أضف سؤال أو موضوع جديد          

حكات المواقف والإهمال

up 13 down 2
m7md 33 351
قبل 5 يوم و 6 ساعه



السلام عليكم جميعاً 
يعطيكم العافيه يا اخواني 




كتبت الموضوع لكم للنقاش وممكن يكون فيه حل بأنه يوصل للي يتسببون بهذه الحاله .. 




ليش ياشباب تصفق البيبان بالمواقف 
والله شيء جنني ، 
اوقف موتري وارجع الاقي حكه او طعجه 




والمشكله اكون واقف صح وبمنطقتي وبالنص ماني مميل عليه 




ارجع الا وشمخ مع طعجه 




هل هي اهمال ، او عدم مبالاة بالناس او عدم تقدير ،،
حتى لو اطفالك علمهم يفتحون بشويش 
 
يعني انا لو جنبي سياره وحاشرني احاول قد ما اقدر ما اصفق موتره واذا لابد اخليه يلامس بشويش عشان مايضره حتى الاطفال اقولهم بشويش او اطلع الموتر ثم يركبون 




صراحه الموضوع متعب نفسياً ، لانك تحاسب للناس وهي ماتحاسب .. 




طبعا هذا غير الي يوقف بالبارك مايل او ماخذ باركين بدون مراعاة ان في احد بيحتاج الموقف ،، 








مره كان واقف في بارك وجالس بالموتر 
وصفط راعي تكسي جنبي لازق ، ليش لازق مدري والشارع كبير 
عموما يبي ينزل هندي 
مالقيت الا باقوى ماعنده فاتح الباب واحس الموتر هز هزه جامده 
والله من القهر نزلت بجلده 
يوم اشوف الله ايش فيه ها مافي معلوم 
قلت لاحول ولا قوة الا بالله .. 








ياشباب راعوا الناس الي معكم بالطريق سواء بارك او على خط ، حنا ترانا كلنا اخوان ومسلمين ان شاء الله .. 




وحب لأخيك ماتحب لنفسك .. 




والله اجي للدوام ادور بارك الاقي لك اكثر من واحد ماخذ باركين متعمد ع اساس محد يصدمه ولو تشوف موتره وصداماته انواع المخوش .. 








عموماً اسف ع الاطاله بس كتبت الموضوع من قهري على هالعينات وسابقاً الاقي شمخ بسيط يروح ببوليش بس من تالي صرت الاقي طعج وحفر وشمخ تشوفه من بعد كيلو 
واقهر شيء لما يكون موترك بوية وكاله 








يعطيكم العافيه واتقبل مشاركاتكم واراءكم  بكل صدر رحب 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نفس المشكلة اعاني منها والسيارة كلها موسمه من صفق البيبان مع ان الواحد حريص انه يوقف زين . بس فيه حل يخفف حدة الإصابه وهي انك تلمع جوانب السيارة دايما لانها تصير ملساء وما تنحك بسهوله


up 0 down 0



حياك الله اخوي ومشكور ع ردك 
لمعت الموتر وكل شيء بس الشعب الله يهديه لا جاء يفتح الباب باقوى ماعنده ولا همه 
والمشكله ليته شمخ يروح ببوليش ، اقولك حفره طعج مع تطيير البويه 

حسبي الله عليهم 


up 0 down 0
m7md 33 351
قبل يوم و 3 ساعه