استفسار عن علامة في طبلون كورولا ؟

عبي الهواء 30 وافصل البطاريه ساعه وتطفي المبه التحذريه

هذي انوار الكشافات بارك الله فيك طفها وينتهي الموضوع بكل بساطه

شكرا لمرورك اخي allohan 3 ،، لكن مااعتقد فيه فرق بين ٣٠ و٣٥  ،،، اتوقع فيه سبب اخر 

شكرا لمرورك اخي لحن المفارق ،، وسيارتي  بدون كشافات 

عيار الهواء ٣٢ وتاكد من الاستبنه لان في حساس فيه بعد

ذي حق السكن أو الناعس مع الطقه الأولى لعصا النور

يا جماعة الرجال يسأل عن علامة التراكشن اللي هي الصفرة مش الشمعات واضحة بالصورة

على العموم انصحك تطلع بها الوكالة او محلات فحص الكمبيوتر و يظبطها لك يسوي برمجة او يمكن عندك مشكلة المهم فحص الكمبيوتر

يعلمك.

وعليكم السلام

بدر اتوقع الاخوان داخلين المنتدى من الجوال لان الصورة ماتطلع كامله

وياخ الهتان بوجهك على الوكاله

حياك الله
والف مبروك ربي يعطيك خيرها ويصرف عنك شرها
وان شاء الله انه ماهو خلل مجرد تحذير
ما ينفع تحط رقم من عندك شوف الباب كم الضغط المكتوب فيه
اتوقع يكون 32 عبي الكفرات لل32 وامشي في السيارة شوي هو ما ياخذ القراءة الا والسيارة ماشيه
حاليا اغلب السيارات الحديثة تاخذ القراءة بعد ما السيارة تمشي
هو المفروض زي ما قلت 35 و 32 مافيه فرق لكن جرب حط 32 وحاجة ثانيه لا تعتمد على ساعة البنشري احيانا تكون خربانه
شوف زي عندك بترومين عندهم جهاز معايرة الكفرات اتوماتيك هو يزبط الوضع من حاله روح له افضل

الاستبنه 90% ما اتوقع فيها حساس
بس شيك عليها احتياط

عزيزي مثل ماسبق وذكروا لك الأخوان هذه لمبة الكفرات 
ولكن هي تشتغل في حالتين اذا الحساس كان سليم 
الاولى اذا الهواء ناقص وهذا المتعارف عليه 
والثانية اذا الهواء كان زايد 
صحيح انت سيارتك جديدة والهواء فيها موزون من المصنع 
ولكن لازم تعرف انه مع المشي والحرارة تزيد كثافة الهواء في الكفر ويشتغل الحساس 
انا عندي الجمس مره كنت مسافر ومحمل اغراض وزودت الكفرات الخلفية الى 45 واشتغلت اللمبة  ولا طفت لين نقصت الهواء

شكرا لكم جميعا .. لكن كيف اعرف مقاس الهواء المناسب ؟

افتح باب السائق بتحصل عليه ستكر
مكتوب عليه ضغط الكفرات المناسب سواء 33 او 35 تعتمد على حجم الجنط الموجود على السياره

لو قلنا مثلا مكتوب الضغط المناسب 33.. اذا على طول بتعبي 33 يعتبر خطأ.. ليه؟

معروف الهواء مع الحراره يتمدد فـ داخل الكفر بيزيد الضغط.. ويحوس عليك القراءه الصحيحه

والحل انك يا توقف السياره فوق 12 ساعه حتى تبرد الكفرات وتعبي هواء

او اذا انت راعي مشاوير وماعندك الاستطاعه انك تعبي الكفرات وهي بارده

زود 6 psi حق تمدد الكفر يعني بدال ماتعبي 33 خليه 39 او 40
لأن اذا وقفت السياره وبردت الكفرات يرجع الضغط للطبيعي والموصى فيه من المصنع 33

بعلق انا معي اكسنت 17 لمبه تولع كل كل شهر ونص تقريبا

ما احد زبط هواء كفرات الا الوكاله حتى بترومين فاشلين وساعه بناشر مضروبه

الوالد عنده قلم حق قياس ضغط هواء كفرات ولفكيت باب سواق عنديم مكتوب 32

اقيس بالقلم حقي عند بناشر واوزن كل كفرات 32 وتطفي لمبه علطول

بدون ما احرك بس لو يبقى كفر واحد ما انوزن لمبه ماتطفي وسلامتك

شكرا لكم جميعا ,, وبالفعل كما قال الاخوه في الردود السابقه صارت المشكله من الاستبه ,,
زودتها هواء وطفت لمبة الطبلون جزاكم الله خير جميعا