انصفوني .. يا اخوان
11
0
إضغط هنا للإخفاء
سلام عليكم ورحمة الله
تعرضت لموقف وفيني قهر على حقي ومرمطه بس باذن الله مايضيع
الكل يعرف مواقف الامانه الي برسوم على الساعه
ولكن الاحتيال بالطريقه هذه مايجوز ولايرضي احد وانصفوني وان كنت غلطان علموني
اولا روحت الحرم وشفت الوضع دا قلت شيء طيب وممتاز وعندي حساب من اول واستخدمه في جده والاماكن دي بس الي شفته وعند الحرم الساعه ب 10 ريال قلنا مايخالف نروح المهم وزبدة الكلام حطيت مبلغ بحسابي ودفعت حق الموقف الي كان ساعه واضافه عليها ربع ساعه من عندهم وكان الانتهاء 2/24 صباحا يعني قبل الفجروركبت تاكسي وقربني للحرم مرره والله العظيم كان في نيتي اروح اطوف بس بعد المسافه ودخولي للحرم حسيت الوقت مايكفي قلت اصلي الوتر واشرب زمزم وارجع تاني والي احصله ساحبين السياره والمشكله معايا اهلي وهاتك مرمطه خذ تكسي وشوف مكانهم واوصل وناقش وجادل ما تخرج الا تدفع والحجه اولا الوقت انتهى ونعطيك مهله 8 دقايق بعد الوقت لو ماجيت نسحبها ويا هو صلي على النبي جائي قبل انتهاء وقتي ومصور وكل شيء ولمن انحشر راح رماها على انه انه ليه ماتحط الايصال واضح وروني صوره مهي واضحه ولا شفت منها شيء غير غبش ويعطوك وقت 15 دقيقه بعد المخالفه وتنسحب ومهي حجه كمان لاانه بالفعل حاط الايصال ومافي شيء اخبيه او اكذب عليه وثانيا عنده جهاز يضرب رقم اللوحه وتطلع كل شيء عنده طيب الايصالات روحت جبتها لكم من السياره ونا عندكم وعلى وقتي طلعو سيارتي ...قالو لا تدفع بالكامل ونطلعها لك ولو في شيء روح اشتكي اقسم بالله لو مو زوجتي وولدي برره وعلى الرصيف والوقت متاخر ودوام الصباح كان قعدت وازعجتهم لحقي قلت ادفع وقلبي مليان قهر وتخيلو كم 241 ريال طيب ليه يقلك كذا نظامنا حسبي الله نعم الوكيل
انتهاء الوقت : 2/24
وقت السحب والتصوير: 2/06
ووجودي عند السياره 2:13
ولو اقدر انزل الصور والايصالات نزلتها عشان اوضح موقفي بس مايقبل بالمنتدى عكس بموقعهم ومشواري لهم بالتاكسي والجدال وجيب الايصالات من السياره دفعت الساعه 2/49
علموني كيف اجيب حقي منهم والله نصبوا عليا واتصلت ورفعت بلاغ ولا في فايده
إبلاغ
الردود
سحبو سيارتي علما اني قصيت تذكره وجيت بالموعد والاقيهم مكلبشينها
سئلت المسئول قال عليك مخالفات قبل سابقه قلت توني شاري السياره قال مالي دخل روح الاداره
رحت الاداره بالبلد جنب سوق الجنوبيه ولقيت عالم تتضارب وتسب وتصارخ
جلست هادي وكلمت واحد ووريته بطاقه عملي اني مستعجل واذا عطلتوني راح اورطكم
دخلني عن المدير داخل المبنى بمكان الحاسب الالي وفهمته ان توني شاري السياره
قال المخالفات بالدمام قلت ما رحت الدمام وتوني شاري السياره
قال بسويلك خصم وفعلا دفعني 150 ريال وانا مالي دخل بس طلعت وقلت حسبي الله ونعم الوكيل
وبعدها تعلمت ان اسوي حساب واسدد اذا وقفت عن طريق الاون لاين ولو بجلس ساعه ادفع حق ساعتين
ولا حق المرمطه
عموما الله يعوض عليك وادعي ربك
للاسف الى يسحبون السيارات يتقاسمو الغله بينهم وبين مشرفين المواقع عشان كذا لو تلاحظ سياره تنسحب وسياره بس تتكلبش
وترا خوافين وشوفه عيني سحبو سياره واحد واصل بالاماره وجاء نفضهم وحبو راسه وفكو الكلبشات وما دفع شي
المشكله ناس تنظلم عيني عينك وناس ترتكب الخطاء ويفكونهم وفوقها حبه خشم
8
1
لكن تقول ايه في واحد قاعد في سيارته ومشغل لانتظار مستني جنب محل ومنتظر خمس دقايق صاحبه يخرج و يشوفلك ونش السحب جاي وراه ونازل يركب القفل وعاوز يسحب السيارة وهو راكب فيها
وينزل يكلم فيه يقوله انا دقايق وماشي قاله لا السيارة تنسحب وتيجي تاخدها من الحجز وتدفع المخالفة والغرامة ودفع 250 ريال
ومش هنقول غير حسبي الله ونعم الوكيل
5
1
7
2
وايش سالفة التسجيل بموقع
ليكون بالرياض زي كذا
نورونا الله ينور عليكم
3
1
فقط قل ( حسبنا الله ونعم الوكيل )
ربك كفيل فيهم
4
0
6
8
هذة المشاكل وإيجاد حلول مناسبه لها ،،،
عني انا بصراحه اوقف سياتي بعيد في اخر الدنيا ولا اوقف عند هذولا النصابين الساعه مدري بكم واذا تأخرت شوي كلبشو سيارتك ومرمطوك
وحوووووسه وش الله حادني عليهم
والله يعين بس .
