نغيره لك بس مانتحمل مسؤوليه والظاهر قالوله توقع ورقه كذا 

وبعدها راح غيره بالعضيب بنص القيمه


up 1 down 0
m7md 33 478
قبل أسبوع و 5 يوم



موترك ماشي 90 الف 
مدري باقي ع الضمان او لا
انا توني مغير زيت القير كامري 2017 على ممشى 80
رحت للوكاله وقالي حول ال 1000
ورحت لمحلات قطع الغيار وشريت جالون ووجه وفلتر
ورحت لورشه وغيره ب 150
واللحين ماشي عليه 20 الف ومافيه اي مشاكل 


up 2 down 0
سلطان_28 255
قبل أسبوع و 4 يوم



انا غيرته بورشه عند ميكانيكي اعرفهم لكن الغريب انه طلب غراء نوع تويوتا للقازقيت  وهذا عكس كلام الاخوان فوق  وتغييري بعد سنتين ونصف والموتر  بعدها تمام وبدون تهريب  لكن به نتعة قبل التغيير ومستمره بعد التغيير  السيارة النترا 


up 0 down 0
جبل شعيب 34
قبل 6 يوم و 13 ساعه