أضف سؤال أو موضوع جديد          

بعد شهرين من تجربة يارس 2018 مكينة 1.5

up 11 down 1
مخاوي الردمية 71
قبل 4 شهر و 3 أسبوع



السلام عليكم ورحمة الله وبركاته

قبل تقريباً شهرين اشتريت سيارة من نوع تويوتا يارس 1.5 موديل 2018

المهم ما شدني في السيارة هو بطاقة وقود السيارة
كان مكتوب كل لتر بنزين يمشيك 20 كيلو
المهم شدني هذا الموضوع وقررت اشتري اليارس
وارتاح من معاناة البنزين

شريت السيارة ومن اول ما طلعتها من الوكالة
واقرب محطة وعبيت فل اخضر بـ 52 ريال

خزان الوقود تقريباً يتسع لـ 39 لتر بنزين
فقمت بحسبة بسيطة
39 لتر ضرب 20 كيلو لكل لتر
الناتج = 760 كيلو

المهم على طول من اول مشوارين كان عداد الوقود ينزل بسرعة
شوي شوي الا وهو عالنص وشوي عالربع و شوي الا والخزان فاضي

اهملت الموضوع كذا اسبوع بعدين بدأ يضايقني موضوع الوقود

المهم : وقفت عند محطة وعبيت بنزين فل تانكي
وصفرت عداد الرحلات A
ومشيت عالسيارة لين فضي الخزان
اكتشفت ان اليارس مشت على التانكي كامل 420 كيلو فقط
اعدت التجربة ومشيت عليها 423 كيلو
اعدت التجربة بعدها بشهر مشيت 433 كيلو
اعدت التجربة من جديد ومشيت 412 كيلو
وقبل ثلاثةايام اعدت التجربة ومشيت 422 كيلو فقط

فقمت بحساب 422 كيلو ممشى السيارة ÷ سعة الخزان 39
الناتج = 11 فقط

تخيل !!!

يعني ليش كاتبين في بطاقة الوقود اللتر يمشيك 20 كيلو !!!
بينما اللتر يادوب يمشي 11 كيلو !!!

سواقتي خفيفة و رايقة وتقريباً مشي تحت الـ 80 وأحيانا اصل لـ 100
ولا اتعداها بحكم داخل المدينة ما تحتاج السرعة

ظلم كبييير جداً ومغبووون والله العظيم
هذا غش وتدليس
من يتحمل الغلط هل تويوتا ام أرامكو ؟؟

نصيحتي للكل قبل تتورط استأجر السيارة
وجربها 3 أيام وشوف الوضع








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يالتاجر الكبير ماله دخل اذا ولعت اللمبه او لا

عب سيارتك فل الصبح والليل ارجع عبها فل وشف كم مشيت كيلو وكم عبيت لتر واقسم العدد مو شرط لما تفضى

اليارس تشرب مع اخوي وحده نفس الحاله


up 0 down 0
musaed.1989 8
قبل 4 شهر و 2 أسبوع



غريبه ترى مكينه 1.5 اقتصاديه مره يمكن سيارتك مكتمه عقب التخزين

مر وكاله سو صيانه ينفظون مكينه تنظيف وتصفيه

وخل رجلك هاديه تشوف يمشيك اكثر اما تدعس rpm فوق 2 تصرف اكيد

جرب غير سواقتك خلك طبيعي ماله دخل كم تمشي المهم كيف توصل لسرعة 100

تدعس نص دعسه لين 100 ثمن تريح ولا على راحة تجيب 100 هنا الفرق

حاول تغير نمط وتشوف الموتر يمشيك اكثر

انا اكسنت ماتمشيني الا 340 الى 370 داخل ديرة وهذا مطابق للأرقام

وفي الخط 500 وعليها




up 0 down 0
mohammed1368 73
قبل 4 شهر