أضف سؤال أو موضوع جديد          

بعد شهرين من تجربة يارس 2018 مكينة 1.5

up 12 down 1
مخاوي الردمية 74
قبل 3 سنه و 6 شهر



السلام عليكم ورحمة الله وبركاته

قبل تقريباً شهرين اشتريت سيارة من نوع تويوتا يارس 1.5 موديل 2018

المهم ما شدني في السيارة هو بطاقة وقود السيارة
كان مكتوب كل لتر بنزين يمشيك 20 كيلو
المهم شدني هذا الموضوع وقررت اشتري اليارس
وارتاح من معاناة البنزين

شريت السيارة ومن اول ما طلعتها من الوكالة
واقرب محطة وعبيت فل اخضر بـ 52 ريال

خزان الوقود تقريباً يتسع لـ 39 لتر بنزين
فقمت بحسبة بسيطة
39 لتر ضرب 20 كيلو لكل لتر
الناتج = 760 كيلو

المهم على طول من اول مشوارين كان عداد الوقود ينزل بسرعة
شوي شوي الا وهو عالنص وشوي عالربع و شوي الا والخزان فاضي

اهملت الموضوع كذا اسبوع بعدين بدأ يضايقني موضوع الوقود

المهم : وقفت عند محطة وعبيت بنزين فل تانكي
وصفرت عداد الرحلات A
ومشيت عالسيارة لين فضي الخزان
اكتشفت ان اليارس مشت على التانكي كامل 420 كيلو فقط
اعدت التجربة ومشيت عليها 423 كيلو
اعدت التجربة بعدها بشهر مشيت 433 كيلو
اعدت التجربة من جديد ومشيت 412 كيلو
وقبل ثلاثةايام اعدت التجربة ومشيت 422 كيلو فقط

فقمت بحساب 422 كيلو ممشى السيارة ÷ سعة الخزان 39
الناتج = 11 فقط

تخيل !!!

يعني ليش كاتبين في بطاقة الوقود اللتر يمشيك 20 كيلو !!!
بينما اللتر يادوب يمشي 11 كيلو !!!

سواقتي خفيفة و رايقة وتقريباً مشي تحت الـ 80 وأحيانا اصل لـ 100
ولا اتعداها بحكم داخل المدينة ما تحتاج السرعة

ظلم كبييير جداً ومغبووون والله العظيم
هذا غش وتدليس
من يتحمل الغلط هل تويوتا ام أرامكو ؟؟

نصيحتي للكل قبل تتورط استأجر السيارة
وجربها 3 أيام وشوف الوضع








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عزيزي بالنسبة لبطاقة اقتصاد الوقود هي محسوبة للخطوط الطويلة خارج المدن وليس داخل المدن وهذه غلطة من هيئة المواصفات والمقاييس؛
لأنه لو تلاحظ معظم السيارات الأمريكية فيها بطاقة استهلاك داخل المدينة وخارج المدن خطوط سريعة


up 0 down 0
cvpi
قبل 2 سنه و 8 شهر



طيب سؤال هل جربتها خط طويل سفر بين مدينة ومدينة وكيف كانت النتيجة؟


up 0 down 0
cvpi
قبل 2 سنه و 8 شهر