أضف سؤال أو موضوع جديد          

اسباب تقشر بوية السياره

up 0 down 0
ابو خالد 4770 2
قبل أسبوع



السلام عليكم ورحمة الله وبركاتة

ياجماعة الخير انا اعاني من مشكلة معي جيب ربع 14 ابيض بريمي " عندي مشكلة فيه الي هي البويه تتقشرر تلقائي مع ان البويه بوية الوكاله واقصد بكلامي ( البويه تتقشر بقد راس القلم ) في انحاء متفرقه حتى فوق الخط تلقى تقشيره ظاهر لون البدي حق السياره الحديد

ما ادري وش السبب " مع اني ما ادخل البر ب الجيب ولا امشيء في طرق فيها احجار ومع ذلك تتقشر كل يوم القى تقشيره صغيره بمكان متفرق ومو واضحه للعيون الا لين تقرب مره تلقاه صغيره "

وسوسة كل يوم ادور حول الجيب اشوف فيه شيء تقشر !! لدرجة اني زهقت وودي ارش كامل بس خايف تنخفس قيمته لانه بيكون مرشوش

ملاحظه ( مغاسل السيارات اشيك على غسيلهم ب نفسي ) لذلك استبعدو مشكلة المغاسل لاني اشيك على بوية السياره بعد ما اغسلها وسليمه لكن بعد ايام اجي القى المكان الي مشيك عليه فيه تقشيره







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مشكلتك غريبة جدا
طيب فكرت انك تفحص البوية ممكن إن السيارة مرشوشة كامل ؟؟ مع العلم ان حسب كلامك بوية الوكالة !!

لأن اذكر قريب لي أخذ لاندكروزر وكالة واستخدمه لين ممشى 40 ألف ويوم جاء يبي يبيعه اكتشف إن السيارة مرشوشة الجنب اليمين كامل

وراح للوكالة واشتكى وما فاد شي .. لأن قالوا له ممكن انت رشيته وجاي تتبلانا

عشان كذا وانا اخوك شيك على البوية ممكن السيارة مرشوشة كامل .. ومشكلة تقشر البوية لأول مره اسمع فيها .. بويتك يمكن سماكتها غير دقيقة او فيه مشكلة بالرش بالوكالة




up 0 down 0
الاحترافي 1033
قبل أسبوع



نزل الصور عشان نقدر نفيدك اكثر
اذا كان في المقدمة يكون من الخطوط بدون ما تسوي حماية للوجهية


up 1 down 0
moathyaseen 1380
قبل أسبوع



با النسبه لمشكلتك السبب الاول والله اعلم :
أذا كنت راعي طلعات راعي بر ومقناص كثير وانت عارف مع كثر الغبار والرمل وانت بكرامه يحتك بالبويه
بفعل الهواء خصوصاً بالزوايا مثل ماقلت ويقشر البويه مع الوقت .
السبب الثاني :
بعض المغاسل للاسف يستخدمون مواد تنظيف مغشوشه يحطون فيها مواد كيمائيه لزياده كميه الصابون الموجود
فيها من باب التوفير على حساب الصابون الاصلي ، وطبعاً المواد المضافه تكون سبب في بهتان وتقشير بويه السياره في وقت
اقصر من المتوقع ، يعني بدل ماتجلس بوية السياره 6 او 7 سنيين مع كثر الغسيل بهذة المواد تجلس بس 3 او 4 سنيين بالكثيييير
السبب الثالث :
احتمال تكون مرشوشه اصلاً من الوكاله وليست البويه الاصليه اللي جايه من بلدها وهذا اللي خلاها تتأثر بسرعه ،

الحل وانا اخوك : دامك تبغاها استعمال ولاعندك نيه للبيع قريب رشها يارجال وخلاص لاجا وقت البيع يحلها ربك ، نصف
سيارات العالم مرشوشه والوضع عادي وسع صدرك بس وانا اخوك


up 1 down 0
bakeetdo99 14
قبل أسبوع



ممكن عيب مصنعي مثل اللي صارت في الفرود ذيك الايام تتقشر بويته للموديلات من 2006 وطالع 

انا قريب لي تقشرت معه البويه ماركيز 2008 وهو بدي بلد وعلى يده من الوكالة تقشرت التنده والكبوت وقد شفت اكثر من فرد نفس الشي وبعضهم الشنطة بعد 


up 0 down 0
a.ibrahem 3043
قبل أسبوع



سبق وانطرح نفس موضوعك من شخص يشتكي من نفس المشكله
ونفس السيارة جيب ربع مااتذكر ان كان هنا او منتدى آخر
لكن ابحث وبتلقى الموضوع


up 1 down 0
احمد 170 287
قبل أسبوع



انت واضح انك من الناس الي تدقق جدا جدا وراعي نصب وتلميع 
اسحب عليها يارجال لو نتابع الطقوق الصغار كان كل شهرين نرش بويه جديده


up 0 down 0
ابو حاتم العصامي 370
قبل 6 يوم و 23 ساعه



لاترش ولا شي وطبيعي كل مواترنا كذا لازم تحصل لك حكه ماتدري كيف جت لكن وسع صدرك


up 0 down 0
اودي666 114
قبل 6 يوم و 21 ساعه



الغسل يبهت البواية اما تقشير البوية ممكن غير اصلي او مرشوش كامل


up 0 down 0
هبووب الشمال 11
قبل 6 يوم و 18 ساعه



والله يا اخواني الجيب وكالته " وما رش ولا جاه حوادث " ولله الحمد " لكن جاء في بالي ان الشمس لها دورر بما ان الجو حار جدا " يمكن ذا السبب"

اما بالنسبة للي يقول يتقشر مع الهواء ممكن اقولك يتقشر من الامام لم الصدام ولم الزجاجه الاماميه " لكن التقشيرات وصلت حتى عند الابواب وهذا شيء موب طبيعي لان التقشيرات تجي في اماكن حتى الحصى مستحيل يضربها علشان تتقول من الخط



up 0 down 0
ابو خالد 4770 2
قبل 6 يوم و 2 ساعه



طيب سؤال ثاني لو ابغى ارشه ؟! هل اقدر ارشه بالوكاله على حسابي الخاص " وهل يقبلون موديل 14 انهم يدخلونه وارشه على حسابي ؟


up 0 down 0
ابو خالد 4770 2
قبل 6 يوم و 2 ساعه