كم نسبه خطأ اللي يصدم من الخلف؟

اذا فيه خط اصفر الخطأ عليه 100%

اذا مافيه خط اصفر يعني خط خدمة المفروض الخطأ عليك 100% بس النظام عقيم شوي يجيك واحد موقف والخط 3 مسارات او اربع بدون خدمة ويوقف

فـِ❣ـيْ خط اصفر نص السياره برا خط الاصفر ونص السياره فـِ❣ـيْ المسار

وسيارتي دينا محمل فيه بضاعه وبعد ماضرب الكفر عيا يتحرك السياره ع الجنوط وقف فنفس المكان

مادام السيارة قبل الخط الاصفر وانت في خط الخدمة الغلط على اللي صدمك من الخلف 100%
قدم اعتارض للمرور وقل لهم انهم يعيدو كتابة التقرير حق الحادث واشرح لهم المشكلة بالتفصيل واذا عندك صور
لمكان الحادث والسيارة واضحة فيها وريهم الصور او اطبعها وقدمها لهم

وخلي بالك اذا نسبة الخطأ 50% عليك معناته انك رح تدفع نص فيمة اصلاح سيارة الرجال اللي صدمك
وهوا رح يدفع نص قيمة اصلاح سيارتك

انا ف الخط الرئيسي وليس الخدمه 

يعني صدمك وانت واقف و متعطل؟
هذه حالة خاصة مفروض ماينطبق عليك خطأ ولا 1%
كلم المرور قول لهم هذا الكلام ان السيارة تعطلت و اضطريت أوقف في الشارع
اما يخلي عليك خطأ وانت متعطل و سافط هههههه هذه كارثة

نظام المرور عندنا في الحوادث مطاط وليس هناك قانون واضح.
كل موظف يجتهد من راسه

شباب اي واحد بيتعطل بيوقف اي مكان هذا غلط 

ياما كان ناس بتروح فيها بسبه الي يوقف اي مكان 

والرجال يقول نص موتره بره الخط الاصفر 

ف يحمد ربه ماحطوا عليه ١٠٠٪‏ 

ثاني شيء هل كنت حاط المثلث وبالمسافه الكافيه 

هل كنت مولع الفلشر 

ولا صفطت ونزلت وبس والرجال تفاجيء فيك وتعور الله يشافيه 

قد بنشرت علي الكفرات وباماكن غلط 

بس مو معناته اوقف اي مكان 

ياخي يروح الكفر يروح الجنط بس ماتروح الارواح 

والله امشي عليه لين احصل مكان يسمح للوقوف وانزل الموتر جلد بعد 

منها تسلم ومنها يسلم الناس منك 

والله يفكنا من الناس المستهتره بهالامور والي ماتراعي الا نفسها 

مره تعطل معي جمس على رفعه ومنحنى ومامعي مثلث وهذا كان ايام بعد الثانوي 

التصرف الي سويته دقيت على دوريه لان موقفي غلط ومعي جمس وعلى طلعه لو ايش ماتدفه 

جاء العسكري وووقف خلفي بمسافه وولع السيفتي ونزل حط اقمااااع لين مجال الرويه 

وانتظر معي لين وصلت السطحه وماقصر جزاه الله خير هو الي طلبها لي 

ي جماعة الخير
انا كنت ماسك اليسار وماشي تقريبا 90او 100
الشارع مسارين
ف تفاجئت الا دينا ماسك الخط الي يمين وبيديور ف لف علطول ونا ماسك اليسار
وانا علطول اظغط الفرامل وصدمت فيه والله المستعان سيارتي راحت تشليح لكن المشكلة
المرور خلو الخطأ علي 25% وتهاوشت معهم وسوينا اعتراض لكن الحمدلله على كل حال
مع ان جتني اصابات لكن الحمدلله خفيفة
ورفضو يخلون عليه 100% خلوني انا 25% وهو 75%
وخسرت والله السيارة راحت والمبلغ الي جاني من التأمين مايسوا
لكن السبب قالولي انك مسرع وفراملك طويل علماً انه كان الوقت ظهر وشمس حارة
ف اكيد السيارة بتزحلق مهب ماسكه الفرامل لكن للأسف مرورنا فاشل

يجب وضع علامة المثلث الأحمر العاكس. أو اي جسم ينبه القادمين وعلى بعد مناسب لتفادي التصادم 

المفروض الخطا عليك 100 لانك طالع بخط السير ولكن يمكن عشان البنشر حسبها 50 50

مره كان في واخد موقف على اليمين بينزل اهله وطالعه نص السياره على المسار وعلى جيتي انفتح الباب وحك الرفرف

وطارت المرايه جا نجم وحسب الخطا عليه 100

المفروض الخطأ عليك 75 بالميه لأن تقول الخط الأصفر بنص سيارتك ليه ماتوقف على الجنب الله يهديك والحمدلله على سلامتك واخر المصايب أن شاءالله
والنسبه صحيحه

الحمدلله ان حطو عليك 25 بالمية والي سوا التقرير متساهل وبالنظام مايشملك شي طالما واقف بخط سريع والله يعوض عليك

اخوي قبل سنتين صارت له نفس المشكلة كان يمشي وفيه موتر واقف ونصه داخل الاصفر ونص برا وشاله وحسبوا الخطأ على اخوي ٧٥ بالمية وعلى الواقف ٢٥ 

رحم الله والديكم ماقصرتو

اذا واقف يمين الخط ويسولف مع خويه بالخط الثاني وشمعت به من الخلف الخطأ على من