أضف سؤال أو موضوع جديد          

تجربتي في امتلاك كامري 2007 - 2011

up 13 down 11
0abo_waleed0 24
قبل 2 شهر و 3 أسبوع



بسم الله الرحمن الرحيم ،


السلام عليكم ورحمة الله وبركاته ،




انقل لكم تجربتي في سيارتي كامري 2009 على مدى اربع سنوات تقريبًا ، السيارة معنا من الوكالة بس استلمتها قبل اربع سنوات ،


خلال الاربع سنوات صار لي حادث واحد قوي وكلفني صدام ورديترات ومراوح وجسر ، الضربة كانت من تحت فما جاء البدي شي ،


قبلها السيارة جاها حادث جنب ايسر داخل حارة وتم سمكرة بيبان يسار وتغيير الرفرف الامامي يسار مع رش الجنب كامل ،


هذي الحادثين القوية خلال 10 سنوات فقط ، اما الباقي بسيطة وماتأثر مثلًا شمعة او رفرف او صدام وكذا ،

بسم الله نبدأ


اولًا فئة السيارة GLX نص فل ، فرقها عن الفل فتحة وجناح فقط ، موديل السيارة 2009 ماتفرق شي عن 2007 و 2008 ،

فرقها عن 2011 و 2010 النور الخلفي والامامي والشبك والصدام الامامي والكشافات والجنوط ،


اما باقي الاشياء كلها نفس ماهي بالجيل هذا من الكوامري ،


السيارة ممشاها حاليًا 400 الف ، مغير فيها المكينة ومغير الكمبروسر ومغير العكوس ومغير فحمات الدينمو ومغير السلف

سبب تغيير المكينة اكلت لي مطب وكسر لي سلندرات المكينة من تحت واضطريت اغيرها ،

نبدأ بالعيوب قبل الميزات :


العزل سيء


الصدام الامامي اذا غيرته مستحيل تضبط وزنيته 100% (لازم تغير العظمات معه عشان يضبط صح)


الرساوة ماهي مرة يعني تعتبر افضل من الالنترا 2015 شي بسيط


السيارة نازلة مرة للارض ويوم اكلت مطب اعدم لي المكينة (حليتها بتركيب كعكات المنيوم لرفع السيارة)


الانارة وش اقول ووش اخلي ، مافيه شي يوصف سوء الانارة (حليتها بتركيب شمعات تايوانية وزنون)


كلبسات الداخلية سيئة جدًا خاصة الدرج اللي قدام الراكب (مالها حل للاسف والاصوات تزعج شوي)


التكييف فوق الممتاز بس بعد كم سنة يخرب الكمبروسر ومهما غيرته بيرجع يخرب لين ترهّم شي غير عن الوكالة
(حليتها بترهيم كمبروسر كامري 2002)


شريحة البوري الوكالة بتطول معك بس اذا خربت بتصير كل فترة تخرب (سعرها تجاري 60 ريال)


قطع الغيار الغير استهلاكية نااااارر وهذي اسعار بعض القطع

كمبروسر 3200 ريال وكالة (حق كامري 2002 مع الترهيم وكل شي بـ1500 تقريبًا)

رديتر ماء 3000 ريال وكالة (اردني تجاري بـ400 ولي سنتين مركبه)

عكس يمين ويسار الواحد 1550 وكالة (طقم مايز ياباني بـ950 ريال مع ضمان 6 شهور)

كراسي مكينة حدود 800 كاملة وكالة بينما التجاري مايتعدا 200

مراوح 1200 ريال تقريبًا وكالة (ياباني بحدود 400)



اما القطع الاستهلاكية اشوف اسعارها معقولة نوعًا ما



الايجابيات

عزم ممتاز مقارنة بالسيارات اللي بفئتها

قطع الغيار متوفرة بكل مكان وبجودات واسعار مختلفة

الشنطة واسعه وتشيل

كثرة ادراج التخزين داخل المقصورة

صوت المسجل ممتاز

كل الورش تعرف لها ماتحتاج تدور ورشة مختصة ، بس دور سعر رخيص وتوكل ،




تقريبًا هذي ابرز الاشياء اللي فيها ، او هذا اللي يحظرني حاليًا ، بس يبقى سعر قطع الغيار الغير استهلاكية نار بالنسبة لي وعيب كبير ،



واخيرًا وليس آخرًا السيارة تعتبر حقت مكدة وماشاء الله ممتازة جدًا والاشياء اللي فوق غيرتها كلها بسبب سوء استعمال

ماعدا العكوس والكمبروسر ، يعني ما اعتبرها خربت بسبب عيب بالسيارة اغلبها بسبب شي تدخلت فيه انا بشكل غير مباشر ،


لو مامعي سيارة حاليًا ومعي 25 الف ماراح احطها بكامري ، باخذ النترا 2015 لأنها اجدد واحدث ومافيه ذاك الفرق بينها وبين اللي معي

ولكن لو نرجع لعام 2008 ما اعتقد ان فيه شي افضل منها ذيك الايام ، لماتشوف النترا وسوناتا موديلات 2009 وتشوف الكامري تعرف انها افضل ،

اما فكرة شراء وحدة مستعملة هالفترة اشوفها فكرة غير سليمة صراحة لأن فيه بدائل احدث بنفس السعر

و ايضًا لأن عمر السيارة 9 سنوات خلاص ماتنفع تنكد كثير

"جميع ماذكر في هالموضوع هي تجربة شخصية قد تختلف من شخص لآخر"

اي استفسار انا موجود والسلام عليكم ورحمة الله وبركاته









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


هههههههههههههههههههههه


up 0 down 2
0abo_waleed0 24
قبل 2 شهر



خلاص المرة الجايه اجرب السيارة و هي في داخل صالة الوكاله

اقول لك ماخدنهم وكاله يالطيب ههههههههههههههههههههههه


و ماعندك الا الترقيع بس في الكمبرسرات هههههههههه


up 2 down 0
mustafa77 6103 331
قبل 2 شهر