أضف سؤال أو موضوع جديد          

هل تركب قطع الافالون على اللكزس es ؟

up 0 down 0
bakeetdo99 45
قبل 3 شهر



السلام عليكم يا الخوان ،
توني شاري لكزس es 2007 بس يبغالها شويه صيانه ومحتاجه لبعض القطع :
سؤالي : هل تركب قطع اللافالون او الاوريون على اللكزس es ، مثل المساعدات واليايات والمقصات والهوبات
والفحمات وووووغيرها من قطع التعليق والميزانيه ؟؟؟
،،،
والسؤال الثاني :
طبعاً بائعين قطع الغيار احياناً يطلبون استماره السياره
وطبعاً راح يعرفون ان السيارة لكزس وليست افالون واخاف يرفعون علي السعر في حال اكتشاف ذالك
ماهي نصائحكم علشان مايرفعون علي السعر اصحاب قطع الغيار ؟؟؟
وشاكر لكم ،،،







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نعم 80% نفس القطع


up 0 down 0
k.s.a man 24
قبل 3 شهر



خذ ارقام القطع اللي تبغاها من محل حتى لوعرف انها لكزس واعرض الارقام على محل ثاني من غير ماتعطيه رقم الهيكل




up 0 down 0
abdulaziz al-malki 965
قبل 3 شهر



عظلات قير مكينه وحدة فلاتر نفسها
اما تطلب قطعة برقم الهيكل مانصحك
الافضل ماتعطيهم رقم الهيكل
فك القطعه وروح للمحل وقلة يعطيك نفس القطعه
او برقم القطعه تاخذها
واذا سئلك ايش السيارة قولة اوريون
لان اغلب المحلات مجرد تقول لكزس
رفع عليك سعر القطعه
وتلقى القطعه نفسها افالون اوريون


up 1 down 1
الرفاعي33 13817
قبل 3 شهر



وقف السياره قبل المحل عشان لايشوف سيارتك
واذا قال عطني الاستماره عشان رقم الهيكل
قله السياره بالورشه والاستماره بداخلها
وللمعلوميه تراه محل قطع غيار
يعني ما راح يحقق معك عشان تشيل هم انه يقفطك
غيره مليون محل وخله يقفط الله اكبر وش بيسوي
سعر واطلع شف غيره وقارن وش ارخص محل وخذ من عنده


up 2 down 3
d7ooom777 428
قبل 3 شهر



هو يطلب الاستماره عشان يعطيك القطعه الصح ومو قصده يبي يتاكد هي لكزس او تويوتا
لان بعض القطع تختلف في الاستاندر عن الفل كامل


up 0 down 3
Pro rare 448
قبل 3 شهر



رقم الشاص مهم لقطع الغيار الا اذا معاك القطعة نفسها خلاص يطابق عليها المحل ويعطيك مثلها ولكن لارقم شاص ولا القطعة انتبه تصرف له سيارة وتركب القطعة وتكتشف انها ماتركب وماتقدر ترجعها

تبغى نصيحتي نزل إعلان بحراج قسم اللكزس ونزل نفس استفسارك راح تشوف ردود ماتتوقعها


يارجل هم يعرفون ان القطع وحده اكثر منا 
لاحظ في بعض المرات تروح تشتري قطع لسيارة تويوتا وكرتون القطعة عليه شعار لكزس
والسعر هم ماشين على برنامج من شركة عبداللطيف جميل ووكيله النهدي
ويبان عندهم قطع اللكزس من رقم القطعة حتى لو جبت القطعة القديمة  
من يوم يدق رقمها بالجهاز يعطيه انها تركب على اللكزس 
لاتوقف بعيد ولا غيره ولاتقول له اريون ولا افالون 
السعر عندهم  قبل الخصم واحد سواء في الشركة او المحللات 
الفرق بينهم في نسبة الخصم 20٪ 30٪ 40٪ 



up 0 down 3
hussain4 775
قبل 3 شهر



شاكر لكم جميعاً وماقصرتو ،،،

لكن انا شايف ان افضل حل حسب ماسمعت منكم اني افك القطعة بكبرها وأطابقها عند راعي قطع الغيار علشان يعطيني مثلها
وخلصنا بدال ما اعطيه الاستماره وهذا هو افضل حل ،،،
طبعاً من ناحية عدم مطابقة القطعه للسياره اكيد راح يرجعها مادام معي الفاتوره الا اذا كانت قطعه كهربائيه فنادر يرجعها خصوصاً
اذا افتكت من الكرتون تبعها وتم استخدامها ، لكن مادامها لسا جديده بكرتونها يرجعها عادي في حال عدم المطابقه اهم شي تكون
الفاتوره موجودة ،،،

واكرر شكري لكم على جميع الردود .


up 0 down 0
bakeetdo99 45
قبل 3 شهر



نقطه احب اوضحها لك
اذا بتغير المساعدات
انصحك ماتاخذها وكالة سعر المساعد فوق 500
عندك مساعدات الKYB
سعر الواحد لنفس موترك 200
ومن تجربة مغيرها قبل 3 سنوات
الى الان ماتشكي من شي
واذا انت في جدة خذها من الوكيل في كيلو 2



up 2 down 0
الرفاعي33 13817
قبل 3 شهر



لا والله يا الحبيب انا موجود بالرياض وطبعا وكيل الــ KYB عندنا موجود بالصناعيه القديمه ، وأساساً تلقاها عند اغلب قطع الغيار
حقين تويوتا مايحتاج اروح للوكيل نفسه ،،،
بس انا عندي أستفسار :
هل شركة KYB تنتج يايات كذالك او فقط مساعدات؟؟؟
لاني بصراحه محتاج يايات اماميه بسبب ان السياره طايحه شوي من قدام ،،،
عا العموم شاكر لكم جميعاً .


up 0 down 0
bakeetdo99 45
قبل 3 شهر