6
1
6
1
3
0
كل شي صار بفلوس وضرايب
باقي الهواء بس
5
1
اشكرك على توضيح الموضوع
لكن براي اتمنى يكون المواقف مو محدد الوقت يعني ع راحت العميل
ولي خلص يجي ويدفع اللي عليه
مو مثلاً اقول بقعد ساعه
وتاخرت بعد ساعه ونص يشيلوها ويمرمطوني ويدفعوني مبلغ وقدره
لا يحسبون الساعه التاليه وحتى لو اضافوا رسوم زياده ماتقل عن عشر اريال ماتهم
1
1
المصيبه انهم ساحبينها قبل انتهاء المده بثلث ساعه اولا وثانيا لك 8 دقايق بعد انتهاء المده وبعدها لهم حق اما يسحبوها منك كذا وبحجج ماتدخل العقل حرام والله وغبنه وياليت الصور تترفع بالمنتدى كان وضحت معاكم وطريقتهم والاوقات وقبل شويه رفعت بلاغ للامانه نفسها ولو تاخرو برقيه ل خالد الفيصل وازعجهم لحد ما اخذ حقي
1
0
بس يقدرون يحطون سلسله على المواقف وسكيورتي يفتحها ويسكرها والدفع بالجهاز
المهم لو انك مصور مشكلتك بالجوال ونشرتها بالواتسب
كان نحلت مشكلتك للاسف مايجيب حقك بالدنيا من بعدالله غير كاميرة جوالك وبسسس
1
2
1
0
والساعة ب ٣ ريال
ليلة ٢٧ في رمضان
ورجعت قبل انتهاء الوقت بساعتين .. والامور طيبة الحمدلله
0
0
بخصوص اللي يقول نظام مواقف والدفع عند الخروج هذا في المناطق المركزية صعبة لعدم توفر مساحات وأراضي وبالذات عند الحرم وفي الأسواق مثل الدمام والرياض وجدة وباقي مدن المملكة لذلك مالك إلا حل تدفع وتتوكل على الله
0
0
طبعا المخالفة عدم قص تذكرة للموقف 50 ريال.
بعد موضوعك هذا وردود الاخوان بحثت عن ذالشركة ودخلت وسجلت بموقعهم وسددت إذا فيها سحب سيارة لوجود مخالفه سابقة!
وباقي لي رصيد عندهم, والله لا يسلطهم على أحد.
حسبنا الله ونعم الوكيل,, الظلم ظلمات
والنسبة للموظف مشكلة
بعضهم نفسه دنيه مستعد يرميك وراء المريخ على شان نسبه بسيطة من المخالفه.
افضحوهم بوسائل التواصل الاجتماعي بالذات الي معه حق ولديه الاثباتات.
1
1
شركة المواقف نصابين واستغلاليين
واتوقع معظم الشعب صارتله مشاكل معهم
حسبي الله ونعم الوكيل
المعروف اذا ماعليك مخالفه من اول ماتنسحب سيارتك ، يعطوك مخالفه وخلاص
لكن ع حسب حقارة الموظف
وقد صارتلي وانا ماعندي مخالفات سابقه
كنت واقف بشارع مافيه باركاات وكان الكفر الخلفي على معبر المشاه حق رصيفهم
ومع العلم ماكان واضح وممسوح وقديم
دخلت المطعم مع الواده طلعت ماحصلتها
ونفس مرمطتك بس معي الوالده حرمه كبيره
يوم رحتلهم دفعوني المخالفه والموقف عندهم والسطحه
طيب انا ماعندي مشكله اني غلطان
بس مفروض مخالفه اول مو سحب ع طول
والي قهرني بعد ماخلصت منهم وماشي لقيت سياره واقفه بشارع ثاني بنفس طريقتي مكلبشينها بس
يعني يدفع ٥٠ مخالفه يفكون الكلبش وخلاص
مو مثلي فوق ٢٠٠ دافع
حسبي الله عليهم
قبل 6 سنه و 4 شهر