ماكنت اتوقع سعر قطع التايوتا كذا

يا رجال من شفت فلتر زيت الكامري 55 ريال بالوكاله وانا غاسل يدي من تويوتا
اذا اباخذ تويوتا اخذ شيء يسوا مثل اللاند والفوشنر والبرادو اما غيرهم لا
على العموم دائما اسعار الياباني غاليه مقارنه بالامريكي
عندي نيسان وعندي فورد فرق الاسعار لصالح الفورد
فلتر النيسان 30ريال بالوكاله والفورد15ريال وبعض المرات 20ريال

نفس قيمة المرسيدس .. سبحان الله

المشكله يجيونك المتعصبين الحين ويقول ع الاقل متوفره بكل مكان حتى لو تدخل
بقاله تلقى قطعها

اوكي هذه ميزه حلوه بقطع تويوتا انها بكل مكان ولاعمر سمعت حـد
مر يحتاج قطع غيار وقالوا نطلبها لك طلبيه وتتاخر عشر ايام زي سالفة الحاج حسين علي

وقطع جاكوار



ياعزيزي ليه الاسعار الفلكيه هذي وع ايش

انا شاري سيارة جديدة ابي استخدمها عشرين سنه قدام ودافع فيها دم قلبي

بالاخير لو احسب قطعها لهذه المده القى نفسي دفعت قيمتها ثلاث مرات دبل

مع الأسف إن الأكثرية عنده مفهوم أن قطع تويوتا أرخص قطع

يمكن هذا الكلام سابقا لكن الآن اختلف الوضع تماما

صيانة لكزس اللي كانت أرخص سيارة فارهة بصيانتها الآن نفس سعر صيانة المرسيدس والبي ام دبليو والأودي تقريبا

ماعاد فيه رخيص .. يمكن انا أشوف إن جنرال موتورز هم لحتى الآن محتفظين بقوتهم الشرائية والقطع

ويكفي سيارة تكد .. الامريكي بشكل عام صراحة مريح جدا للجيب وللزمن وأهم شي ( للظهر ) وقت السفر

صحيح قطع غيار تويوتا غالي ومن تجربه 

عكوس جهتين فوق ٣٠٠٠ للكامري والكرولا وووو 
الكمبرسر فوق ٣٠٠٠ للكامري والكرولا وووو
مقصات كامري ٣٥٠ تقريبا وماتنباع جلد لحالها 
جانبين الواحد فوق ٥٠٠
دينمو فوق ٢٠٠٠ 
رديتر فوق ٢٠٠٠
شمعة كامري ٢٠١٠ فوق ٧٠٠
ووووو

صراحه الاسعار غاليه لتويوتا وطبعا اتكلم عن الاصلي 
ممكن تحصل هونداي سعرها ارخص 
لكن ميزة التويوتا القطعه لو ركبتها وانت انسان سواقته عاقله تكد وتعيش معك

وبالنسبه للي يقول اسعار الامريكي محافظه 
اتوقع عالموديلات القديمه 
اسال عن اسعار الشفر وخاصه الصغيرات ماليبو انبالا وكذا 
وكذلك الفورد اسال عن فيوجن وتورس 

وبالنسبه لصيانة اللكزس مقاربه للاودي ومرسيدس 
هل كلامك عن تجربه ولا ؟ 
طيب لو كانت ارخص هل تتحمل مثل لكزس 
يعني ls460 ٢٠١٥ قطعه نفس سعر مرسيدس s500 ولا بي ام ٧٥٠
طبعا كلهم ٨ سلندر !!

وبالنهايه الواجب علينا المحافظه عالسياره حتى نتجنب الصيانات

والاستخدام يفرق بكل شيء 
اخذت كامري ٢٠١١ ماشيه ٨٠ بهدلت حياتي ومن تحت طلعت عكوس تجاري وثلاجة مكيف خربانه وحوسه
بعتها واخذت ٢٠١٠ ماشيه ٢٢٠ ماشاء الله من ابدع مايكون فقط كان جانبين خربان وتهريب صوفه زيت والسبب حفره للجانبين والتهريب انه كان يعبي ٤ علب ونص وهي مفروض وربع فخربت الصوفه
وبعد الاستخدام فتره قلت اغير الجانبين وجبت ٤ جانبينات وجبت طقم صوف والمفاجاه ان ارضيه السياره مانفكت من وكالتها ماشاء الله وكان استخدام ٥ سنوات وممشى ٢٢٠

فالاستخدام هو الحكم ، 

التويوتا صارت قطعها اغلى من المازدا
كمبروسر المازدا 2015 ب1500 من الوكاله وكمبروسر الكامري 2015 ب4000ريال
الدينمو حق المازدا ب1200 وحق الكامري 2600
الزجاج الامامي المازدا ب950 والكامري ب1500

اووف والله اسعار فلكية الله يعين

هنا ليس لهم رادع فكلهم يتحكمون بالأسعار وأنت غصب تشتري منهم لكن فيه حل يجعلهم يتأدبون وهو الشراء من الانترنت ، مواقع كثيرة مخصصة لقطع الغيار وتجيك الى عندك ماتكلفك نص المبلغ اللي دفعته ، ياأخوان لازم نحارب شجعهم ونتعلم ه

المسألة سهلة ولاتحتاج اختراع ، ادخلوا تويتر واكتبوا (فهد البقمي) كل يوم يكتب عن ثقافة الطلب عن طريق النت .

قطع تويوتا ارتفعت خلال 5 سنوات تقريبا 20%

لاجديد ولد خالتي قبل فترة سال عن كمبرسور كورلا والله كلامه لي قالوله الوكاله ب5700

صددمه قال اقولك كورلا مو فكس ار قال ايه كورلا كمبرسر الوكاله هذا سعره

زعل وباع الموتر واخذله جيب قال دامها خاربه خاربه اخذلي جيب واذا دفعت قطع غيار ع الاقل اقنع نفسي انه جيب

مو سيدان صغير الحجم وقطعه قطع غيار جيوب وع العموم تويوتا قطع غياره تقريبا من 3 سنوات زادت 40% من كلام الوكيل

لا اعلم السبب الحقيقي هل هو من الوكيل نفسه والموزعين والا من الشركة الام والحمد لله البدائل موجودة كثير سواء

من ياباني اخر او امريكي او كوري

ومن ملاحظه ع قطع اسعار الامريكي بعد بحث وسوال اتضحلي التالي اتكلم عن الموديلات الحديثه بانواعها وصححولي ان اخطأت

قطع غيار شفر متوسط وسعر قطع غيار البدي معقول جدا

فورد قطع غياره رخيص نوعا ما لكن قطع غيار البدي غالي

دوج قطع غياره اقرب للغلاء مقارنه بالمنافسين وقطع البدي غاااالي


الكوري

قطع غيار رخيص قطع غيار بدي غااالي لذلك تامينه دايم الاغلى


الياباني

تويوتا قطع غيار غالي نوعا ما وقطع بدي متوسط اقرب للغلا

نسيان قطع غيار معقول اقرب للرخص وقطع بدي متوسط

مازدا قطع غيار متوسط وبدي متوسط

هوندا قطع غيار معقول وقطع غيار بدي غااالي


طبعا اتكلم انا في هذ المقارنة عن اسعار الاصلي للموديلات الحديثة وليست القديمة ياشباب والسوق بينا للي يبي يتاكد
من الوكاله للي يبي يتعامل مع الوكاله ادري ان تويوتا تجي 4 درجات وكالة ودرجة اولى ودرجة ثانيه وبعض القطع درجة ثالثه (ردي )
بس حق تمشية حال ع قولهم لكن اتكلم بالسعر عن الاصلي

والله تويوتا ارتفعت الأسعار فوق الخمسين بالميه خلال ٥ سنوات حتى القديم شمله الزياده

الحل طلب القطع من النت

القطع من الخارج فرق كبير في السعر
ولاغلب الشركات
انا شريت قطعة من موقع ايباي
سعرتها في القطع ب740 ريال
وشريتها من الموقع شامل الشحن ب230 ريال
و ايضا من الإمارات و خاصة الشارقة قطع رخيصة مكائن و قيور
و غيره مستخدمه و رخيصة مقارنة بالسوق عندنا

أسعار قطع غيار الكامري الكامري والكورولا صارت غالية .. مستغرب من الأسعار الي ذكرهوا الشباب
هذي أسعار بعض قطع الأصلية من الوكالة للماكسيما 2017 :
الرديتر سعره 1800 ريال
الكمبرسور 3000 ريال
الدينمو 1500 ريال
فتر زيت مكينة 25 ريال
المساعد الأمامي 900 ريال
المساعد الخلفي 600 ريال

طبعا أسعار القطع خارج الوكالة عند الموزعين المعتمدين أرخص

انصحكم تشترون قطع الغيار من الخارج أرخص من الوكيل عندنا بكثير جدا ... بتوفرون مبالغ محترمه

المصيبة ان الكمبرسر التجاري افضل من الوكالة و الشمعات بعد التجارية اصفاء من حقات الوكالة وزود على الشمعات الفحمات المالزية افضل من الوكالة ..

ي رجال روح للامارات وتبضع من وكيلهم قبل فتره جمول تسعيرته 19500 بطن السياره

و اخذناها من الامارات فوق على البيعة رفرف واسطب خلفي ب 9500

والله بصراحه مهزله 
كورلا كمبرسرها ب 3000 الاف ريال
وش خليتو لل BMW 

كامري كمبرسرها ب 3500 اغلا من مكينتها